लखनऊ: उत्तर प्रदेशातील रायबरेलीमध्ये एक धक्कादायक प्रकार समोर आला आहे. जिथे तरुणाने स्वतःच्याच अपहरणाचा कट रचला. मात्र, स्वतःच्याच अपहरणाचा कट रचणाऱ्या या तरुणाला पोलिसांनी अटक केली आहे. ऑनलाईन जुगारात पैसे गमावल्यानंतर या तरुणाने आपल्या मित्रांसोबत मिळून हा अपहरणाचा बनाव रचला. हे प्रकरण ऊंचाहर पोलीस ठाण्याच्या हद्दीतील आहे.

येथील लोदीपूर गावातील रहिवासी धाव बहादूर यांनी तीन दिवसांपूर्वी त्यांचा मुलगा सूरज (२८ वर्ष) बेपत्ता असल्याची तक्रार दाखल केली होती. तसेच, अपहरणकर्त्यांनी त्यांच्याकडे १५ लाख रुपयांची खंडणी मागितल्याचंही वडिलांनी पोलिसांना सांगितले.

हेही वाचा –फक्त १०-१२ बॉल्स खेळविण्यासाठी या खेळाडूला संघात घेऊ नका, गौतम गंभीर स्पष्टच बोलला

सूरजच्या मोबाईलवरुनच खंडणीसाठी मेसेज

अपहरणकर्त्यांनी सूरजच्या मोबाईलवरूनच वडील आणि पत्नीला मेसेज केला होता. यानंतर पोलिसांनी अपहरणकर्त्यांचा शोध सुरू केला. सूरजच्या मोबाईलचे लोकेशन कधी प्रतापगड, कधी कानपूर तर कधी राजस्थानमध्ये सापडले. त्यानंतर मंगळवारी (२० सप्टेंबर) ऊंचाहार येथे त्याच्या मोबाईलचे लोकेशन सापडल्यानंतर पोलिसांनी सखोल तपास सुरू केला. तपासादरम्यान, सूरजला पोलिसांनी पकडले.

असा झाला अपहरणाचा खुलासा

पोलिसांनी त्याच्याकडे कसून चौकशी केली असता त्याने सांगितले की, ऑनलाईन जुगारामुळे त्याच्यावर खूप कर्ज झाले आहे. ते कर्ज फेडण्यासाठी त्याने सासरच्या मंडळींकडून आणि वडिलांकडून पैसे मिळवण्यासाठी पत्नी आणि वडिलांना अपहरणाचा संदेश दिला होता. सध्या पोलिसांनी सूरजला अटक करुन त्याची जेलमध्ये रवानगी केली आहे.

हेही वाचा –फायनान्सवर ट्रॅक्टर घेतला, त्याच ट्रॅक्टरवर बसून वसुली एजंटने गर्भवतीला चिरडलं…

नेमकं काय घडलं?

यादरम्यान, तरुणाचे वडील रण बहादूर सिंह यांनी सांगितले की, मुलगा सूरज सिंह चार वर्षांपूर्वी बंगळुरू येथील एका मार्केटिंग कंपनीत कामाला होता. मात्र, दोन वर्षांपूर्वी तो आपल्या गावी परत आला. गुरुवारी (१५ सप्टेंबर) सूरज हा बाईकवरून घरातून ऊंचाहार येथे आला होता. मात्र, त्यानंतर तो घरी परतलाच नाही. त्याच रात्री, त्याच्या फोनवरुन त्याच्या पत्नीच्या फोनवर एक मेसेज आला, ज्यामध्ये सूरज सिंगच्या पत्नीकडून १५ लाख रुपयांची खंडणी मागितली.

पत्नीने सांगितले की, तिचा पती काही कामानिमित्त ऊंचाहर येथे गेला होता, मात्र परत आला नाही. रात्री खंडणीचा मेसेज येतो. यानंतर वडिलांनी पोलीस ठाण्यात सूरज बेपत्ता असून त्याच्यानावे खंडणीसाटी मेसेज आल्याची तक्रार दाखल केली.

हेही वाचा –विमानतळावर तरुणींकडून तरुणाला दे दणादण, कपडे फाडले, व्हिडिओ पाहून अनेकांचा संताप

पोलिस स्टेशनमध्येच महिला कर्मचाऱ्यांसोबत पोलिसांचा झिंगाटवर धिंगाणा



Source link

Leave a Reply

Your email address will not be published.