प्रश्न : मी एक विवाहित स्त्री आहे आणि माझ्या संसाराची घडी बसून बराच काळ झाला आहे. माझा नवरा सुद्धा माणूस म्हणून खूप चांगला आहे. पण मला त्याच्या बद्दल एकच तक्रार आहे आणि ती म्हणजे त्यांची एक वाईट व विचित्र सवय होय. ते रात्री उशिरा घरी येतात आणि जेव्हा घरी येतात तेव्हा आपला मोबाईल आणि इयरफोन घेऊन आत बाथरूममध्ये जातात आणि खूप वेळ बाहेरच येत नाहीत. असे अनेक प्रसंग घडले जेव्हा मी खूप वेळा बोलावल्यावरच ते बाहेर आले आहेत.

जेव्हा ते घरी असतात तेव्हा सुद्धा जास्तीत जास्त वेळ बाथरूममध्येच घालवतात. मला कळत नाही आहे की अशी काय गोष्ट आहे ज्यासाठी त्यांना बाथरूममध्ये मोबाईल आणि इयरफोन घेऊन जावा लागतो आणि ते एवढ्या वेळ आतमध्ये घुसून नक्की काय करतात. (गोपनीयतेच्या कारणामुळे आम्ही व्यक्तीची ओळख उघड करत नाही.)

माझे मन या नात्यातून उडाले आहे

मी सुद्धा त्यांची पत्नी हे आणि हे लग्न मी आनंदाने केले होते. मी देखील कामाला जाते, घराबाहेर असते. पण जेव्हा माझे पाऊल घरात पडते तेव्हा मी जास्तीत जास्त वेळ माझ्या संसाराला व मुलांना देण्याचा प्रयत्न करते. मुलांसोबत खेळते, घरातील कामं उरकते, घर स्वच्छ करते. माझ्या पतीशी बोलण्याचा प्रयत्न करते, त्यांना खुश करण्याचा प्रयत्न करते. मात्र त्यांच्याकडून असे काहीच प्रयत्न दिसून येत नाहीत. ते येतात आणि फोन घेऊन बाथरूममध्येच तासनतास बसून असतात. यामुळे आता मला हळूहळू न नात्याचा कंटाळा येऊ लागला आहे.

(वाचा :- पुरूषहो, बॉयफ्रेंड कोणीही चालेल पण नवरा बघताना या गोष्टी नोटीस करतात मुली, 3 नंबरवरील मुली सहजासहजी पटणं अशक्यच)

भांडणे वाढू लागली आहेत

या सवयीमुळे मी देखील अनेकदा चिडचिड करते. कारण माझ्या अपेक्षा पूर्ण होत नाहीत. ते दिवसभर फोनमध्ये असतात, रात्री झोपताना सुद्धा ते फोन सोडत नाहीत. यामुळे आता आमच्यात रोजच भांडणे होऊ लागली आहेत. याचा प्रभाव एकंदर कुटुंबावर सुद्धा दिसून येतो आहे. माझ्या मुलांना सुद्धा कळते आहे की त्यांचे वडील चुकीचे आहेत. मला माझा संसार मोडायचा नाही. पण यातून बाहेर कसे पडावे हेच कळत नाही आहे. कृपया मार्गदर्शन करा.

(वाचा :- काश..! नणंदेसोबत वाद घालण्याआधी मला ‘या’ गोष्टी समजल्या असत्या तर… माझ्यासोबत कधीच इतकी वाईट घटना घडली नसती..!)

एक्सपर्ट्सचे उत्तर

एआईआर इंस्टीट्यूट ऑफ रियलाइजेशन अँड एआईआर सेंटर ऑफ एनलाइटनमेंटचे संस्थापक रवी असे म्हणतात की, “ लग्न हे असे बंधन आहे जे कोणा एकाने प्रयत्न करून चालत नाही तर त्यासाठी पती आणि पत्नी या दोघांचे प्रयत्न असावे लागतात. तेव्हाच ते नाते पुढे जाऊ शकते. जर तसे झाले नाही तर ते नाते तुटू सुद्धा शकते. तुमच्या नात्यात सुद्धा हीच समस्या आहे. यावर सर्वात पहिला उपाय म्हणजे तुम्ही तुमच्या पतीशी मनमोकळेपणाने बोललं पाहिजे. त्यांना त्यांची चूक समजावून सांगितली पाहिजे. संसार तुटत चालला आहे याची जाणीव त्यांना करून द्यायला हवी. यासाठी त्यांच्याशी बसून नीट शांतपणे बोला.”

(वाचा :- एकेकाळी माधुरी दीक्षित व संजय दत्तच्या लव्हस्टोरीच्या झडल्या होत्या जगभरात चर्चा, ‘त्या’ एका घटनेने तुटले नाते)

स्वत: पुढाकार घ्या

जाणकार रवी पुढे असेही म्हणाले की, “तुम्हाला माहित आहे की ते चुकत आहेत, पण त्यांना त्याची जाणीवच नाही आहे. त्यामुळे थेट जाऊन त्यांच्याशी भांडू नका किंवा त्यांना जबरदस्ती करू नका. तुम्हाला त्यांना नीट समजावून सांगावेच लागेल आणि तेव्हा जाऊन ही गोष्ट बदलेल. यासाठी हवं तर तुम्ही पुढाकार घ्या. वेळ पडली तर कमीपणा घ्या. तुमच्यासाठी आता तुमचा संसार वाचवणे खूप महत्त्वाचे आहे. त्याला बदलायला थोडा वेळ द्या. जर त्यांना खरंच बदलायचं असेल तर ही गोष्ट लगेच नीट होऊ शकते.”

(वाचा :- माझी कहाणी : मी ज्या मुलीवर आकंठ प्रेम केलं ती माझी वहिणी बनणार आहे, भावाने माझं प्रेम व पत्नी दोन्ही हिरावलं..)

मनातलं जाणून घ्या

शेवटी सल्ला देताना ते म्हणाले की, “तुमच्या पतीच्या मनात नेमकं काय आहे हे त्यांनाच माहित आहे. ते काढून घेण्याचा प्रयत्न करा. त्यांना या नात्यात खरंच इंटरेस्ट आहे की नाही हे त्यांना विचारा. जर इंटरेस्ट असले तर नक्कीच ते स्वत:ला बदलतील आणि नसेल तर साहजिकच तुम्हाला तुमचे उत्तर मिळेल आणि अशावेळी मग निर्णय तुमच्या हातात असेल. तुम्ही जो निर्णय घ्याल तसे तुमचे आयुष्य पुढे जाईल.”

(वाचा :- सचिन तेंडूलकर व अंजलीची लवस्टोरी ऐकून भारावाल, क्रिकेटचा ‘क’ माहिती नसणा-या मुलीसमोर का विरघळला क्रिकेटचा देव?)



Source link

Leave a Reply

Your email address will not be published.