लखनऊ: उत्तर प्रदेशची राजधानी लखनऊमधील हॉटेल ९ इनमध्ये एका तरुणीचा मृतदेह सापडला. या महिलेचा गळा आवळून खून करण्यात आल्याची माहिती उघडकीस आली आहे. या प्रकरणी पोलिसांनी तरुणीचा प्रियकर सुशील कुमार जयस्वाल आणि त्याचा मित्र राजेशला अटक केली आहे. सुशील कुमारनं त्याच्या प्रेयसीची हत्या केल्याची माहिती पोलिसांनी दिली.

हत्या प्रकरणामागे एक लव्ह ट्रॅंगल असल्याची माहिती उघडकीस आली आहे. मृत तरुणी आणि सुशील यांच्यात गेल्या ५ ते ६ वर्षांपासून प्रेमसंबंध होते. सुशीलला तिच्याशी लग्न करायचं होतं. मात्र महिलेची ओळख एका व्यक्तीशी झाली. तिला तो आवडू लागला. तरुणीला त्याच्याशी लग्न करायचं होतं. यामुळे सुशील आणि तरुणीच्या नात्यात तणाव निर्माण झाला.
सर तन से जुदा! RSSच्या मासिकात काम करणाऱ्याला धमकी; आरोपी सापडला, ‘प्राणप्रिय’ निघाला
तरुणीनं जमीन खरेदी केली होती. त्या जमिनीची कागदपत्रं सुशील कुमारकडे होती. दोघांमध्ये तिसरा आल्यावर नात्यात तणाव निर्माण झाला आणि तरुणीनं सुशील कुमारकडे जमिनीची कागदपत्रं मागण्यास सुरुवात केली, अशी माहिती लखनऊ पश्चिम विभागाचे डीसीपी शिवासिंपी चिनप्पा यांनी दिली.

दोघांमध्ये वाद टोकाला गेले. सुशीलनं प्रेयसीला संपवण्याचा निर्णय घेतला. जमिनीचे कागजपत्रं नेण्यासाठी सुशीलनं प्रेयसीला १२ सप्टेंबरला केसरबाग येथील हॉटेलात बोलावलं. तिथे दोघांचं भांडण झालं. सुशीलनं तिथे तरुणीवर बलात्कार केला आणि मग तिची हत्या केली. ही हत्या आत्महत्या दाखवण्याचा प्रयत्न सुशीलनं केला, अशी माहिती पोलिसांनी दिली.
अभ्यास कर! पैसे वाया घालवू नको! स्पर्धा परीक्षेत नापास झाल्यानं लहान भावाला मारहाण; मृत्यू
आरोपी रात्रभर हॉटेलमध्ये थांबला आणि सकाळ होताच हॉटेलमधून फरार झाला. हॉटेलच्या सर्व्हिस स्टाफनं सकाळी दार ठोठावलं. मात्र आतून प्रतिसाद मिळाला नाही. त्यामुळे स्टाफला संशय आला. त्यानं मास्टर कीनं दार उघडलं. त्यावेळी बाथटबमध्ये तरुणीचा मृतदेह आढळला. हॉटेलच्या कर्मचाऱ्यांनी पोलिसांना माहिती दिली. पोलिसांनी मृतदेह ताब्यात घेतला आणि शवविच्छेदनासाठी पाठवला. तरुणीचा मृत्यू गळा आवळल्यानं झाल्याचं शवविच्छेदन अहवालातून स्पष्ट झालं.



Source link

Leave a Reply

Your email address will not be published.