मुलांचं संगोपन त्यांच उत्तम व्यक्तिमत्व घडवणं ही मोठी जबाबदारी असते. मुलांना घडवणं हे अतिशय आव्हानात्मक काम असतं. आज दोन्ही पालक नोकरीला जातात अशावेळी मुलांच्या संगोपनाची जबाबदारी ही दोघांवर असते. अशावेळी दोन्ही पालक उत्तम पालक होण्याचा प्रयत्न करत असतात. अशा पालकांना IAS अधिकारी दिव्या मित्तल (Divya Mittal) यांनी खास पॅरेंटिग टिप्स शेअर केल्या आहेत.

IAS अधिकारी दिव्या मित्तल यांनी दिलेल्या पॅरेंटिंग टिप्समध्ये त्यांचा स्वतःचा अनुभव शेअर केला आहे. दिव्या मित्तल यांना पालकांनी कशा पद्धतीने सांभाळलं, त्यांच संगोपन केलं त्या अनुभवातून दिव्या आज स्वतःच्या मुलींना वाढवण्याचा प्रयत्न करत आहेत.

आईने आम्हाला घडवलं. आम्ही तीन भावंड आहोत. आईच्या शिकवणीमुळेच आम्ही IIT, IIM क्रॅक करू शकलो, असं दिव्या मित्तल सांगतात. दिव्या मित्तल आपल्या दोन्ही मुलींना याच विचारांनी वाढवत आहेत. त्यांनी या टिप्स पालकांसाठी शेअर केल्या आहेत. (फोटो सौजन्य – टाइम्स ऑफ इंडिया)

​मुलांना सांगा तुम्ही काहीही करू शकता

दिव्या मित्तल सांगतात की, तुम्ही मुलांमध्ये आत्मविश्वास निर्माण करा. त्यांच्यासमोर मोठी संकल्प ठेवा आणि त्यांना विश्वास निर्माण करण्यास मदत करा की, ते काहीही करू शकतात. मुलांमध्ये विश्वास निर्माण करा की ते ज्याचा विचार करतात ते मिळवणं त्यांना शक्य आहे.

​मुलांना त्यांच्या चुकांमधून शिकू द्या

तुमच्या मुलाला पडू द्या आणि त्यांना स्वतः उठू द्या. त्यांना त्यांच्या स्वतःच्या चुका करू द्या. आपण प्रत्येक संकटापासून त्यांचे संरक्षण करू शकत नाही आणि मुले स्वतःच त्यांच्या पायावर कसे परत यायचे ते शिकतील. त्यामुळे मुलांना छोटे छोटे अनुभव घेऊ द्या. त्यांना त्यांच्या पद्धतीने शिकू द्या.

​मुलाला स्पर्धा करायला शिकवा

तुमच्या मुलाला स्पर्धा करण्यास प्रोत्साहित करा. जरी ते प्रत्येक स्पर्धेत जिंकले नसले तरीही. त्यांना स्पर्धा किती महत्वाची आहे हे सांगा. स्पर्धा करताना ती निकोप असली पाहिजे याची जाणीव त्यांना करू द्या. निरोगी स्पर्धात्मक भावना खूप महत्वाची आहे, परंतु यामुळे त्यांना अपयशाची देखील सवय होईल. कारण यशासोबतच अपयश देखील तितकेच महत्वाचे आहे.

​मुलांना स्वतःला धोका पत्करू दे

दिव्या मित्तल सांगतात की, तुमच्या मुलाला स्वतःला जोखिम उचलू द्या. त्यांना स्वतःला एखाद्या संकटाला किंवा धोक्याला सामोरं जाऊ दे. मुलांना मैदानी खेळ खेळायला पाठवा. सुट्यांमध्ये झाडावर चढणे, हौदात पोहायला जाणे, गडकिल्ले चढणे यागोष्टी करू द्या. यामुळे त्यांना तेव्हाची परिस्थिती अनुभवण्याची संधी मिळेल. ही संधी अत्यंत महत्वाची असणार आहे.

​विपुलतेची मानसिकता

प्रत्येक पुढच्या पिढीला त्यांच्या मागच्या पिढीपेक्षा अधिक चांगली संधी आणि चांगल्या संसाधनांमध्ये प्रवेश मिळतो. दिव्या म्हणते की, तुम्हाला ज्या टंचाईचा सामना करावा लागला होता त्याची त्यांना आठवण करून देऊ नका आणि तो विचार त्यांच्यावर लादू नका. त्यांना त्यांच्या विचारांनी सगळ्या गोष्टी मुबलक प्रमाणात मिळत असतील तर त्याचा आनंद त्यांना घेऊया. त्यांना मोठा विचार करायला सवय लावा. या मानसिकतेमुळे तुमच्या मुलांना भरपूर आणि मोठ्या प्रमाणात विचार करण्याची सवय लागेल.

