प्रश्न : मी एक अविवाहित तरुण आहे. माझे एका मुलीवर खूप प्रेम आहे. तिचे सुद्धा माझ्यावर प्रेम आहे. आम्ही गेल्या 1 वर्षांपासून लिव्ह इन रिलेशनशिपमध्ये राहत आहोत. आमच्यामध्ये सर्व काही सुरळीत सुरू होते. पण अचानक तिचा एक मित्र आमच्यामध्ये आला आहे आणि गोष्टी बिघडू लागल्या आहेत असे मला वाटते आहे.

तो दिसायला सुंदर आहे आणि ती सतत त्याच्याशी फोन वर बोलत असते. त्या दोघांचे बॉंडिंग देखील उत्तम जमते. त्यामुळे मला भीती वाटू लागली आहे की ती त्याच्याकडे आकर्षित होते आहे. मला माझ्या प्रेमावर विश्वास आहे. पण दोघांचे असे जास्त बोलणे, एकत्र राहणे मला आवडत नाही आहे. (गोपनीयतेच्या कारणामुळे आम्ही व्यक्तीची ओळख उघड करत नाही आहोत.)

तो तिच्यासाठी अनेक गोष्टी करतो

मी पाहिलं आहे की ती जेवढी माझ्या सोबत आनंदी नसते तेवढी ती त्याच्या सोबत आनंदी असते किंवा त्याला भेटून आल्यावर आनंदी असते. मी कुठेतरी कमी पडतोय आणि त्यामुळे ती त्याच्यामध्ये अडकत चालली आहे असे मला वाटू लागले आहे. तो तिला खूप हसवतो. तिची काळजी घेतो. तिला सरप्राईजेस देतो. एक परफेक्ट जोडीदार मुलींना कसा हवा असतो, अगदी तसाच तो आहे. त्यामुळेच आमचे नाते धोक्यात आले आहे असे मला आता हळूहळू वाटू लागले आहे.

(वाचा :- अमेरिकेच्या राष्ट्रपतींमुळे जगात पहिल्यांदा बनवला गेला मोस्ट फेवरेट टेडी बेअर, युनिक लवस्टोरी ऐकून व्हाल इमोशनल)

पुरावे नाहीत

त्या दोघांमध्ये काही सुरू आहे का हे दाखवणारा एकही पुरावा सध्या तरी माझ्याकडे नाही. कदाचित हा केवळ माझ्या मनातील एक संशय वा भीती असावी. माझे मन सुद्धा मला कधीकधी सांगते की ती खूप लॉयल आहे आणि मला कधीच फसवणार नाही. तशी तिची वागणूक देखील बदललेली नाही. तिच्यात थोडा बदल जाणवत असला तरी तो खूप मोठा व विश्वासघात करणारा आहे असे मी म्हणणार नाही. पण मी स्वत:च गोंधळलेला आहे. मलाच काय करावे हे कळत नाही आहे. कृपया मार्गदर्शन करा.

(वाचा :- माझी कहाणी : नवरा फोन घेऊन पूर्ण दिवस बाथरूममध्ये बसलेला असतो, माहित नाही आत तो काय करतो, मला वेगळाच संशय येतोय)

एक्सपर्ट्सचे उत्तर

प्रेडिक्शन फॉर सक्सेसचे को-फाउंडर आणि सीनियर रिलेशनशिप कोच विशाल भारद्वाज असे म्हणतात की, “मी समजू शकतो तुमच्या मनात असुरक्षिततेची भावना का निर्माण झाली आहे आणि यात चुकीचे काही नाही कारण अनेक लोकं यातून जातात. आपली व्यक्ती आपलीच राहावी हीच त्यामागची भावना असते. पण मला वाटते की हा केवळ तुमचा संशय आहे आणि तो तुम्ही वाढू देऊ नये. तुमच्या गर्लफ्रेंडवर विश्वास ठेवावा. जोवर तुमच्याकडे पुरावा नाही तोवर या गोष्टी बिनबुडाच्याच समजल्या जातील.”

(वाचा :- काश..! नणंदेसोबत वाद घालण्याआधी मला ‘या’ गोष्टी समजल्या असत्या तर… माझ्यासोबत कधीच इतकी वाईट घटना घडली नसती..!)

तुलना करणे बंद करा

विशाल भारद्वाज पुढे म्हणतात की, “तुमच्या बोलण्यावरून असे दिसते की तुम्ही त्या तरुणाशी स्वत:ची तुलना करत आहात. पण मुळात हे चुकीचे आहे. यामुळेच तुमच्या मनात न्युनगंड निर्माण झाला आहे. एक सुंदर मुलगा आणि एक सुंदर मुलगी एकमेकांचे मित्र असू शकतात. त्यात वागवे काही नाही. पण आपल्या गर्लफ्रेंडचा मित्र सुंदर आहे म्हणून ती त्याच्याकडे आकर्षित होईलच याची खात्री नाही. त्यामुळे तुम्ही एक युनिक व्यक्ती आहात आणि ते पाहून ती मुलही तूमच्या सोबत थांबली आहे हे लक्षात ठेवा आणि तिला जपण्याचा प्रयत्न करा.”

(वाचा :- एकेकाळी माधुरी दीक्षित व संजय दत्तच्या लव्हस्टोरीच्या झडल्या होत्या जगभरात चर्चा, ‘त्या’ एका घटनेने तुटले नाते)

तिच्याशी बोलून घ्या

शेवटी सल्ला देताना ते म्हणतात की, “जर तुम्हाला खुपच टेन्शन आले असेल, सतत हेच विचार डोक्यात असतील आणि यातून बाहेर पडायचे असेल तर एकदा आपल्या गर्लफ्रेंडशी समोरा समोर स्पष्टपणे बोलून घ्या. जेव्हा तुम्ही बोलाल तेव्हा गोष्टी नक्कीच बदलतील. पण तिच्याशी बोलताना ती दुखावली जाणार नाही आणि तुमचा त्रास तिला कळेल अशा पद्धतीने तो मांडा. यामुळे कदाचित तुमच्या मनातील संशय दूर होईल आणि तुम्ही पुन्हा पूर्वीसारखे आनंदी होऊन आपले नाते सुरु ठेवाल.”

(वाचा :- बॉलिवूडच्या अशा 3 पत्नी ज्यांच्या नशिबी आला विरह, जोडीदाराला गमवण्यापेक्षा दुसरे मोठे दु:ख नाही)



Source link

Leave a Reply

Your email address will not be published.