नवी दिल्ली: शिवसेना पक्षप्रमुख उद्धव ठाकरे यांनी बुधवारी मुंबईत झालेल्या गटप्रमुखांच्या मेळाव्यात अमित शाह आणि भाजपला आरपारच्या लढाईचे आव्हान दिले होते. त्यानंतर दिल्लीतील राजकीय घडामोडींना वेग येताना दिसला. राज्याचे मुख्यमंत्री एकनाथ शिंदे (Eknath Shinde) हे सध्या दिल्लीत आहेत. उद्धव ठाकरे यांच्या भाषणानंतर एकनाथ शिंदे हे रात्री सव्वाअकराच्या सुमारास महाराष्ट्र सदनात बैठक घेत होते. या बैठकीत शिवसेनेचे विविध राज्यांमधील प्रदेशाध्यक्ष उपस्थित होते. परंतु, ही बैठक सुरु असताना एकनाथ शिंदे अचानक महाराष्ट्र सदनाबाहेर पडले. त्यानंतर ते बराचवेळ महाराष्ट्र सदनात नव्हते. यावेळी एकनाथ शिंदे यांनी केंद्रीय गृहमंत्री अमित शाहांची (Amit Shah) भेट घेतल्याची चर्चा आहे.

या भेटीत दोन्ही नेत्यांमध्ये नेमकी काय चर्चा झाली, याचा तपशील अद्याप समोर आलेला नाही. मात्र, येत्या २७ तारखेला सर्वोच्च न्यायालयात शिवसेना विरुद्ध शिंदे गटाच्या प्रकरणात महत्त्वाचा निकाल येऊ शकतो. सर्वोच्च न्यायालय शिवसेनेच्या चिन्हाबाबत निवडणूक आयोगाला महत्त्वाचे निर्देश देऊ शकते. या पार्श्वभूमीवर एकनाथ शिंदे यांचा आत्ताचा दिल्ली दौरा निर्णायक मानला जात आहे. एकनाथ शिंदे हे बुधवारी रात्रीच मुंबईत परतणार होते. मात्र, त्यांचा दिल्लीतील मुक्काम अचानक वाढला. गुरुवारी सकाळी ते मुंबईत परतणार आहेत. मात्र, त्यापूर्वी ते दिल्लीत आणखी कोणत्या नेत्यांच्या भेटीगाठी घेणार का, हे पाहावे लागेल.

देवेंद्र फडणवीसांसमोर सगळ्यात मोठं आव्हान कोणतं? शिवसेनेनं तिरकस शब्दांत चढवला हल्ला
शिवतीर्थावर दसरा मेळावा कोण घेणार; उच्च न्यायालयाच्या निकालाकडे साऱ्यांचे लक्ष

दरवर्षीप्रमाणे दादरमधील शिवाजी पार्क मैदानात दसरा मेळावा घेण्यासाठी मुंबई महापालिकेकडे २२ ऑगस्टला अर्ज करूनही परवानगी मिळाली नसल्याने कोंडी झालेल्या शिवसेनेने अखेर बुधवारी मुंबई उच्च न्यायालयात धाव घेतली. ‘अर्ज केल्यानंतर ७२ तासांत परवानगी अपेक्षित असताना, पालिकेने एक महिना होऊनही परवानगी दिलेली नाही. परिणामी आम्हाला न्यायालयात येणे भाग पडले आहे’, अशी कैफियत मांडत तत्काळ परवानगी देण्याचा आदेश पालिकेला देण्याची विनंती शिवसेनेने याचिकेत केली आहे. याबाबत न्या. रमेश धनुका व न्या. कमल खाटा यांच्या खंडपीठासमोर आज, गुरुवारी प्राथमिक सुनावणी होणार आहे.

शिवतीर्थावर दसरा मेळावा कोण घेणार; शिवसेना उच्च न्यायालयात; आज होणार फैसला?
अमित शाहांना आस्मान दाखवा: उद्धव ठाकरे

मिंधे गट नुसता शेपट्या घालून आहे. आज दिल्लीत गेलेत, दिल्लीत मुजरा, महाराष्ट्रात गोंधळ. हिंमत असेल तर दिल्लीत जाऊन पंतप्रधानांना सांगा की आमचा प्रकल्प परत द्या, वेदांताला केंद्र सरकार आणखी सवलती द्यायचा प्रयत्न करत आहे, म्हणजे हे आधीच ठरलं होतं, असा आरोपही उद्धव ठाकरेंनी केला. मुंबईवर लचके तोडणाऱ्या गिधाडांची औलाद फिरतेय, निजामशाह, आदिलशाह यांच्या कुळातील आताचे अमित शाह. ते देशाचे गृहमंत्री आहेत, पण मुंबईत येऊन काय म्हणाले तर उद्धव ठाकरेंना जमीन दाखवा. पण त्यांना तुम्ही आसमान दाखवा. ही नुसती गवताची नाही तलवारीची पाती आहे. मुंबई तुमच्यासाठी स्क्वेअर फुटातील जमीन असेल, आमची ही मातृभूमी आहे, असं उद्धव ठाकरेंनी ठणकावून सांगितलं.



Source link

Leave a Reply

Your email address will not be published.