जनावरे चरवण्यासाठी रानात गेला; गुरे मालकाविनाच परतली, सगळीकडे शोधाशोध, नंतर जे घडलं त्यानं…मिळालेल्या माहितीनुसार, गोंडपिपरी तालुक्यातील गोजोली येथील विशाल कोटजावरे यांचे किराणा आणि कृषी केंद्राचे दुकान आहे. किराणा दुकानात चिमण्या धुडघूस घालत होत्या. दुकानातच अनेक चिमण्यांनी घरटी केली आहेत. सारख्या चिवचिवटामुळे विशालला मोठा त्रास व्हायचा. दुकानात येणाऱ्या ग्राहकांनाही याचा त्रास होवू लागला. विशालने चिमण्यांचा बंदोबस्त करण्याचे ठरवले. त्याने कागदी खोक्याचा वापर करत चिमण्यासाठी एक घरटे बनविले. त्या खोक्यात चिमण्यांनी घर केलं.
विशालची ही आयडिया प्रभावी ठरली. त्याने अनेक घरटे बनवली. किराणा दुकानात धुडगूस घालणाऱ्या चिमण्यांनी या कागदी खोक्यात आसरा घेतला. मागील अनेक वर्षांपासून याच घरट्यात त्यांचे वास्तव्य आहे. या आयडियामुळे चिमण्यांपासून होणारा त्रास कमी झाला. चिमण्यांनाही हक्काचं घर मिळालं. खरंतर विशाल पक्षी प्रेमी ठरला आहे. त्रास करणाऱ्या वन्यजीवाचा बंदोबस्त करण्याच्या नावावर त्यांचा जीवाशी खेळ खेळला जातो. मात्र विशालने जी आयडिया अमलात आणली त्यामुळे त्याला होणारा त्रास तर दूर झाला. दुसरीकडे चिमण्यांना हक्काचं घर मिळालं.
या घरात चिमण्यांनी अनेक नव्या जीवांना जन्म दिला आहे. गोजोली गावापासून काही अंतरावर चिवंडा गाव आहे. या गावाला लागून जंगल आहे. हे वनपरिक्षेत्र नव्याने जाहीर झालेल्या कान्हळगाव अभयारण्यात येते. इथं वाघ आणि दुर्मिळ वन जीवांच्या अधिवास आहे. या परिसरात वन्यजीवांचे दर्शन नित्याचेच ठरते. काही अप्रिय घटना या भागात घडल्या आहेत. हे खरे मात्र सध्या तरी वन्यजीव आणि मानव यांचं अनोख नातं इथं बघायला मिळत आहे.