नवी दिल्ली:Instagram Case: सोशल मीडिया प्लॅटफॉर्म युजर्सवर मोठा प्रभाव टाकतात. विशेषतः तरुणाईच्या आयुष्यात सोशल मीडियाला खूप महत्त्व आहे. गेल्या काही वर्षात तर Facebook, Instagram, WhatsApp आणि इतर सोशल मीडिया प्लॅटफॉर्म आपल्या दैनंदिन जीवनाचा एक भाग बनले आहेत. पण, आता या प्लॅटफॉर्मचा मुलांवर आणि तरुणांवरही वाईट परिणाम होत असल्याचेही समोर येत आहे. लोकांना एकमेकांच्या जवळ आणण्याची कल्पना घेऊन आलेले सोशल मीडिया प्लॅटफॉर्म आता लोकांना एकमेकांपासून दूर खेचत आहेत. कधी- कधी या प्लॅटफॉर्मचा युजर्सच्या नकळत त्यांच्या जीवनावर इतका प्रभाव पडतो की, अनेक लोक नैराश्य आणि उदासीनतेला बळी पडत आहेत. याचे एक नुकतेच प्रकरण अमेरिकेत पाहायला मिळाले.

वाचा: Fire TV Stick Lite: ३ हजारांपेक्षा कमी खर्चात जुन्या नॉर्मल टीव्हीला बनवा Smart TV, कसे ? पाहा डिटेल्स

मेटा वर केस का झाली?

अमेरिकेत एका मुलीच्या पालकांनी Facebb आणि इन्स्टाग्रामची मूळ कंपनी मेटा यांच्यावर खटला दाखल केला आहे . मुलीच्या कुटुंबीयांचे म्हणणे आहे की, इंस्टाग्राम वापरण्याच्या ‘सवयी’मुळे त्यांच्या मुलीला खाण्यापिण्या चे विकार, स्वत:चे नुकसान आणि आत्महत्येचे विचार यांसारख्या समस्यांना सामोरे जावे लागत आहे. कॅलिफोर्नियाच्या नॉर्दर्न डिस्ट्रिक्ट कोर्टात कंपनीविरुद्ध खटला दाखल करण्यात आला आहे. या प्रकरणात, मेटाने अंतर्गत शोधनिबंधांचाही उल्लेख केला आहे. जे लीक झाले होते. इंस्टाग्रामच्या लीक झालेल्या पेपर्समध्ये, Users Behaviour बद्दल काही सर्वेक्षण करण्यात आले होते. नोंदणीकृत प्रकरणात, असे सांगण्यात आले आहे की, मुलीने वयाच्या ११ व्या वर्षी तिच्या पालकांच्या माहितीशिवाय एक Instagram अकाउंट तयार केले होते, जे अकाउंटसाठी आवश्यक किमान वय १३ पेक्षा कमी आहे.

वाचा: नवीन हेडफोन्स खरेदी करण्यापूर्वी पाहा ही ऑफर, boAT Rockerz 660 Headphone वर मिळतोय ‘इतक्या’ हजारांचा ऑफ

मुलगी रुग्णालयात पोहोचली:

Instagram वर Account तयार करण्यासाठी मुलांचे वय किमान १३ वर्षे असणे आवश्यक आहे. इंस्टाग्रामच्या आर्टिफिशियल इंटेलिजन्स इंजिनमुळे मुलीला प्लॅटफॉर्मचे व्यसन लागले असा आरोप पालकांनी केला आहे. यासोबतच तिला स्वत:ला हानी पोहोचवणारा मजकूरही दाखवण्यात आला. मुलगी आता १९ वर्षांची आहे. परंतु, ती उदासीनतेनी ग्रासली आहे. तसेच, रिपोर्ट्सनुसार, ‘आत्मविश्वास आणि आनंदी’ असलेली मुलगी आता हॉस्पिटलमध्ये असून या भयानक समस्यांशी झुंज देत आहे.

वाचा: हार्ट रेट- स्ट्रेस मॉनिटरिंगसह Amazfit Zepp E वॉच लाँच, डिव्हाइस नॉन स्टॉप ७ दिवस चालणार, पाहा किंमत



Source link

Leave a Reply

Your email address will not be published.