या आहेत ज्येष्ठ नागरिकांसाठी सरकारच्या प्रमुख चार निवृत्ती योजनासोने-चांदीचा आजचा भाव तपासा
जागतिक घडामोडींमुळे सोने-चांदी दबावाखाली आल्यामुळे त्यांना मोठी उसळी घेण्याची संधी मिळाली नाही. सततच्या घसरणीनंतर सोन्या-चांदीने दरवाढीचा बिगुल वाजवला आणि प्रति १० ग्रॅम ६० हजारांची पातळी गाठली. मात्र अलीकडील घसरणीमुळे सोने पुन्हा एकदा सर्वसामान्यांच्या आवाक्यात आले आहे. गुडरिटर्न्सच्या नवीन आकडेवारीनुसार २४ कॅरेट १० ग्रॅम सोने ५९ हजारांवर व्यवहार करत असताना २२ कॅरेट १० ग्रॅम सोन्यासाठी ग्राहकांचा खिसा आजही कमी रिकामा होईल.
बँक ग्राहकांनो, तुमच्या बचत खात्यावरही इन्कम टॅक्सची नजर; जाणून घ्या खात्यात किती पैसे ठवू शकता
वायदे बाजारात आणि आंतरराष्ट्रीय बाजारात सोन्या-चांदीवर कुठलाही कर, शुल्क आकारले जात नाही तर सराफा बाजारात शुल्क आणि कराचा समावेश होतो, त्यामुळे भावात तफावत दिसून येते. देशांतर्गत बाजारात १० ग्रॅम २४ कॅरेट सोन्याची किंमत ५९ हजार १३० रुपये आहे, तर २२ कॅरेट सोन्याची किंमत ५४ हजार २०० रुपये झाली आहे. त्याच वेळी चांदीची किंमत ७४ हजार ८०० रुपये प्रति किलो आहे. दुसरीकडे, बुधवारी सोन्याच्या फ्युचर्समध्ये सपाट व्यवहार होत असताना चांदीच्या फ्युचर्समध्ये वाढ नोंदवली गेली. मे महिन्यात सोन्याच्या फ्युचर्सने ६१ हजार ८४५ रुपये प्रति १० ग्रॅमचा सर्वकालिक उच्चांक गाठला होता.
या आठवड्यात सलग तिसऱ्या व्यापार सत्रात सोने आणि चांदीच्या फ्युचर्सची सुरुवात तेजीसह झाली. आज दोघांच्या वायदा किमतींनी उसळी घेतली. देशांतर्गत वायदे बाजार म्हणजे मल्टी कमोडिटी एक्सचेंजवर (MCX) २३ ऑगस्ट रोजी ऑक्टोबर सोन्याचे फ्युचर्स ५८ हजार ५५९ रुपयांवर व्यापार करत असताना सप्टेंबर चांदीचे फ्युचर्स ७२ हजार २१७ रुपयांवर व्यवहार करत आहे. आंतरराष्ट्रीय बाजारातही सोन्या-चांदीचे भाव तेजीने उघडले. आंतरराष्ट्रीय बाजारात कॉमेक्सवर सोन्याचा भाव ०.१७% वाढीसह $१,९२९.३ प्रति औंस झाला आहे.