जर तुमचा मूळ पगार ३० हजार रुपये असेल तर एक दिवसाचे हजार आणि १५ सुट्ट्यांसाठी १५ हजार रुपये होतात. ऐकायला ऑफर चांगली आहे, नाही का? पण इथेही एक पेच अडकला आहे. तुम्ही नोकरीवर असताना सुट्ट्यांच्या बदली तुम्ही रोख घेतल्यास त्यावर तुम्हाला कर भरावा लागेल. म्हणजे तुम्हाला मिळणारी संपूर्ण रक्कम करपात्र असेल. दुसरीकडे, सेवानिवृत्ती किंवा नोकरी सोडल्यावर फायनल सेटलमेंट म्हणून तुम्हाला सुट्ट्यांच्या बदल्यात रोख मिळाली तर २५ लाखांपर्यंतची रक्कम करमुक्त असेल.
Leave Encashment: कर्मचाऱ्यांसाठी खुशखबर! करदात्यांना मोठा दिलासा, लीव्ह एनकॅशमेंटची कर सवलत मर्यादा वाढली
यापूर्वी खाजगी कंपन्यांच्या कर्मचाऱ्यांसाठी कर मर्यादा तीन लाख रुपये होती, ज्यात सरकारने अलीकडेच २५ लाखांपर्यंत वाढ जाहीर केली आहे. तर सरकारी कर्मचाऱ्यांसाठी आधीच ती २५,००,००० रुपये होती. परंतु नोकरीत असताना रजा रोखीकरण घेण्याचा तोटा फक्त टॅक्सबाबतच नाही तर त्याचा आणखी एक तोटा आहे. त्यामुळे आता जर तुमची कंपनी तुम्हाला रजेच्या बदल्यात पैसे देऊ करत असेल तर ऑफर घेण्यापूर्वी तुम्ही योग्य विचार करून स्वतःला मोठ्या नुकसानापासून वाचवू शकता.
कोणत्या सुट्ट्या एनकॅश होतात?
कोणतीही कंपनी आपल्या कर्मचाऱ्यांना वेगवेगळ्या प्रकारच्या सुट्ट्या देते. अनौपचारिक किंवा आपत्कालीन लीव्ह आहेत, जी वर्षाच्या शेवटी लॅप्स होतात. याशिवाय सशुल्क किंवा अर्जित रजा, ज्या तुमच्या शिल्लक रजेमध्ये जोडल्या जातात. या सुट्ट्या वर्ष संपल्यानंतरही पुढे धाकल्या जातात आणि या सुट्ट्या रोखून ठेवता येतात. खाजगी कंपन्या या सुट्ट्यांवर मॅरीड ठेवते. जेव्हा एखाद्या कंपनीत ७० पेक्षा जास्त सुट्ट्या असतात सुट्ट्या लॅप्स होय लागतात, तर काहींमध्ये ही मर्यादा ४५-५० पर्यंत असते.
नोकरदारांच्या कामाची बातमी! वर्षाला किती सुट्ट्या Encash करू शकता? काय आहे नेमका नियम
त्यामुळे तुमची रजा शिल्लक तपासण्याबरोबरच तुम्हाला तुमच्या कंपनीच्या रजा पॉलिसीबद्दल माहिती असणे आवश्यक आहे. जर सुट्ट्या मर्यादेच्या जवळ असतील, तर रजा घेणे किंवा त्याऐवजी पैसे घेणे एक योग्य पर्याय आहे. किंवा जर तुम्हाला पैशाची नितांत गरज असेल तर सुट्ट्या एनकॅश करा. पण लक्षात ठेवा की या पैशावर तुम्हाला कर भरावा लागेल. पण सुट्ट्या जमवायला वाव असेल तर जपून ठेवा.
नोकरीवर असताना सुट्ट्या एनकॅश करण्याचे नुकसान
कोणत्याही कंपनीत रुजू असताना मूल्यांकन आणि वेतनवाढीची अपेक्षा असते. पगारवाढीनंतर तुमचा मूळ पगार आधीपेक्षा जास्त असेल. अशा स्थितीत, आता तुमच्या लीव्ह एनकॅश करणे तुमच्यासाठी तोट्याचा सौदा ठरू शकतो. कोणतीही कंपनी सोडताना तुमचा पगार हा त्या कंपनीतील तुमचा सर्वोत्तम पगार असतो आणि जमा झालेल्या सुट्टीच्या बदल्यात तुम्हाला त्या पगारानुसार पैसे मिळतील. म्हणजे तुमच्या सुट्टीचा खर्च वाढेल.
अशा स्थिती जर तुम्हाला पैशाची काही गरज असेल किंवा सुट्ट्या लॅप्स होण्याचा धोका असेल, तरच तुम्ही कंपनीत राहून तुमच्या लीव्ह एनकॅश करा, अन्यथा रजा जमा होऊ देणे हाच उत्तम पर्याय आहे. नोकरी सोडल्यावर तुम्हाला त्याऐवजी पैसे स्वतः मिळतील. कंपनी सोडल्यावर तिथे शिल्लक सुट्ट्यांच्या बदली मिळणाऱ्या पैशांवर कोणताही कर भरावा लागणार नाही.