विमा क्षेत्रातील एका ब्रोकरनं दिलेल्या माहितीनुसार आशिया कपमध्ये खराब वातावरणामुळं सामने रद्द झाल्यानं त्यांना विमा रक्कम द्यावी लागली होती. आशिया कपच्या तुलनेत वर्ल्ड कप स्पर्धा विना अडथळा पार पडली आहे. सूत्रांनी दिलेल्या माहितीनुसार वर्ल्ड कप स्पर्धेत एकूण २२०० कोटींचं विमा संरक्षण घेण्यात आलं होतं. यामध्ये प्रक्षेपकांना जाहिरातीमधून मिळणाऱ्या उत्पन्नाचा देखील समावेश होता. डिजिटल प्रक्षेपणातून मिळणारं उत्पन्न १२०० कोटींपेक्षा अधिक असू शकेल, असा अंदाज होता. आयसीसीसी सोबत स्पॉन्सरशिप करणाऱ्या इंडसइंड बँकेनं देखील विमा संरक्षण घेतलं होतं.
विमा क्षेत्रातील सूत्रांनुसार विमा संरक्षणासाठी प्रक्षेपकांनी ६४ कोटींचा विमा हप्ता भरला होता. या क्षेत्रातील तज्ज्ञांच्या मते भारताच्या सामन्यांसाठी सर्वाधिक विमा संरक्षण घेण्यात आलं होतं ते तब्बल ८० कोटी रुपयांपर्यंत होतं.
२०११ मध्ये भारतात झालेल्या वर्ल्डकपच्या तुलनेत यावर्षी प्रक्षेपक, स्पॉन्सर्स, स्टेडियमवरील संस्था, संघटनांनी कोणत्याही प्रकारचं नुकसान होऊ नये म्हणून काही रक्कम विमा संरक्षण घेण्यासाठी गुंतवली होती.
अखेर अनिल अंबानींच्या कर्जात बुडालेल्या कंपनीची विक्री, जाणून घ्या कुणी खरेदी केली? आरबीआयची मंजुरी
वर्ल्ड कप २०२३ साठी प्रमुख विमा पार्टनर म्हणून न्यू इंडिया अॅश्युरन्स कंपनीची निवड झाली होती. यासह इतर खासगी क्षेत्रातील विमा कंपन्यांचा देखील समावेश होता.
भेटवस्तू घेण्यावरच नाही तर देण्यावरही वाढतो टॅक्सचा बोजा; पाहा केव्हा भरावा लागतो कर
दरम्यान, गुजरातच्या अहमदाबादमध्ये सुरु असलेल्या वर्ल्डकपच्या अंतिम फेरीत भारतानं पहिल्यांदा फलंदाजी करताना २४० धावा केल्या होत्या. प्रत्युत्तरादाखल मैदानात उतरलेल्या ऑस्ट्रेलियानं चागंली सुरुवात केली आहे. ड्रिंक्स ब्रेकपर्यंत त्यांनी ३ बाद ९३ धावा केल्या आहेत.
भारताच्या अर्थव्यवस्थेचं पुढचं पाऊल, पहिल्यांदाच ४ ट्रिलियन डॉलर्सचा टप्पा पार, जर्मनीला लवकरच मागं टाकणार
Read Latest Maharashtra News And Marathi News