पोलिसांनी दिलेल्या माहितीनुसार, तक्रारदार महिलेचं वय ५० असून त्यांना स्टॉक ट्रेडिंग शिकायचं होतं म्हणून त्यांनी एका व्यक्तीसोबत ऑनलाईन ट्रेडिंग केलं. त्यांनी सगळे तपशील आरोपी आदित्य अग्रवाल या व्यक्तीला दिले. यानंतर लगेच एका व्यक्तीचा व्हॉट्सअॅप कॉल आला. कॉलरने महिलेला सांगितले की, तो तिला यासाठी मार्गदर्शन करेल. त्याने महिलेला १०% नफा मिळविण्यासाठी एका विशिष्ट योजनेत गुंतवणूक करण्याचा सल्ला दिला.
महिलेने पोलिसांनी सांगितले की, “आरोपीने तिला एक अॅप डाउनलोड करण्यास सांगितले. जे खोटे होते. गुंतवणुकीसाठी पैसे ट्रान्सफर करण्यास सांगून त्याने तिला विविध बँक खाते क्रमांकही दिले. त्याने महिलेला तिच्या गुंतवणुकीवर १०% नफा देण्याचे आमिष दाखवले. तिला लॉगिन आणि पासवर्ड देण्यात आला आणि तिची गुंतवणूक आणि नफा तपासण्यासाठी ती आभासी वॉलेटमध्ये प्रवेश करू शकते. आरोपीने दिलेल्या खात्यांमध्ये महिलेने अनेक वेळा पैसे ट्रान्सफर केले. मात्र, तिने वॉलेटमधून तिच्या बँक खात्यात पैसे ट्रान्सफर करण्याचा प्रयत्न केला असता, ती करू शकली नाही. तिने त्या व्यक्तीला त्याबद्दल विचारले परंतु त्याच्याकडून कोणताही प्रतिसाद मिळाला नाही. यानंतर तिचे लॉग इनही झाले नाही. ”
या प्रकरणासंबंधी गुन्हे शाखेच्या दक्षिण विभागीय सायबर गुन्हे पोलीस ठाण्यात मंगळवारी एफआयआर नोंदवला आणि आरोपींवर भारतीय दंड संहिता अंतर्गत फसवणूक आणि बनावटगिरी आणि माहिती तंत्रज्ञान कायद्यांतर्गत ओळख चोरीचा गुन्हा दाखल करण्यात आला आहे. एका अधिकाऱ्याने सांगितले की, “आरोपींनी सर्व भारतीय बँक खाते क्रमांक दिले होते. तपासकर्ते आता बँक खात्यांचे तपशील आणि आरोपीच्या सिमकार्डचे तपशील गोळा करण्याचा प्रयत्न करत आहेत.
पोलिसांनी सांगितले की जर कोणी स्टॉकमध्ये व्यापार करू इच्छित असेल किंवा स्टॉक मार्केटबद्दल जाणून घेऊ इच्छित असेल तर त्यांनी अधिकृत ब्रोकर्सशी संपर्क साधावा. “अधिकृत दलाल कधीही एखाद्याला वेगवेगळ्या खात्यांमध्ये पैसे पाठवण्यास सांगत नाहीत. एखाद्याने आधी चौकशी केली पाहिजे,” अशी माहिती पोलिसांनी दिली.