सोन्या-चांदीचा भाव वाढला
सोन्या चांदीच्या किंमतींमध्ये सातत्याने चढ उतार सुरु असून आज सोने आणि चांदीच्या किंमतीत वाढ झाली आहे. भारतीय सराफा बाजारात मंगळवारी पुन्हा एकदा हिरव्या रंगात व्यवहार सुरू झाला. दोन्ही धातूंच्या किमतीत मोठी उसळी पाहायला मिळाली असून सोन्याच्या दरात प्रति १० ग्रॅम ३७० रुपयांची वाढ झाली, तर चांदीच्या दरांनी ६०० रुपयांची तेजीने व्यवहार सुरू झाले. यानंतर २२ कॅरेट सोन्याचा भाव ५६,२३८ रुपये प्रति १० ग्रॅम तर, २४ कॅरेट शुद्धतेचे सोने ६१,३५० रुपये प्रति १० ग्रॅमवर पोहोचले आहे. तसेच आज चांदीचा भाव वाढीसह ७३,६२० रुपये प्रति किलोवर पोहोचला आहे.
Personal Loan: स्वस्त व्याजदरावर पर्सनल लोन हवंय? पाहा कोणत्या बँकेचा किती आहेत Interest Rate
MCX आणि आंतरराष्ट्रीय बाजारात सोन्या-चांदीची स्थिती
दुसरीकडे, मल्टी कमोडिटी एक्सचेंज (MCX) वर सोन्याचा भाव ०.६८% किंवा ४१३ रुपये प्रति १० ग्रॅम वाढीसह ६१,०७० रुपयांवर पोहोचला, तर चांदीचा वायदा ०.८८% म्हणजेच ६४१ रुपये वाढून ७३,२८५ रुपये प्रति किलोवर ट्रेंड करत आहे. त्याचप्रमाणे यूएस कॉमेक्सवर सोन्याच्या किमतीत ०.७५ टक्के म्हणजेच १४.९० डॉलर वाढीसह दर प्रति औंस १,९९५.२० डॉलरवर पोहोचले असताना चांदीची किंमत ०.८९ टक्क्यांनी महागली आणि प्रति औंस २३.८३ डॉलरवर पोहोचली.
FD मुदतीआधी मोडायचीय? जाणून घ्या किती भरावा लागेल दंड, प्री-मॅच्युअर पैसे काढण्याचे नियम
एका मिस्ड कॉलवर सोन्या-चांदीच्या किमती तपासा
दरम्यान, देशांतर्गत सराफा बाजारात खरेदीला जाण्यापूर्वी २२ कॅरेट आणि १८ कॅरेट सोन्याच्या किंमती एका मिस्ड कॉलवर तुम्हाला समजू शकतात. तुम्ही ८९५५६६४४३३ या क्रमांकावर मिस्ड कॉल करा आणि त्यानंतर तुमच्या मोबाईल क्रमांकावर एसएमएस (SMS) द्वारे मौल्यवान धातूंच्या प्रति तोळा किंमती कळतील. याशिवाय भाव जाणून घेण्यासाठी तुम्ही www.ibja.co वा ibjarates.com या संकेत स्थळाला भेट देऊ शकता.