केस हे उत्तम सौंदर्यासाठी अत्यंत महत्त्वपूर्ण आहेत. जेवढे केस तुम्ही वाढवाल आणि तेवढी ज्यांची निगा राखाल तेवढे ते तुमच्या सौंदर्यात अधिक भर टाकतील. पण हेच केस जर कोरडे, रूक्ष आणि अनहेल्दी असतील तर तुमचा पूर्ण लुक खराब करून टाकतात. म्हणूनच ज्याप्रमाणे आपण बाकीच्या शरीराची काळजी घेतो तेवढीच काळजी या केसांची देखील घेणे सुद्धा खूप महत्त्वाचे आहे.

जाणकारांच्या म्हणण्यानुसार केसांना तेल लावणे ही एक महत्त्वपूर्ण प्रक्रिया आहे आणि ती प्रत्येकाने केलीच पाहिजे. उन्हाळ्यात केसांची निगा राखणे खूप महत्त्वाचे होऊन बसते. कारण उन्हामुळे केसांमध्ये घाण जमा होते व केस गळू लागतात. खास करून पुरूषांमध्ये उन्हाळ्यात ही समस्या जास्त दिसून येते. आज आम्ही तुम्हाला यावर उपाय म्हणून खास पाच हेअर ऑईल्सबद्दल सांगणार आहोत.

रूक्ष आणि निर्जीव केसांसाठी जोजोबा तेल

उन्हाळ्यात स्कॅल्पवर घाण जमा झाल्याने केस रूक्ष होऊन तुटू लागतात. या प्रकारच्या समस्येपासून सुटका मिळवण्यासाठी केसांकरता जोजोबा हेअर ऑईल अगदी परिणामकारक ठरू शकते. तुमच्या गुंतणाऱ्या केसांकरता सुद्धा हे ऑईल एक चांगला उपाय आहे. सर्वात चांगली गोष्ट म्हणजे हे ऑईल कमी चिपचीपित असते. याचा वास देखील जास्त येत नाही. अँटी-बॅक्टेरीयल गुणांमुळे तुमच्या केसांना या तेलामुळे खूप जास्त फायदा मिळतो व केसांची वाढ सुद्धा उत्तम रितीने होते.

(वाचा :- दाढी वाकडी तिकडे व पॅचमध्ये वाढलीये? फक्त करा ‘हे’ 7 जबरदस्त उपाय, पोरी होतील फुल इंप्रेस, झटक्यात दिसाल आकर्षक व स्मार्ट..!)

टक्कल पडलेलं असेल तर बदाम तेल

गरजेपेक्षा जास्त केस झडू लागले की टक्कल पडण्याची समस्या सतावते. या संशयाने त्रस्त असणाऱ्या लोकांनी बदाम तेलाचा आवर्जून वापर करावा. जर तुम्ही नियमितपणे जर या तेलाचा वापर केला तर केवळ 3 महिन्यांत तुमचे केस 4 इंचापर्यंत वाढू शकतात. व्हिटॅमिन ई यामध्ये खूप जास्त असल्याने याचा फायदा होतोच शिवाय या तेलाचा वापर केसांसाठी अरोमा थेरेपीमध्ये देखील केला जातो. हे तेल केसांसाठी क्लीन्जिंग ऐजंट म्हणून काम करते. धुळीचे कण आणि प्रदूषण यांना नष्ट करण्यासाठी हे हेअर ऑईल आठवड्यातून 4 वेळा लावावे.

(वाचा :- केसगळती होतेय? टक्कल पडण्याची भीती वाटतेय? मग घरी बनवलेले हे हेअर मास्क नक्की वापरुन पाहा)

संवेदनशील केसांसाठी ऑलीव्ह ऑईल

ऑलीव्ह ऑईल हे एक अत्यंत उत्तम हेअर ऑईल समजले जाते. हे तेल केसांसाठी कंडीशनरसारखे काम करते. या तेलामुळे जास्त अॅलर्जी देखील होत नाही. म्हणून संवेदनशील केसांसाठी या तेलाचा अधिकाधिक वापर केला जातो. एवढेच नाही तर स्कॅल्पला मॉइस्चराइज करण्यासाठी बहुतांश वेळा जाणकार मंडळी सुद्धा हेच ऑईल वापरण्याचा सल्ला देतात. यात असणारे अॅंटी इंफ्लेमेट्री गुणधर्म स्कॅल्पच्या हेल्थला सुधारण्यात बेस्ट मानले गेले आहेत.

(वाचा :- ‘या’ आजारामुळे पुरुषांना पिता बनता येत नाही, यामुळे कुटुंब नियोजन राहते अपूर्ण)

प्रत्येक टाइपच्या केसांसाठी नारळ तेल

नारळ तेलाबद्दल तुम्हाला वेगळे काय सांगायचे. याचा वापर तर तुम्ही देखील नक्की करत असाल व कधी ना कधी केला असेल. हे तेल सर्व प्रकारच्या केसांसाठी अत्यंत उत्तम मानले जाते. एवढेच नाही तर केसांना शाईन प्रदान करण्यासाठी आजही सर्वाधिक वापर हा नारळ तेलाचा होतो. जी शाईन नारळ तेल वापरून मिळते ती जादू अन्य तेलांत नाही हे जाणकारांनी देखील कबूल केले आहे. केसांमधला डेंड्रफ हटवण्यापासून केसांना पोषण देण्यापर्यंत प्रत्येक गोष्टीत नारळ तेल महत्त्वाची भूमिका बजावते. जर तुम्हालासुद्धा तुमच्या केसांना टिप पर्यंत कंडीशन करायचे असेल तर नारळ तेल नक्की वापरा.

(वाचा :- Face Shaving : मुलींनो चेहऱ्यावरील केस शेविंग करुन काढताय?, मग या ५ टिप्स नक्की लक्षात ठेवा)

डॅमेज केसांसाठी अ‍ॅव्होकाडो ऑईल

हे केसांच्या विकासासाठी खूप महत्त्वपूर्ण ठरू शकते. यात व्हिटॅमिन ए, बी, डी, ई, लोह, अमिनो अॅसिड यांसारखे अनेक पोषक तत्वे असतात जी केसांना हेल्दी राखतात. रूक्ष आणि निर्जीव केसांना या तेलाच्या वापराने एकप्रकारे नवसंजीवनी मिळते. यात केस रिपेअर करण्याचे गुणधर्म आहेत त्यामुळे उन्हाळ्यात तर हे तेल सर्वांनी वापरलेच पाहिजे. हे तेल युवी किरणांपासून बचाव करून केसांना सक्षमता प्रदान करते. तर मंडळी यापैकी तुम्हाला योग्य वाटणारे तेल वापरा आणि केसांची निगा राखा. जर तुम्हाला शंका असेल तर एकदा जाणकारांचा सल्ला अवश्य घ्या, ते तुम्हाला बेस्ट हेअर ऑईल सजेस्ट करतील.

(वाचा :- कॉफी लावून मिळवा हिऱ्यासारखी चमकदार स्किन, घरच्या घरी असे तयार करा फेसपॅक)



Source link

Leave a Reply

Your email address will not be published.