मुंबई : दक्षिण आफ्रिकेविरुद्धच्या चौथ्या टी-२० सामन्यात दिनेश कार्तिकच्या झंझावाती अर्धशतकाच्या जोरावर भारताने ८२ धावांनी जोरदार विजय मिळवला. या विजयासह टीम इंडियाने मालिकेत २-२ अशी बरोबरी साधली. या सामन्यात कार्तिकने २७ चेंडूत ५५ धावा केल्या. यादरम्यान त्याने ९ चौकार आणि दोन षटकारही मारले. त्याचवेळी, १६ वर्षांपूर्वी पदार्पणानंतर कार्तिकने आंतरराष्ट्रीय टी-२० मध्ये पहिले अर्धशतक झळकावले. कार्तिकला त्याच्या शानदार खेळासाठी सामनावीर म्हणून गौरवण्यात आले.

सामन्यानंतर दिनेश कार्तिकने हार्दिक पंड्याशी खास बातचीत केली. यादरम्यान कार्तिकने सांगितले की, आपल्या खेळात कसा बदल करून तो संघासाठी अंतिम फिनिशरच्या भूमिकेपर्यंत पोहोचला आहे. तो म्हणाला, “मला कोणत्याही परिस्थितीत भारतासाठी विश्वचषक खेळायचा आहे. या जिद्दीमुळेच मी इथपर्यंत पोहोचलो आहे. यासाठी मी मेहनत घेत आहे. मला फक्त टीम इंडियासाठी काहीतरी खास करायचे आहे आणि मला माहित आहे की भारतासाठी खेळणे माझ्यासाठी किती महत्त्वाचे आहे.”

वाचा – पंतच्या हातून उतरणार ग्लोव्हज; विश्वचषकात कार्तिक बनणार टीम इंडियाचा तारणहार

कार्तिक म्हणाला, “मी माझ्या बाजूने मेहनत करण्यात कोणतीही कसर सोडली नाही. सुदैवाने आरसीबीने मला व्यासपीठ दिले. तिथे मिळालेली जबाबदारी मी पार पाडली. आता टीम इंडियासाठी देखील मी परिस्थितीनुसार माझे १०० टक्के देण्यास तयार आहे.” कार्तिक अखेरीस २०१९ विश्वचषकात भारतीय संघातून खेळला. त्यानंतर युवा खेळाडूंमुळे त्याच्याकडे दुर्लक्ष करण्यात आले पण, कार्तिकने कठोर परिश्रम करणे सुरूच ठेवले आणि त्याने आरसीबीसाठी १५ व्या हंगामात जे केले त्यामुळे आता त्याचे विश्वचषक खेळण्याचे स्वप्न पूर्ण झाल्याचे दिसते. अशा परिस्थितीत कार्तिकला वेगळ्या टी-२० विश्वचषकात स्थान मिळाले तर काही खेळाडू संघातून बाहेर पडू शकतात. फलंदाजीसोबतच कार्तिक संघासाठी यष्टिरक्षणातही एक पर्याय असेल.

वाचा – ना विराट, ना रोहित हार्दिक या फिनिशरचं सोडून कोणाचंच ऐकत नाही; म्हणून बदललं करिअर

खेळाडूंचे स्थान धोक्यात
कार्तिकच्या तुफानी खेळीमुळे ऋषभ पंत, संजू सॅमसन यांच्यासारख्या टी-२० च्या धुरंधर खेळाडूंचे स्थान डोक्यात येऊ शकते. पंत सध्या बॅटने संघर्ष करत आहे, तर सॅमसन संघाचा नियमित सदस्य बनू शकलेला नाही. संजूला आयर्लंड दौऱ्यासाठी भारतीय संघात स्थान मिळाले आहे, पण टी-२० विश्वचषकसाठी आपली दावेदारी मजबूत करण्यातला त्याला बॅटने प्रभावी खेळ करणे गरजेचे आहे.



Source link

Leave a Reply

Your email address will not be published.