जळगाव : विधान परिषदेच्या निवडणुकीसाठी राष्ट्रवादीचे उमेदवार एकनाथ खडसे (Eknath Khadse) यांना विजयासाठी तीन ते चार मतांची जुळवाजुळव करावी लागणार आहे. तर भाजप आमदार संजय सावकारे (Sanjay Savkare) हे एकनाथ खडसे यांचे निकटवर्ती असल्याने सावकारे यांचे मत खडसेंना मिळण्याची शक्यता वर्तविण्यात येत आहे. मात्र एकनाथ खडसे हे माझ्यासाठी आदर्श असून आजही मी त्यांना मानतो. मात्र, मला पक्ष सांगेल त्यांना मी मतदान करेन, अशी प्रतिक्रिया देत त्यांनी मतदानाबाबत सस्पेन्स कायम ठेवला आहे. (suspense remains over whether a bjp mla sanjay savkare will vote for eknath khadse)

दरम्यान, संजय सावकारे हे एकनाथ खडसे यांचे निकटवर्ती असल्याने सावकारे यांचे मतदान खडासेंनाच अशी चर्चा मात्र राजकीय वर्तुळात चांगलीच रंगली आहे. एकनाथ खडसे हे भाजपात असतांना संजय सावकारे यां आमदार करण्यात एकनाथ खडसे यांचा मोठा वाटा आहे. तेव्हापासून सावकारे यांना खडसेंचे निकटवर्तीय म्हणून संबोधले जाते. खडसे राष्ट्रवादी काँग्रेसमध्ये आल्यानंतर त्याच्या पाठोपाठ आमदार संजय सावकारे हे सुध्दा राष्ट्रवादी काँग्रेसमध्ये येतील अशी चर्चा रंगली होती. आता पुन्हा खडसे यांच्यासोबत संजय सावकारे यांच्या नावाची चर्चा सुरु झाली आहे.

क्लिक करा आणि वाचा- लिहायचं होतं देहू, फलकावर लिहिलं जुहू! राष्ट्रवादीच्या आंदोलनात ‘गलती से मिस्टेक’

विधानपरिषदेसाठी राष्ट्रवादी काँग्रेसने एकनाथ खडसेंना उमेदवारी दिली आहे. अवघ्या तीन दिवसांवर विधानपरिषदेची निवडणूक येवून ठेपली असून त्यातील रंगत वाढत आहेत. एक अन् एक मतासाठी नेत्यांची प्रतिष्ठा पणाला लागली आहे. एकनाथ खडसेंनाही तीन ते चार मतांची जुळवाजुळव करावी लागणार आहे. त्यातच भाजपचे भुसावळचे आमदार संजय सावकारे हे खडसेंचे निकटवर्तीय समजले जातात. त्यामुळे सावकारे हे खडसेंनाच मतदान करतील अशी चर्चा जोर धरु लागली आहे.

क्लिक करा आणि वाचा- धक्कादायक! गुंगीचं औषध देऊन तरुणीला २ लाखाला विकलं, यानंतर जे घडलं वाचून हादराल

मात्र याबाबत माध्यमांनी संजय सावकारे यांची नेमकी काय भूमिका हे जाणून घेतले असता, एकनाथ खडसे हे माझे आदर्श आहेत. मी आजही त्यांना मानतो. मात्र मला पक्ष सांगेल त्यांनी मी मतदान करेन असे आमदार संजय सावकारे यांनी सांगितले आहेत. सावकरे हे खडसे यांना मतदान करतील अशी शक्यता जरी व्यक्त होत असली तर मात्र सावकारे यांनी पक्षाला समोर करत त्‍यांच्या मतदानाबाबतचा सस्पेंन्स कायम ठेवला आहे.

क्लिक करा आणि वाचा- कामावरुन परतलेल्या आईसमोर भयावह दृश्य, २२ वर्षीय मुलाचा मृतदेह पाहून टाहो



Source link

Leave a Reply

Your email address will not be published.