[ad_1]

नवी दिल्ली : खाजगी क्षेत्रात काम करणारे अनेक लोक एक कंपनी सोडून दुसरी कंपनी जॉईन करतात. करोना काळातही बहुतेक लोकांच्या नोकऱ्या गेल्या, तर बऱ्याच जणांना दुसरी नोकरीही मिळाली नाही. बहुतेक लोक सेवानिवृत्तीच्या वेळेपूर्वी नोकरी सोडतात. अशा कोणत्याही परिस्थितीत तुम्ही तुमच्या कर्मचारी भविष्य निर्वाह निधीबाबत (पीएफ) गाफील राहू नये, अन्यथा तुम्हाला दुहेरी नुकसान सोसावे लागू शकते.

नोकरी सोडल्यानंतर जर तुम्ही तुमच्या EPF खात्यात कोणताही व्यवहार केला नाही, तर ते ठराविक काळासाठीच सक्रिय राहते. त्याच वेळी यावर मिळणारे व्याज देखील करपात्र उत्पन्नात बदलते.

नोकरी सोडल्यानंतरही PF खात्यावर मिळते व्याज, EPFOचा नियम वाचा, अन्यथा जातील पैसे पाण्यात
पीएफ खाते कधी निष्क्रिय होते
सध्याच्या नियमांनुसार जर कर्मचारी वयाच्या ५५व्या वर्षी निवृत्त झाला आणि त्याने ३६ महिन्यांच्या आत जमा केलेली रक्कम काढण्यासाठी अर्ज केला नाही, तर पीएफ खाते निष्क्रिय केले जाईल. सोप्या शब्दात बोलायचे तर कंपनी सोडल्यानंतरही पीएफ खात्यावर व्याज मिळत राहील आणि वयाच्या ५५ वर्षापर्यंत ते निष्क्रिय होणार नाही.

तुमची कंपनी तुमच्या खात्यात EPF जमा करत नाही का? आता तुम्ही काय करावं, समजून घ्या
दरम्यान, बहुतेक नोकरदार वर्गाचा असा समज असतो की ते त्यांच्या पीएफ खात्यात गुंतवणूक करत नसले तरी व्याजामुळे त्यांची ठेव वाढेल. परंतु पहिले ३६ महिने कोणतेही योगदान किंवा पैसे जमा न केल्यास कर्मचार्‍याचे पीएफ खाते निष्क्रिय श्रेणीत ठेवले जाते. अशा स्थितीत तुमचे खाते सक्रिय करण्यासाठी तुम्हाला तीन वर्षापूर्वी काही निर्धारित रक्कम काढणे आवश्यक आहे.

PF खातेधारकांना मिळतो ७ लाखापर्यंतचा विमा; कधी, कुठे, कसा क्लेम करावा सर्वकाही एका क्लिकवर
निष्क्रिय खात्यात जमा केलेल्या रकमेचे काय होणार?
श्रम आणि रोजगार मंत्रालयानुसार, जर तुम्ही ५५ वर्षांनंतर तीन वर्षांपर्यंत पीएफ खात्यातून पैसे काढले नाहीत, तर खाते निष्क्रिय घोषित केले जाईल. तसेच जर एखाद्या व्यक्तीचे निवृत्तीचे वय ५६ किंवा ५७ वर्षे असेल, तर तो त्याचे ईपीएफ खाते ५८ वर्षापर्यंत सक्रिय ठेवू शकतो. याशिवाय जर एखाद्या व्यक्तीने ४५ वर्षांत काम करणे थांबवले, तर त्याचे खाते पुढील तीन वर्षे सक्रिय राहील, तर ३६ महिने पूर्ण झाल्यानंतर खाते निष्क्रिय श्रेणीत मोजले जाईल आणि खात्यात जमा रक्कम सात वर्षांपर्यंत काढली नाही, तर ही रक्कम ज्येष्ठ नागरिक कल्याण निधीमध्ये हस्तांतरित केली जाते. त्याचवेळी २५ वर्षे पूर्ण झाल्यानंतर ही रक्कम केंद्र सरकारकडे पाठवली जाईल.

[ad_2]

Source link

Leave a Reply

Your email address will not be published. Required fields are marked *