नवी दिल्ली : कोणतीही गोष्ट सध्या करण्याची जिद्द असेल, तर मेहनत आणि चिकाटीच्या जोरावर ती मिळवता येतेच. व्यवसायात यशस्वी होण्यासाठी तुमच्याकडे मोठी पदवी किंवा व्यावसायिक कुटुंब असणे आवश्यक नाही. तुमच्यात हिंमत असेल तर यश मिळेलच. बिहारच्या जमुई येथील रहिवासी सजदा खातूनची कहाणीही अशीच आहे. घरची परिस्थिती हलाखीची असतानाही सजदाने करून दाखवलं. सजदा नाही जास्त शिक्षित आहेत किंवा कोणत्याही व्यावसायिक कुटुंबातील नाहीत. परंतु घरच्या बिकट परिस्थितीतून बाहेर पडत त्यांनी यशाचं शिखर गाठलं

दोन वेळचं जेवणही होतं अवघड
कधीकाळी सजदाच्या कुटुंबाला दोन वेळचं जेवण मिळणेही अवघड झाले होते. कुटुंबात सात जण आणि पती-पत्नी दोघे अशिक्षित. घरातील चूल पेटवण्यासाठीही काम शोधायला लागायचं. सजदा आणि तिचा नवरा दोघेही अशिक्षित असले तरी पण त्यांची विचारसरणी दूरगामी आहे. कोणाच्या तरी सांगण्यावरून त्यांनी फराळ (नमकीन) बनवण्याचा व्यवसाय सुरू करण्याचा निर्णय घेतला. मात्र, पैशांशिवाय व्यवसाय कसा सुरू करायचा, हा प्रश्न ऐरणीवर आला.

Success Story: शाळा सोडून कॅल्क्युलेटर दुरुस्तीचं केलं काम, या मराठी माणसाने उभारले ५४.८ कोटींचे साम्राज्य
वडिलोपार्जित जमीन विकली
काम सुरू करण्यासाठी सजदासमोरील आर्थिक अडचण दूर करण्यासाठी कुटुंबाने वडिलोपार्जित जमीन विकली. काम सुरुच झाले होते की एका अपघातात सजदाच्या पतीचे दोन्ही पाय निकामी झाले, ज्यामुळे व्यवसायात त्यांना नुकसान सहन करावे लागले होते. काळ आपली परीक्षा घेत असतानाही सजदाने हार मानली नाही आणि नंतर पैसे गोळा करून नमकीन बनवण्यास सुरुवात केली. सजदा आधी नमकीन घरी बनवायची, स्वतः पॅक करायची आणि बाहेर विकायची.

पतीच्या आत्महत्यानंतर पत्नीच्या अथक परिश्रमाने आले वैभवाचे दिवस; आता कंपनीला कर्ज डोईजड
जसजसा पैसा येऊ लागला तसतसा व्यवसायही वाढला. प्रत्येक व्यवसायाप्रमाणे सजदाला देखील तोटा सहन करावा लागला, पण तिने धैर्य सोडले नाही आणि पुढचा विचार करून व्यवसाय पुढे नेला आणि तिच्या कुटुंबाचा आधार बनली. प्रयत्नांती परमेश्वर असतो असं म्हणतात. त्याचप्रमाणे सजदाची मेहनत देखील रंगली.

कोण आहे अजय गोयल? ग्रॅज्युएशन करताना सुचलेल्या कल्पनेने आज शेकडो लोकांना मिळवून देतायत नोकरी
वार्षिक दोन कोटींची उलाढाल
आता सजदाच्या नमकीन व्यवसायाची वार्षिक उलाढाल दोन कोटींच्या पुढे गेली सौं दर महिन्याला ती सुमारे १५ लाख रुपयांची कमाई करते. आता तिची मुले आणि पतीही तिला या व्यवसायात साथ देत असताना सजदाने आपल्या नमकीनच्या कारखान्यात गावातील इतर लोकांनाही रोजगार दिला आहे. सजदा खातून गेल्या २० वर्षांपासून नमकीन बनवण्याचे काम करत असून मेहनतीच्या जोरावर तिने आपल्या स्वप्नांना नवी पंख दिले. सजदाने यशाची जी कहाणी लिहिली आहे ती अनेक महिलांसाठी वाखाणण्याजोगी आहे.



Source link

Leave a Reply

Your email address will not be published. Required fields are marked *