Maharashtra Weather Alert : राज्यावर उद्या अस्मानी संकट, ‘या’ भागांना हवामान खात्याकडून रेड अलर्ट जारीकर्जदार तरुणाने कर्जफेडीसाठी २ महिन्यांची मुदत मागितली. त्यावर अरब यांनी त्यांना तोंडी दोन महिन्यांची मुदत दिली. ही मुदतवाढ दिल्याची फी म्हणून एक हजार रुपये शुल्क घेतले. ते शुल्क रोखीने न घेता युपीआयद्वारे घेतले. त्याची पावतीही दिली नाही. त्यानंतर कर्जदार तरुणाने ३१ ऑगस्ट २०२३ रोजी भैरवनाथ पतसंस्थेचे सर्व कर्ज फेडले. संपूर्ण कर्जाची परतफेड केल्याचा दाखलाही त्याला मिळाला. मात्र, त्यानंतर ४ सप्टेंबर त ७ सप्टेंबर या काळात यासिन अरब यांनी त्या तरुणाला फोन केला.
मी तुला कर्जफेड करण्यासाठी मुदत दिल्यानेच तू कर्जफेड करू शकला आणि तारण ठेवलेली जमीन वाचली. त्या मोबदल्यात तू मला ३० हजार रुपये दे, अशी मागणी केली. त्यामुळे तरुणाने नगरच्या लाचलुचपत प्रतिबंधक विभागाकडे तक्रार केली. त्यांनी तक्रार नोंदवून घेऊन पडताळणी केली. त्यानंतर १५ सप्टेंबरला सापळा रचन्यात आला. आरोपी अरब याने लाचेचा पहिला हप्ता ७ हजार रुपये यूपीआय द्वारे स्वीकारला. पुढील दोन दिवसांनी १३ हजार रुपये देण्याची मागणी केली. लाच स्वीकारताच पथकाने आरोपी अरब याला अटक केली.
दरम्यान, लाच लुचपत विभागाचे उपअधीक्षक प्रवीण लोखंडे, सापळा अधिकारी राजू आल्हाट, रमेश चौधरी, रविंद्र निमसे, सचिन सुद्रुक, वैभव पांढरे बाबासाहेब कराड, हरुन शेख, दशरथ लाड यांच्या पथकाने ही कारवाई केली.