पुणे : पत्रकार, लेखक, फूड ब्लॉगर आशिष अरविंद चांदोरकर (वय ४३) यांचे बुधवारी पहाटे झोपेत हृदयविकाराच्या झटक्याने निधन झाले. त्यांच्या मागे विवाहित बहीण व कुटुंबीय असा परिवार आहे. आशिष चांदोरकर यांनी ‘महाराष्ट्र टाइम्स’, ‘सकाळ’, ‘सामना’, ‘प्रभात’, ‘केसरी’ या दैनिकांसह ‘साम’; तसेच ई-टीव्ही मराठी या वाहिन्यांमध्येही विविध जबाबदाऱ्या सांभाळल्या. खवय्या अशी ओळख असलेले चांदोरकर यांनी विविध ठिकाणी मिळणाऱ्या खाद्यपदार्थांवर खास शैलीत लिहिलेले ब्लॉग व त्यांचे यू-ट्यूब चॅनेलही लोकप्रिय होते. देवेंद्र फडणवीस यांच्या मुख्यमंत्रिपदाच्या कार्यकाळावर आधारित ‘मॅन ऑन मिशन महाराष्ट्र’ हे पुस्तक त्यांनी लिहिले होते.

राष्ट्रीय स्वयंसेवक संघाचे प्रचारक म्हणूनही त्यांनी काम केले होते. राज्य सरकारचा २०१५ चा पहिला सोशल मीडिया पत्रकारिता पुरस्कार त्यांना मिळाला होता. पत्रकारितेच्या विद्यार्थ्यांना अध्यापनाचे कार्यही त्यांनी केले होते.

समाजावरील शिक्का पुसण्याचा निर्धार, पारधी तरुणानं नवी वाट शोधली, ड्रॅगन फ्रुट शेतीत कमाल

‘राजकीय क्षेत्र; तसेच महाराष्ट्राच्या कानाकोपऱ्यातील खाद्य संस्कृतीसंदर्भात मौलिक योगदान देणारे पत्रकार आशिष चांदोरकर यांच्या निधनाने पत्रकारिता क्षेत्राचे कधीही न भरून येणारे नुकसान झाले आहे,’ अशा शब्दांत मुख्यमंत्री एकनाथ शिंदे यांनी चांदोरकर यांना श्रद्धांजली वाहिली. ‘आशिष चांदोरकर यांचे निधन धक्कादायक असून, त्यांच्या निधनाने एक चांगला पत्रकार, संशोधक आणि अभ्यासू व्यक्तिमत्त्व आपल्यातून हिरावले.

रोहितपेक्षा कोहली बरा… पाकिस्तानच्या कर्णधाराने पराभवानंतर साधला निशाणा

‘मॅन ऑन मिशन महाराष्ट्र’ या पुस्तकासाठी त्यांनी महाराष्ट्रभर प्रवास केला होता,’ अशा शब्दांत उपमुख्यमंत्री देवेंद्र फडणवीस यांनी त्यांना श्रद्धांजली वाहिली. उच्च व तंत्रशिक्षणमंत्री चंद्रकांत पाटील यांच्यासह अनेक ज्येष्ठ नेत्यांनीही त्यांना श्रद्धांजली वाहिली.

काहीही करुन उद्धव ठाकरेंना संपविण्याचा विडा, त्याला आपल्या मुन्नाभाईची साथ, उद्धव यांचा राज ठाकरेंवर निशाणा



Source link

Leave a Reply

Your email address will not be published.