कॅनबेरा: भारतासोबत मुक्त व्यापार कराराला (FTA) ऑस्ट्रेलियाच्या संसदेने मान्यता दिली आहे. ऑस्ट्रेलियाचे पंतप्रधान अँथनी अल्बानीज (Australian PM Anthony Albanese) यांनी ट्विट करून ही माहिती दिली. ते म्हटले की, भारतासोबतचा आमचा मुक्त व्यापार करार (FTA) संसदेने मंजूर केला आहे. भारत-ऑस्ट्रेलिया आर्थिक सहकार्य आणि व्यापार करार (AI-ECTA) लागू करण्यापूर्वी ऑस्ट्रेलियन संसदेची मंजुरी आवश्यक होती. भारतात यासाठी कॅबिनेटकडून मंजुरी घ्यावी लागते. आता हा करार कोणत्या तारखेपासून लागू होईल, हे दोन्ही देश परस्पर संमतीने ठरवतील.

G20 Summit: पंतप्रधान मोदींचा स्वदेशी कपड्यांमध्ये रॉयल थाट, जागतिक नेत्यांची घेतली भेट पाहा फोटो

वाणिज्य आणि उद्योग मंत्री पियुष गोयल यांनी एका ट्विटमध्ये म्हटले आहे की, “ऑस्ट्रेलियन संसदेने भारत-ऑस्ट्रेलिया आर्थिक सहकार्य आणि व्यापार करार मंजूर केला याचा आनंद आहे. आमच्या मजबूत मैत्रीचा परिणाम आम्हाला आमचे व्यापारी संबंध त्यांच्या पूर्ण क्षमतेने पुढे नेण्यासाठी आणि मोठ्या प्रमाणात आर्थिक विकासाला चालना देण्यासाठी हा करार एक व्यासपीठ तयार करतो.

इंडोनेशियातील बाली (Bali) शहरात जी20 शिखर (G20 Summit) परिषदेत सहभागी झाल्यानंतर ऑस्ट्रेलियाचे पंतप्रधान अँथनी अल्बानीज म्हणाले की, “मी भारताचे पंतप्रधान नरेंद्र मोदी (Narendra Modi) यांची भेट घेतली. यादरम्यान, आम्ही ऑस्ट्रेलिया आणि भारत यांच्यातील घनिष्ठ आर्थिक सहकार्य (Australia-India Relation) कराराला अंतिम रूप देण्याबाबत चर्चा केली. दोन्ही देशांमधील संबंध आणखी मजबूत होतील”

भारतीयांना ३००० व्हिसा; जी-२० परिषदेत ब्रिटनच्या पंतप्रधानांची घोषणा
एप्रिलमध्ये AI-ECTA वर स्वाक्षरी झाली
ऑस्ट्रेलिया-भारत आर्थिक सहकार्य आणि व्यापार करार (AI-ECTA) या वर्षी २ एप्रिल रोजी स्वाक्षरी करण्यात आला. भारताने एका दशकानंतर विकसित देशासोबत मुक्त व्यापार करार केला आहे. यामुळे पुढील ५ वर्षांत वस्तू आणि सेवांची निर्यात दुप्पट होऊ शकते. या करारानंतर कापड, चामडे, फर्निचर, दागिने, क्रीडा उत्पादनांसह ९५ टक्के भारतीय वस्तूंना ऑस्ट्रेलियन बाजारपेठेत शुल्कमुक्त प्रवेश मिळू शकेल.

कराराअंतर्गत, ऑस्ट्रेलिया भारताला त्याच्या निर्यातीपैकी ९६.४ टक्के (मूल्याच्या आधारावर) शून्य शुल्क मुक्त प्रवेश देत आहे. यामध्ये अशी अनेक उत्पादने आहेत, ज्यांवर सध्या ऑस्ट्रेलियात ४-५ टक्के शुल्क आकारले जाते. ऑस्ट्रेलियातून भारतात निर्यात होणाऱ्या उत्पादनांमध्ये मोती, सोने, तांबे, ॲल्युमिनियम, वाइन, फळे आणि नट, कापूस, लोकर इ. त्याचबरोबर पेट्रोलियम उत्पादने, फार्मास्युटिकल्स, रत्ने आणि दागिने यांसारखी उत्पादने भारतातून ऑस्ट्रेलियाला निर्यात केली जातात.

जी-२०चे अध्यक्षपद भारताकडे सुपूर्द; गट सर्वसमावेशक करण्याची मोदी यांची ग्वाही
मुक्त व्यापार करार (FTA) काय आहे?
मुक्त व्यापार करारांचा उपयोग देशांमधील व्यापार सुलभ करण्यासाठी केला जातो. मुक्त व्यापार कराराअंतर्गत, कस्टम ड्युटी, नियामक कायदा, दोन देशांदरम्यान आयात आणि निर्यात केलेल्या उत्पादनांवर अनुदान आणि कोटा सुलभ केला जातो. याचा एक मोठा फायदा म्हणजे ज्या दोन देशांदरम्यान हा करार झाला त्यांचा उत्पादन खर्च उर्वरित देशांच्या तुलनेत स्वस्त होतो. यामुळे व्यापार वाढण्यास मदत होते आणि अर्थव्यवस्थेला गती मिळते.

भारत-ऑस्ट्रेलिया आणि भारत-जपान मुक्त व्यापार करार वगळता, भारताचे इतर विकसनशील देशांसोबत कमी-अधिक मुक्त व्यापार करार आहेत.





Source link

Leave a Reply

Your email address will not be published. Required fields are marked *