पाटणा : बिहारमध्ये भाजपची साथ सोडून महागठबंधनचं सरकार स्थापन केल्यानंतर नितीशकुमार यांनी विरोधी पक्षांच्या एकजुटीची जबाबदारी स्वीकारली आहे. नितीतशुकमार यांच्या दिल्ली दौऱ्यानंतर तर्क वितर्क सुरु आहेत. नितीशकुमार आणि सपाचे प्रमुख अखिलेश यादव यांच्यात काही दिवसांपूर्वी भेट झाली होती. त्या भेटीनंतर बिहारचे मुख्यमंत्री नितीशकुमार २०२४ ची लोकसभा निवडणूक उत्तर प्रदेशमधून लढवू शकतात, अशा चर्चा सुरु झाल्या आहेत. अखिलेश यादव यांच्या वक्तव्यानुसार नितीशकुमार यांना बिहार, उत्तर प्रदेश आणि झारखंडमधून मोठ्या आशा आहेत. नितीशकुमार उत्तर प्रदेशातील प्रयागराजच्या फूलपूर लोकसभा मतदारसंघातून निवडणूक लढवू शकतात, अशा चर्चा सुरु झाल्या आहेत.

जदयूचे राष्ट्रीय अध्यक्ष ललन सिंह यांनी नितीशकुमार यांच्या उत्तर प्रदेशातील फूलपूर लोकसभा मतदारसंघातून निवडणूक लढवण्याच्या चर्चांवर मत व्यक्त केलं आहे. अशा प्रकारच्या चर्चा स्वीकाराव्या किंवा नाकाराव्यात असं काहीच नाही. मात्र, फूलपूरच्या जनतेला नितीशकुमारांनी तिथून निवडणूक लढवावी, असं वाटत असेल तर आम्ही त्यांचा सन्मान करतो. लोकसभा निवडणूक लढवायची की नाही हा निर्णय नितीशकुमार यांचा असेल, असंही ते म्हणाले.

उत्तर प्रदेश हे राज्य २०२४ च्या लोकसभा निवडणुकीसाठी महत्त्वाचं राज्य आहे. त्या राज्यात सर्वाधिक लोकसभा मतदारसंघ आहेत. सध्या भाजपकडे उत्तर प्रदेशात ६५ खासदार आहेत. अखिलेश यादव, नितीशकुमार आणि इतर पक्ष सोबत आल्यास भाजपला १५ ते २० जागांवर रोखता येऊ शकतं, असं ललन सिंह म्हणाले.

मिळालेल्या माहितीनुसार अखिलेश यादव यांनी नितीशकुमार यांना त्यांच्या पसंतीनं कोणत्याही लोकसभा मतदारसंघातून निवडणूक लढवण्याचा प्रस्ताव दिला आहे. सपा त्या ठिकाणी जदयूला पाठिंबा देईल, असा प्रस्ताव अखिलेश यादवांनी दिल्याच्या चर्चा आहे. फूलपूरमधील जदयूच्या कार्यकर्त्यांनी नितीशकुमारांना लोकसभा निवडणूक लढवण्याची विनंती केली आहे.

विद्यार्थ्यानं गायलं ‘चंद्रा’; अख्खा महाराष्ट्र वेडावला, हा मुलगा आहे तरी कोण?

फूलपूर लोकसभा मतदारसंघातून पंडीत जवाहरलाल नेहरु तीन वेळा निवडणूक जिंकले होते. नरेंद्र मोदी निवडणूक लढवत असलेल्या वाराणसीपासून तो मतदारसंघ १०० किमी अंतरावर आहे. जर नितीशकुमारांनी फूलपूरमधून निवडणूक लढवल्यास २०२४ च्या लोकसभा निवडणुकीत उत्तर प्रदेशच्या राजकारणावर मोठा परिणाम होण्याची शक्यता आहे.

मोदींच्या वाढदिवशी भारतात आलेले परदेशी चित्ते मध्य प्रदेशातच का राहणार? वाचा रंजक कारणं

२०२४ मध्ये नरेंद्र मोदींना रोखायचं असल्यास उत्तर प्रदेशात मोठा विजय मिळवणं आवश्यक असून ते न झाल्यास मोहीम अयशस्वी होऊ शकते याची जाणीव नितीशकुमार यांना देखील आहे. त्यामुळं ते मोठा निर्णय घेऊ शकतात. नितीशकुमार देखील ओबीसी समाजाचं नेतृत्त्व करतात त्यामुळं बिहारसह, यूपी, मध्यप्रदेशमध्ये राजकीय समीकरण बदलू शकतं, अशा चर्चा आहेत.

मंत्र्यांनी चार्ज न घेतल्याचा आरोपांवर देवेंद्र फडणवीसांचं अजित पवारांना प्रत्युत्तर 94131271



Source link

Leave a Reply

Your email address will not be published.