नवी दिल्ली: भारतीय क्रिकेटर मयंक अग्रवालबाबात मंगळवार ३० जानेवारी रोजी संध्याकाळी एक मोठी माहिती समोर आली. टीम इंडियाच्या या धाकड फलंदाजाला अचानक फ्लाइटमधून उतरवण्यात आलं आणि हॉस्पिटलमध्ये आयसीयूमध्ये दाखल करण्यात आलं. त्रिपुराविरुद्ध रणजी सामना खेळल्यानंतर मयंक आपल्या कर्नाटक संघासह आगरतळाहून सुरतला जात होता. अचानक त्याने तिथे सीटवर ठेवलेले पाणी प्यायला आणि यानंतर त्यांची प्रकृती बिघडल्याने त्याला तातडीने विमानातून उतरवून रुग्णालयात नेण्यात आले. आता याप्रकरणी त्रिपुरा क्रिकेट असोसिएशनने मोठी माहिती दिली आहे.मयंकला नेमकं काय झालं?भारताचा सलामीवीर फलंदाज मयंक अग्रवालने सीटवर येताच तिथे ठेवलेल्या बाटलीतून पाणी प्यायल्याने त्याची प्रकृती खालावली. तोंडात जळजळ होत होती. त्याला घशाचाही त्रास जाणवला. यानंतर, प्राथमिक अहवालात असे समोर आले की कदाचित त्याने जे पाणी प्यायले त्यात काही विषारी पदार्थ होते. यानंतर त्रिपुरा क्रिकेट असोसिएशनचे कार्यकारी सचिव बासुदेव चक्रवर्ती यांनी याबाबत सविस्तर माहिती दिली. त्यांनी असेही सांगितले की क्रिकेटरचे संपूर्ण तोंड सुजले होते आणि त्याला बोलताही येत नव्हते.सचिव म्हणाले, ‘मला फोन आला की मयंक अग्रवाल यांना आपत्कालीन परिस्थितीत दाखल करण्यात आले आहे. त्याने आपल्या सीटवर ठेवलेल्या बाटलीतून पाणी प्यायले आणि त्यानंतर त्याचे तोंड जळू लागले आणि त्याला घशाचा त्रास झाला. कदाचित पाणी अॅसिडिक होते, त्याला काही वेळातच रुग्णालयात नेण्यात आले. तो धोक्याबाहेर आहे पण त्याचा चेहरा सुजला आहे आणि त्याला बोलताही येत नव्हते. क्रिकबझच्या वृत्तानुसार, त्याला बुधवारी रुग्णालयातून डिस्चार्ज देखील मिळू शकतो. अन्य माहितीनुसार, तो सध्याच्या रणजी ट्रॉफीचा पुढील सामना खेळू शकणार नाही. तो कर्नाटक संघाचा कर्णधार असून जबरदस्त फॉर्मात आहे. मयंकने चार सामन्यांत दोन शतकेही झळकावली.सविस्तर तपास अहवालाची प्रतीक्षा आता सचिवांनी याला अॅसिडिक पाणी म्हटले आहे आणि मीडिया रिपोर्ट्समध्ये असे म्हटले जात आहे की पाण्यामध्ये विषारी पदार्थ आहे. तो इंडिगो फ्लाइट 6E 5177 मध्ये बसला होता. या प्रकरणाची सविस्तर चौकशी केल्यानंतरच सत्य काय ते समोर येईल. हे प्रकरण साधारण न समजता, क्रिकेटपटूशी हे जाणूनबुजून कोणी केले का, याचाही तपास केला जाईल. कारण फ्लाइटमध्ये उपस्थित असलेल्या अन्य सदस्यांसोबत अशी घटना घडलेली नाही.



Source link

Leave a Reply

Your email address will not be published. Required fields are marked *