गृहकर्जाचे प्री-पेमेंट
बऱ्याचदा गृहकर्जदारांना नियमित मासिक पेमेंट म्हणजे EMI व्यतिरिक्त मूळ रकमेची प्री-पेमेंट करण्याचा सल्ला दिला जातो. होम लोन हे एक दीर्घकालीन कर्ज असते, ज्यामध्ये व्याज दर प्रामुख्याने फ्लोटिंग दरानुसार निश्चित केला जातो. त्यामुळे रेपो दरातील बदलांचा परिणामही दिसून येतो.
Home Loan: गृहकर्ज घेणारे बहुतेक लोक करतात ‘ही’ चूक, २० वर्षांत फिटणारे लोन ३० वर्ष फेडत बसतात
गेल्या आर्थिक वर्षात आरबीआयने रेपो दरात सलग सहा वेळा वाढ केली, ज्यामुळे गृहकर्ज घेणार्‍यांचा ईएमआयचा बोजा खूप वाढला. अशा परिथितीत त्यांना कर्जाचे प्री-पेमेंट करण्यास सांगितले जाते, परंतु हे कितपत योग्य आहे हा प्रश्न आहे. तसेच यामुळे कर्जदाराला काही फायदा होतो का किंवा त्याचे काही तोटे आहेत का?
कर्जाचे प्रीपेमेंट म्हणजे काय?
प्रत्येक महिन्याला कर्जदाराच्या खात्यातून EMI म्हणून एक निश्चित रक्कम वजा केली जाते, ज्यामध्ये मूळ रकमेवर आकारले जाणारे व्याज तसेच मूळ रकमेतील काही रक्कम समाविष्ट असते. या व्यतिरिक्त, जेव्हा कर्जदार अतिरिक्त रक्कम भरतो, तेव्हा त्याला कर्जाचे प्री-पेमेंट म्हणतात.
घर खरेदीचे नियोजन; नोकरी करता अन् ५० लाखांचं घर घेताय? जाणून घ्या ‘या’ गोष्टी नाहीतर येईल पश्चातापाची वेळ
दिलेली अतिरिक्त रक्कम मूळ रक्कम कमी करते, ज्यामुळे कर्जाची रक्कम कमी होते आणि कमी EMI च्या रूपात कर्जदाराला लाभ मिळतो. प्री-पेमेंटचे अनेक फायद्यांसह काही तोटेही आहेत जे लक्षात घेतले पाहिजे…
गृहकर्ज प्रीपेमेंटचे तोटे
होम लोनच्या EMI मधून लवकरात लवकर कर्जमुक्त होण्यासाठी प्री-पेमेंटचा पर्याय निवडल्यास काही गैरसोयींनाही सामोरे जावे लागू शकते.
– रोखीची कमतरता
गृहकर्जाच्या ईएमआय खूप जास्त असतो, त्यामुळे कर्जदारावर दरमहिन्याला कर्जधा भार येतो. अशा परिस्थितीत EMI व्यतिरिक्त अतिरिक्त कर्जाची रक्कम भरल्यास तुमचे महिन्याचे तसेच भविष्यातील अनेक महिन्यांचे बजेट खराब करू शकते, ज्यामुळे रोख रक्कम कमी होऊ शकते.
वेळेपूर्वीच गृहकर्जाचे हफ्ते फेडताय? ‘या’ गोष्टी लक्षात ठेवा; बँकेत वारंवार चक्कर मारण्याचा त्रास संपेल
– अपॉर्च्युनिटी कॉस्टही खेळ बिघडवेल
बहुतेकदा लोक बचतीचा वापर कर्जाच्या प्री-पेमेंटसाठी करतात ज्यामुळे कर्जाची लवकर परतफेड होते, परंतु जर बचत इतरत्र गुंतवली तर चांगले परतावा मिळू शकतो, ज्याला आर्थिक परिभाषेत अपॉर्च्युनिटी कॉस्ट देखील म्हणतात. म्हणून, प्री-पेमेंट करण्यापूर्वी लक्षात ठेवा की बचतीच्या पैशासह प्री-पेमेंट करण्यापूर्वी ही कोस्ट काळजीपूर्वक तपासा.
– कर्जाच्या प्री-पेमेंटवर शुल्क
तुम्ही मुदत संपण्यापूर्वी कर्जाची परतफेड करण्याचा पर्याय निवडला तर बहुतेक बँका आणि बिगर वित्तीय संस्था त्यावर प्री-क्लोजर शुल्कही आकारतात. साधारणपणे प्री-क्लोजर चार्जेस थकित कर्जाच्या रकमेच्या १ ते ५% दराने आकारले जातात. तथापि, कर्जाच्या प्री-पेमेंटवर तुम्हाला शुल्क भरावे लागेल.
– गृहकर्जाचे प्री-पेमेंट कधी नुकसानदायी
कर्जाच्या प्री-पेमेंटमधून तुम्हाला कधी फायदा होईल आणि कधी तोटा हे तुम्ही कोणत्या वेळी कर्जाची प्री-पेमेंट करत आहात यावर अवलंबून आहे कारण जर तुम्ही कर्जाचा मोठा हिस्सा भरला तर तुम्हाला प्रीपेमेंटचा फारसा फायदा मिळणार नाही. कारण आतापर्यंत तुम्ही कर्जाच्या EMI सोबत भरपूर व्याज भरले आहे. याशिवाय तुम्हाला प्री-क्लोजर चार्जेस देखील भरावे लागतील.