भारतीयांची घरगुती बचत ५० वर्षातील निचांकी पातळीवर, कर्ज वाढली, नेमकं कारण काय?

रिझर्व्ह बँकेची आकडेवारी काय सांगते?

रिझर्व्ह बँक ऑफ इंडियाच्या आकडेवारीनुसार २०२२-२३ च्या दरम्यान निव्वळ घरगुती बचत कमी होऊन ५.१ टक्क्यांवर आली आहे. जीडीपीच्या तुलनेत पाहिलं असता भारताची निव्वळ बचत १३.७७ लाख कोटी आहे. ही गेल्या पन्नास वर्षातील सर्वात निचांकी पातळीवर आहे. यापूर्वी ती ७. २ टक्के होती. यामुळं भारतातील लोकांच्या संपत्तीमध्ये घसरण झाली असून करोना काळानंतर लोक जादा खरेदी करत आहेत. लोक बचत करण्याऐवजी खर्च अधिक करत आहेत, अशी बाब समोर आली आहे.

कर्ज वाढतंय

रिझर्व्ह बँकेच्या अहवालानुसार एक चिंताजनक बाब देखील निर्दशनास येत आहे. अहवालात सांगण्यात आलंय की कर्जाचं प्रमाण वेगानं वाढत आहे. लोक मोठ्या प्रमाणावर कर्ज काढत असल्याचं आकडेवारीतून दिसत आहे. घरगुती वस्तुंची खरेदी, जमीन, घर, दुकान इतर वस्तू खरेदी करत आहेत. स्वातंत्र्यानंतर कर्ज घेण्याचं प्रमाण वाढल्याची टक्केवारी दुसऱ्यांदा समोर आली आहे. २००६-०७ मध्ये देखील कर्ज घेण्याचं प्रमाण ६.७ टक्क्यांवर पोहोचलं होतं.
अश्विनला वनडे संघात एंट्री मिळाली तरी कशी, अजित आगरकर यांनी सांगितलं खरं कारण…

आरबीआयच्या आकडेवारीनुसार घरगुती संपत्तीमध्ये घट होताना दिसत आहे. २०२३ मध्ये लोकांची कर्ज वाढली आहेत. २०२२-२३ मध्ये हे प्रमाण ३७.६ टक्क्यांपर्यंत पोहोचलं आहे.
लोकसभा निवडणूक वेळेवर होणार पण महाराष्ट्रात मध्यावधी लागणार, विनायक राऊतांचा खळबळजनक दावा, म्हणाले..

या अहवालानुसार बचत करण्याचं प्रमाण कमी झालं असून कर्ज वाढली आहेत. यामागे महागाई वाढली आहे हे देखील एक कारण आहे. आरबीआयनं हाऊसहोल्ड असेट आणि लायबिलिटीजचे जे आकडे जारी केले आहेत त्यानुसार अर्थव्यवस्थेबद्दल चिंताजनक स्थिती आहे.

रोहित आणि द्रविड यावेळी तुम्ही.. संघात स्थान मिळाल्यावर अश्विनची पहिली प्रतिक्रीया व्हायरल