नाशिक: एका चारचाकी गाडीतून पैशांची बॅग घेऊन पळण्याच्या तयारीत असणाऱ्या दोघांना मुलं चोर असल्याचे समजून स्थानिक नागरिकांनी बेदम मारहाण केली आहे. पोलिसांनी घटनास्थळी वेळेत पोहचून दोघांना वाचवले असून त्यांना उपचारासाठी नाशिकच्या जिल्हा रुग्णालयात दाखल करण्यात आले आहे.

सध्या सोशल मीडियावर मोठ्या प्रमाणात अफवांचे पेव उठले आहे. नाशिकमध्ये मुलं चोरीच्या अफवा गेल्या काही दिवसांपासून सोशल मीडियावर व्हायरल होत असल्याने नागरिकांमध्ये भीती निर्माण झाली आहे. त्यामुळे नागरिक प्रत्येकाला संशयाच्या नजरेने बघत आहेत. आज सकाळी गंजमाळ परिसरात दोघे एका चार चाकी गाडीच्या नंबर प्लेटवर कलर टाकून गाडीमध्ये असलेल्या बॅग पळवण्याच्या तयारीत असताना एका वाहनचालकाच्या निदर्शनास आले. त्यानंतर त्याने चोर-चोर असा आरडाओरड केला. त्यामुळे समोरच असलेल्या पंचशील नगर झोपडपट्टीकडे हे दोघेही पळाले.

हेही वाचा –वर्गमित्राचा सतत त्रास, इंजिनियरिंगच्या विद्यार्थिनीची आयुष्यातून एक्झिट, महिला आयोगाला चिठ्ठी

परिसरातील नागरिकांनी चोर चोर ऐकून मुलं चोर असल्याचे समजून त्यांना बेदम मारहाण केल्याची घटना घडली. पोलिसांनी वेळेत घटनास्थळी जाऊन दोघं संशयितांना लोकांच्या तावडीतून सोडवून त्यांना उपचारासाठी नाशिकच्या जिल्हा रुग्णालयात दाखल केले. हे दोघे भाऊ असून ते मूळचे औरंगाबादचे रहिवासी आहेत. साहिल लक्ष्मीकुंठे आणि प्रभास लक्ष्मीकुंठे अशी त्यांची नावे आहेत.

हेही वाचा –मध्यरात्री रेल्वे स्थानकावर घेऊन फिरला, मग मैदानात नेऊन महिलेला संपवलं, परभणीत थरार

काही दिवसांपूर्वी देखील अशीच एक घटना घडली होती. ब्लँकेट विकणाऱ्या इसमांना टाकळी रोड येथे मुलं चोरणारी टोळी असल्याचे समजून त्यांना बेदम मारहाण करण्यात आली होती. पोलिसांनी देखील सोशल मीडिया तसेच प्रसार माध्यमांतून शहरात कुठलीही मूल चोरणारी टोळी सक्रिय नाही, त्यामुळे अफवांवर विश्वास ठेवू नका, असे आवाहन पोलिसांतर्फे करण्यात आलेले आहे.

हेही वाचा –सहा जणांवर संशय, पोलिसांनी सापळा रचला; आरोपींकडे सापडलं २२ किलोंचं ‘तरंगतं सोनं’, पोलीस चकित

धारावीत शिंदे-ठाकरे गट आमने-सामने; सदा सरवणकर आणि शिवसैनिकांमध्ये शाब्दिक बाचाबाची



Source link

Leave a Reply

Your email address will not be published.