मुंबई : भारतीय हवामान विभागानं राज्यात आजपासून पावसाचा जोर वाढण्याची शक्यता असल्याचं म्हटलं आहे. राज्यात काही ठिकाणी मध्यम ते जोरदार पावसाची शक्यता आहे. हवामान विभागानं पुढील चार दिवसांसाठी ऑरेंज अलर्ट आणि यलो अलर्ट जारी करण्यात आले आहेत. मध्य महाराष्ट्र, मराठवाडा,विदर्भातही पावसाचा जोर वाढेल, असं हवामान विभागानं सांगितलं आहे. दक्षिण कोकणात सोमवार पासून अतिमुसळधार पाऊस होईल, असा अंदाज वर्तवण्यात आला आहे. तर, मुंबई ठाण्यासह उ कोकणात पावसाचा जोर वाढण्याची शक्यता आहे. हवामानतज्ज्ञ के. एस. होसाळीकर यांनी या संदर्भात ट्विट केलं आहे.

मान्सूनच्या वाटचालीसाठी योग्य स्थिती
मध्य प्रदेश, विदर्भ, आंध्र प्रदेश, बंगालचा उपसागर, छत्तीसगडस ओडिशा , पश्चिम बंगाल आणि झारखंडच्या दिशेनं मान्सूनचा पाऊस पुढे जाण्यासाठी वातावरणात योग्य स्थिती असल्याचं हवामान विभागानं सांगितलं आहे.

हवामान विभागाकडून ऑरेंज अलर्ट आणि यलो अलर्ट जारी
भारतीय हवामान विभागानं रत्नागिरी, सिंधुदुर्ग, बीड, उस्मानाबाद, लातूर, परभणी, औरंगाबाद, जालना, बुलडाणा, नांदेड, वाशिम, अकोला, यवतमाळ, अमरावती, वर्धा, नागपूर, चंद्रपूर, भंडारा, गोंदिया जिल्ह्यांना यलो अलर्ट जारी केले आहेत.

आम्ही तुमच्यासोबत आहोत, शांततेसह अहिंसेचा मार्ग सोडू नका; सोनिया गांधींचं आंदोलक तरुणाईलापत्र

भारतीय हवामान विभागानं १९ जून रोजी कोकण आणि विदर्भातील जिल्ह्यांना यलो अलर्ट जारी केला आहे. मुंबई, ठाणे, रायगड, रत्नागिरी, सिंधुदुर्ग, बुलडाणा, अकोला, वाशिम, यवतमाळ, अमरावती, वर्धा, चंद्रपूर, नागपूर, भंडारा या जिल्ह्यांना यलो अलर्ट देण्यात आला आहे.

निवडणूक नेत्यांना काय काय करायला लावते! अवघ्या ३ मतांसाठी महाजन, दरेकरांचा लोकल प्रवास

२० जून रोजी रत्नागिरी, सिंधुदूर्गला ऑरेंज अलर्ट

भारतीय हवामान विभागनं रत्नागिरी आणि सिंधुदुर्ग जिल्ह्यांना ऑरेंज अलर्ट दिला आहे. पालघर, ठाणे, मुंबई, रायगड, सातारा, कोल्हापूर, यवतमाळ, वर्धा, नागपूर, भंडारा, चंद्रपूर, गडचिरोली जिल्ह्यांना यलो अलर्ट दिला आहे.

जगताप पुन्हा मात देणार, की लाड पराभवाचा वचपा काढणार, हायव्होल्टेज लढतीची गणितं

२१ जून रोजी राज्यात पावसाचं प्रमाण वाढण्याची शक्यता आहे. हवामान विभागानं २१ आणि २२ जूनला रायगड, रत्नागिरी, सिंधुदुर्ग जिल्ह्यांना ऑरेंज अलर्ट दिला आहे. मुंबई, पालघर, ठाणे, पुणे, सातारा, कोल्हापूर,सह विदर्भातील भंडारा आणि गोंदिया वगळता सर्व जिल्ह्यांना यलो अलर्ट देण्यात आला आहे. तर, उर्वरित महाराष्ट्रात देखील जोरदार पाऊस होईल,असा अंदाज वर्तवण्यात आला आहे.

‘शिवसेनेला गाफील राहून चालणार नाही’; एकनाथ खडसेंचा सल्ला



Source link

Leave a Reply

Your email address will not be published.