​मुलांसाठी रोल मॉडेल बना

तुम्ही जे उपदेश करता ते आचरणात आणा, असं IAS अधिकारी दिव्या मित्तल सांगतात. पालकांनी आपल्या पाल्याला सांगताना विचार करावा. त्यांच्यासमोर तुमच्या कृतीतून आदर्श निर्माण करा. यासाठी मुलांसमोर स्वतः पालक आदर्श असतील तर त्याचा खूप मोठा फायदा त्या कुटुंबाला होतो.

दिव्या मित्तल यांचा पालकांना सल्ला

​वाईट वागणूक टाळा

तुम्ही तुमच्या मुलाला प्रयोग करण्याची संधी दिली पाहिजे. यातून अयशस्वी झालेल्या मुलाला खंबीर आधार पालकांनीच दिली पाहिजे. पण त्याचबरोबर मुलं चुकली तर त्याला वाईट वागणूक देणं टाळा. त्यांच्याशी संवाद साधा, टोकाची वागणूक देण्यापेक्षा ती टाळा.

​मुलांवर विश्वास ठेवा

विश्वास हा अतिशय महत्वाचा आहे. तुमच्या मुलांवर विश्वास ठेवा. कारण आशा ही प्रत्येकाकडून करायला पाहिजे. तुमचं मुलं हीच तुमची भविष्याची आशा आहे. त्यामुळे मुलांवर विश्वास ठेवा. तसेच पालकांनी मुलांना निराश करू नका. त्यांच्या प्रत्येक कृतीवर विश्वास ठेवा.

मुलांना अनुभवू द्या

मोकळे मन असण्यामध्ये विविध अनुभवांचा संपर्क असणे अविभाज्य आहे. पालकांनी मुलांना कायम सल्ले देऊ नये. कृतीतून किंवा त्यांच्यासोबतीने एखादी गोष्ट करू द्या. त्यांना जग एक्सप्लोर करू द्या. तुम्ही देखील त्यांच्यासोबत नव्याने सगळ्या गोष्टींचा अनुभव घ्या.

​मुलांच ऐका

मुलांना वेळ द्या. दिव्या सांगतात की, मुलांना वेळ अतिशय महत्वाचा आहे. तुमच्या मुलाला देखील मोकळेपणाने बोलू द्या किंवा त्यांच संपूर्ण म्हणणं ऐका. त्याप्रमाणेच तुम्ही देखील मुलाचं ऐका. कारण मुलांना लहानपणापासूनच ऐकण्याची सवय लावली पाहिजे.

(वाचा – प्रियंका चोप्राची लेकीसोबत ‘या’ ठिकाणी पहिली ट्रिप; मुलांसोबत फिरण्याचे असतात असंख्य फायदे)

​मुलांमध्ये तुलना करू नका

तुम्हाला दोन मुलं असतील किंवा तुमच्या मुलाची इतर मुलांशी अजिबात तुलना करू नका. कारण तुलना ही मुलांना आतून पोखरते. खासकरून जेव्हा ही तुलना तुम्ही त्यांच्या भावंडांशी करता. यामुळे मुलांच्या मनात भक्त पालकांबद्दलच नाही तर त्यांच्या भावंडांबद्दलही चुकीचे गैरसमज मनात निर्माण होतात.

(वाचा – गरोदरपणात मांडी घालून बसणे फायद्याचं की धोक्याचं? गायनेकोलॉजिस्टच मत जाणून घ्या))

​मुलांची सुरक्षित जागा व्हा

मुलांना कायमच एक सुरक्षित कोपरा हवा असतो. मग तो कोपरा घराचा असो किंवा मनाचा. मुलांसाठी त्यांच घर आणि त्यांचे पालक ही कायमच सुरक्षित जागा असते. त्यामुळे मुलांसाठी कायमच सुरक्षित व्हा. मुलांना तुमच्याशी मोकळेपणाने बोलता आलं पाहिजे एवढा विश्वास त्यांच्यात निर्माण करा.

(वाचा – आलिया भट्टच्या डोहाळे जेवणाकरता निवडली खास थीम, आईच्या आरोग्यावर ‘या’ सगळ्याचा कसा होतो परिणाम)



Source link

Leave a Reply

Your email address will not be published.