मुंबई : मुख्यमंत्री एकनाथ शिंदे दिल्ली दौऱ्यावर गेले आहेत. ४० आमदार आणि १२ खासदारांनी ठाकरेंची साथ सोडलीय, पण या बंडखोरीनंतर उद्धव ठाकरेंना राज्याच्या राजकारणातही अनेक धक्के बसले. एकीकडे बंडखोरांना त्यांच्याच मतदारसंघात मात देऊन धडा कसा शिकवायचा याची तयारी उद्धव ठाकरे करत असतानाच राष्ट्रीय स्तरावरही उद्धव ठाकरे तयारीला लागलेत. १२ राज्यातील शिवसेना प्रमुखांनी मुख्यमंत्री एकनाथ शिंदे यांना पाठिंबा दिल्याची माहिती समोर आली होती. त्यातच आज विविध राज्यातील शिवसेना प्रमुखांची सेना भवन येथे आदित्य ठाकरे आणि शिवसेनेच्या काही नेत्यांच्या उपस्थितीत बैठक पार पडली. आत्ता राज्याबाहेर मोर्चेबांधणी करुन उद्धव ठाकरेंनी पुढची तयारी सुरु केलीय.

राज्यापाठोपाठ आता राष्ट्रीय स्तरावरही उद्धव ठाकरेंना मोठा धक्का बसलाय. विविध राज्यातील डझनभर शिवसेनाप्रमुखांनी पाठिंबा दिल्याचा दावा मुख्यमंत्री एकनाथ शिंदे यांनी गेल्या आठवड्यात केला होता. हा दावा शिवसेना पक्षप्रमुख उद्धव ठाकरेंच्या वतीने खोडून टाकण्यात आला. त्यानंतर आज युवासेना प्रमुख आदित्य ठाकरे यांच्या उपस्थितीत या नेत्यांची बैठकही पार पडली. शिंदे गटासोबत केवळ २-३ राज्यांचे प्रमुख आहेत, तर बाकी सर्व नेते आपल्यासोबत आहेत, असा दावा यावेळी ठाकरेंनी केला आहे.

देशभरातील शिवसेना नेत्यांची आज मुंबईत बैठक झाली .या बैठकीला विविध राज्यांतील शिवसेनेचे अध्यक्ष, नेते आणि पदाधिकाऱ्यांची उपस्थिती दिसून आली. या बैठकीसाठी आठ राज्यांचे शिवसेनाप्रमुख सेना भवनावर आले होते. देश पातळीवरही एकनाथ शिंदेंना १२ राज्यांतील प्रमुखांनी पाठींबा दिल्याचा दावा करण्यात आला होता. महाराष्ट्रापाठोपाठ दिल्ली, मध्य प्रदेश, छत्तीसगड, मणिपूर, गोवा, बिहार या राज्यांच्या शिवसेना प्रमुखांनी शिंदे गटाला समर्थन दिल्याचा दावा केला करण्यात आला होता. त्यानंतर संबंधित नेते अधिकृत नसून, अधिकृत शिवसेना पदाधिकाऱ्यांनी प्रतिज्ञापत्र दिलं असून सर्व जण आपल्यासोबत असल्याचा खुलासाही उद्धव ठाकरेंतर्फे करण्यात आला.

तुम्हाला बापाचा विचार विकणारी टोळी म्हणू का? आम्ही मिंधे नाही बाळासाहेबांचे खंदे:एकनाथ शिंदे

आगामी काळात खरी शिवसेना कोणाची, धनुष्यबाण हे शिवसेनेचे अधिकृत निवडणूक चिन्ह कोणाकडे जाणार, यासारखे प्रश्न सुप्रीम कोर्ट आणि निवडणूक आयोगाकडे प्रलंबित आहेत. अशा वेळी विविध राज्यांच्या शिवसेना प्रमुखांचं समर्थन निर्णायक ठरु शकतं. शिवसेनेच्या घटनेत राज्याबाहेरील पदाधिकाऱ्यांचं मतही ग्राह्य धरलं जाणार असल्याचा उल्लेख आहे. त्याच वेळी गोव्याचे शिवसेनाप्रमुख जितेश कामत यांचा व्हिडिओ समोर आला.

जितेश कामत काय म्हणाले होते?

“एका व्हायरल पोस्टमध्ये १२ राज्यांच्या शिवसेना प्रमुखांनी मुख्यमंत्री एकनाथ शिंदे यांना पाठिंबा दिल्याचा दावा केला जात होता. मात्र, मी एकनाथ शिंदेंना भेटायलाही गेलो नव्हतो. जे कोण भेटले, त्याविषयी मला माहिती नाही. माझं नाव त्यात घेऊ नये, कारण त्या व्हायरल फोटोत तर मी कुठे दिसतही नाही, कारण मी तिथे नव्हतोच. शिवसेना पक्षप्रमुख उद्धव ठाकरे यांनी मला पद दिलं, मी त्यांच्यासोबतच आहे.”, असं गोवा शिवसेना प्रमुख जितेश कामत यांनी म्हटलंय.

उद्धव ठाकरे यांच्या गटाला लागलेली गळती थांबतना दिसत नाही. राज्याच्या विविध भागातून शिंदे गटात प्रवेश सुरुच आहेत. त्यातच शिवसेना पक्ष संघटना देशातील कानाकोपऱ्यात वाढवण्यासंदर्भात शिवसेना प्रमुखांना माहिती दिल्याचं सागितलं जात आहे. राज्य प्रमुखांना राज्यात पक्षवाढीसाठी ठाकरेंनी आश्वस्त केलयं.

अभिमानास्पद! सांगलीच्या पोलीस उपअधीक्षकांचा थायलंडमध्ये पराक्रम, पटकावले मिसेस इंडिया विजेतेपद

आधीच पक्ष धोक्यात आलेला असताना आता राष्ट्रीय पातळीवर बसलेल्या या धक्क्यानंतर निवडणूक चिन्हदेखील अडचणीत येणार असल्याचं बोललं जात आहे. त्यातच शिवसैनिकच बंडखोरांना धडा शिकवतील याचा पुनरुच्चार उद्धव ठाकरेंनी अनेकदा केलाय.. शिवसेना सोडून गेलेल्या आमदार आणि खासदारांना त्यांच्याच मतदारसंघात सक्षम पर्याय पाहण्याची मोहिम शिवसेनेने सुरु केलीय आणि त्याची झलकही मतदारसंघात दिसलीय.

उद्धव ठाकरेंच्या सभेवर भाजपचा पलटवार, आशिष शेलारांची ट्विटद्वारे सेनेवर प्रश्नांची सरबत्ती



Source link

Leave a Reply

Your email address will not be published.