[ad_1]

नवी दिल्ली : देशातील अनेक भागांत आज हरतालिकेचा सण साजरा केला जात आहे. आजच्या शुभ मुहूर्तावर देशांतर्गत वायदे तसेच सराफा बाजारात सोने-चांदीच्या किंमतीत तेजी नोंदवली गेली आहे. आठवड्याच्या सुरुवातीला मौल्यवान धातूंच्या दरात वाढीसह व्यवहार होत आहे. १८ सप्टेंबर रोजी भारतातील विविध शहरांमध्ये १० ग्रॅम सोन्याची किरकोळ किंमत अंदाजे ६० हजार रुपये आहे.

Axis Bank FD: खासगी बँकेच्या मुदत ठेवीवरील व्याजदारात बदल, जाणून घ्या नवे दर
सोने-चांदीचे फ्युचर्स भाव

आठवड्याच्या सुरुवातीला चांदीचे वायदे तेजीसह, तर सोन्याचे वायदे घसरणीने उघडले. मात्र, नंतर ही घसरण थांबली आणि सोन्याचे वायदे भावात वेगाने व्यवहार सुरू झाला. सोन्याच्या फ्युचर्सचे भाव आता ५९ हजार रुपयांच्या वर तर चांदीच्या फ्युचर्सचे भाव ७२ हजार रुपयांच्या वर पोहोचले आहेत. अशा स्थितीत ऐन सणवारात ग्राहकांना सोने-चांदीच्या खरेदीवर जास्त किंमत मोजावी लागणार आहे.

घरात बसलेल्या गृहिणींसाठी गुंतवणुकीचे बेस्ट ऑप्शन्स, फक्त ५०० रुपयांपासून सुरुवात बनवेल श्रीमंत
मल्टी कमोडिटी एक्सचेंज (MCX) वर, ऑक्टोबर सोन्याचे वायदे १०२ रुपये किंवा ०.१७% वाढीसह ५९ हजार ०९५ रुपये प्रति १० ग्रॅमवर व्यवहार करत असताना मागील सत्रात ऑक्टोबर सोन्याचा दर ५८ हजार ९९३ रुपये प्रति १० ग्रॅम पातळीवर होता. त्याचप्रमाणे डिसेंबर सोन्याचे फ्युचर्स १४५ रुपये किंवा ०.२४% उडी घेत ५९ हजार ६२० रुपये प्रति १० ग्रॅमवर पोहोचले आहेत. दुसरीकडे, MCX वर डिसेंबर चांदीचा भाव १६६ रुपये किंवा ०.२३ टक्के वाढीसह ७२ हजार ३२० रुपये प्रति किलोवर पोहोचला, जो मागील सत्रात ७२ हजार १५४ रुपये प्रति किलोवर बंद झाला होता.

सोन्यात गुंतवणूक करणे फायद्याचे!

जागतिक बाजारात सोने-चांदीची उसळी
दरम्यान, आंतरराष्ट्रीय बाजारातही सोन्या-चांदीच्या वायदे दरात संथ सुरुवात झाल्यानंतर तेजी दिसत आहे. आंतरराष्ट्रीय बाजारात सोन्या-चांदीच्या फ्युचर्सच्या किमती घसरणीसह उघडल्या, पण नंतर त्यांच्या किंमतीही वाढू लागल्या. कॉमेक्सवर सोने मागील बंद $१९४६.२० च्या तुलनेत १९४५.७० डॉलर प्रति औंसवर उघडले. मात्र नंतर ४ डॉलर वाढीसह $१९५०.२० प्रति औंसवर व्यवहार करत आहेत. तसेच कॉमेक्सवर चांदीचे फ्युचर्स $२३.३२ वर उघडले आणि $०.०२ वाढीसह $२३.४१ प्रति औंसवर उडी घेतली.

म्युच्युअल फंडात गुंतवणूक करताय, ‘हे’ महत्त्वाचं काम उरका, आता उरलेत फक्त १५ दिवस अन्यथा…
सराफा बाजारात सोने-चांदी चमकले
भारतीय बाजारात १० ग्रॅम २४ कॅरेट सोन्याची किंमत ६० हजार ०५० रुपये, तर २२ कॅरेट सोन्याची किंमत ५५ हजार ०५० रुपये आहे. त्याचप्रमाणे चांदीची किंमत ७४ हजार ७०० रुपये प्रति किलोग्रॅम आहे.

[ad_2]

Source link

Leave a Reply

Your email address will not be published. Required fields are marked *