मुंबई: ऑक्टोबर-नोव्हेंबर मध्ये सुरू होणार्‍या टी २० विश्वचषकापूर्वी आंतरराष्ट्रीय क्रिकेट परिषदेने (ICC) मोठा निर्णय घेतला आहे. १ ऑक्टोबर २०२२ पासून क्रिकेटमध्ये काही नवीन नियम लागू होणार आहेत. या बदललेल्या नियमांनुसार यंदाचा टी-२० विश्वचषक खेळवला जाईल. सौरव गांगुलीच्या नेतृत्वाखालील पुरुष क्रिकेट समितीच्या शिफारशी मंजूर झाल्यानंतर या नियमांमध्ये बदल करण्यात आले आहेत. तर पाहूया, नियमांमध्ये काय बदल करण्यात आले आहेत.

नवीन फलंदाज स्ट्राईक घेणार

आयसीसीच्या नवीन नियमांनुसार, झेलबाद झाल्यावर फक्त नवीन फलंदाजच फलंदाजी करेल. यापूर्वी जेव्हा एखादा फलंदाज झेलबाद झाला आणि त्याने नॉन स्ट्रायकर फलंदाजाला ओलांडले तर त्या परिस्थितीत नॉन स्ट्राईक एंडला नवा फलंदाज येत असे पण आता स्ट्राईक बदलूनही नवा फलंदाजच स्ट्राईक घेईल.

कोण आहे नारायण व्यास? सचिन तेंडुलकरला ही भेटण्याचा मोह आवरता आला नाही

चेंडू पॉलिश करण्यावर बंदी

करोनाच्या पार्श्वभूमीवर आयसीसीने गेल्या दोन वर्षांपासून चेंडूवर लाळ लावण्यास बंदी घातली होती. आता या नियमावर कायमची बंदी घालण्यात आली आहे. म्हणजेच आता पुढील नियम बदलेपर्यंत कोणताही गोलंदाज चेंडूला लाळ लावू शकणार नाही. बॉल पॉलिश न करण्याचा नियम २०२० मध्ये लागू करण्यात आला होता.

Bowler

IND vs AUS T20I-भारताला मिळाला नवा गोलंदाज, आता ऑस्ट्रेलियाची काही खैर नाही

स्ट्राईक घेण्यासाठी फक्त २ मिनिटांचा अवधी

आता फलंदाजाला कसोटी आणि एकदिवसीय सामन्यांमध्ये दोन मिनिटांत फलंदाजी करण्यासाठी सज्ज व्हावे लागेल, तर टी-२० फॉरमॅटमध्ये ही वेळ फक्त ९० सेकंद असेल. याआधी कसोटी आणि एकदिवसीय सामन्यांमध्ये ही वेळ ३ मिनिटांची असायची आणि जेव्हा फलंदाज वेळेत फलंदाजीसाठी येत नसे त्यावेळेस क्षेत्ररक्षण करणारा कर्णधार टाईम आऊट घेत असे.

Batsman for Strike

भारत-ऑस्ट्रेलिया मालिकेत होणार नवे रेकॉर्ड, रोहित आणि विराटला इतिहास रचण्याची संधी

चूक फिल्डरची, धावा फलंदाजाला

क्षेत्ररक्षणाच्या वेळी खेळाडूने जर फलंदाजाचे लक्ष विचलित करण्यासाठी कोणते कृत्य केले किंवा जाणूनबुजून चुकीचे हावभाव, वर्तन केले तर दंड म्हणून फलंदाजाला पाच धावा दिल्या जातील. आधी या चेंडूला डेड बॉल म्हटले जायचे आणि फलंदाजाचा फटका रद्द केला जात असे.

खेळपट्टीवरूनच फलंदाजी

जर एखादा चेंडू खेळपट्टीपासून दूर पडला, तर फलंदाजाला आता खेळपट्टीवरच थांबावे लागेल. जर फलंदाज खेळपट्टीच्या बाहेर गेला तर अंपायर त्याला डेड बॉल देईल. ज्या चेंडूवर फलंदाज खेळपट्टी सोडून शॉट खेळण्यास जाईल, त्या चेंडूला नो बॉल दिला जाईल.

Pitch

वन डे मध्येही स्लो ओव्हर रेटचा नियम

स्लो ओव्हर रेटचा नियम जानेवारी २०२२ मध्ये टी २० फॉरमॅटमध्ये लागू करण्यात आला होता, ज्यामध्ये स्लो ओव्हर रेटसाठी संघांना दंड आकारण्यात आला होता. आता हा नियम वनडेमध्येही लागू होणार आहे.



Source link

Leave a Reply

Your email address will not be published.