Mansi Kshirsagar | महाराष्ट्र टाइम्स.कॉम | Updated: Sep 21, 2022, 6:15 AM

यंदाच्या गणेशोत्सवात लालबागचा राजा मंडळाने दर्शनाच्या रांगांसाठी बॅरिकेड्स उभारताना रस्त्यावर खड्डे पाडल्यामुळे पालिकेच्या भायखळा ‘ई’ विभागाने मंडळाला ३ लाख ६६ हजार रुपयांचा दंड भरण्याची नोटीस बजावली आहे.

 

lalbaug-cha-raja
म. टा. विशेष प्रतिनिधी, मुंबईः यंदाच्या गणेशोत्सवात लालबागचा राजा मंडळाने दर्शनाच्या रांगांसाठी बॅरिकेड्स उभारताना रस्त्यावर खड्डे पाडल्यामुळे पालिकेच्या भायखळा ‘ई’ विभागाने मंडळाला ३ लाख ६६ हजार रुपयांचा दंड भरण्याची नोटीस बजावली आहे. मंडळाने रस्त्यावर १८३ खड्डे खोदल्याचे माहितीच्या अधिकारात उघड झाले आहे.

माहिती अधिकार कार्यकर्ते महेश वेंगुर्लेकर यांनी ‘ई’ विभागाकडे यंदाच्या गणेशोत्सवात लालबागचा राजा मंडळाने अनधिकृपणे पाडलेल्या खड्ड्यांची स्थिती आणि दंडाची माहिती अधिकारात मागितली होती. त्यास पालिकेने उत्तर दिले आहे. भायखळा ‘ई’ विभागाच्या हद्दीमधील टी. बी. कदम मार्गावर (दत्ताराम लाड मार्ग जंक्शन ते नेकजात मराठा बिल्डिंगपर्यंत) पालिकेची परवानगी न घेता दर्शन रांगेसाठी मार्गिका उभारण्यात आली. या मार्गिकेला बॅरिकेड्स लावण्यासाठी खड्डे पाडण्यात आले. यामध्ये पदपथावर ५३ तर रस्त्यावर १५० असे एकूण १८३ खड्डे पाडले. यामध्ये पालिकेच्या नियमानुसार प्रतिखड्डा २ हजार रुपये याप्रमाणे ३ लाख ६६ हजार रुपये दंड केला आहे. ही रक्कम ‘ई’ विभाग कार्यालयात तातडीने भरण्याचे निर्देश नोटिशीत देण्यात आले आहेत.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.



Source link

Leave a Reply

Your email address will not be published.