Authored by चेतन सावंत | Edited by प्रशांत पाटील | महाराष्ट्र टाइम्स.कॉम | Updated: Sep 21, 2022, 5:26 PM

Nirbhaya Squad : निर्भया पथकाने महिलेची प्रसूती सुखरुप केल्याने सर्वत्र निर्भया पथकाचे कौतुक होत आहे. गरोदर महिलेच्या पतीनेच कॉल केल्याची माहिती पोलिसांना मिळाली.

 

Nirbhaya Squad
Nirbhaya Squad : कौतुकास्पद कामगिरी! निर्भया पथकाकडून महिलेची घरातच प्रसूती; आपल्या हातानेच कापली बाळाची नाळ

हायलाइट्स:

  • भांडुप निर्भया पथकाची उल्लेखनीय कामगिरी
  • घरात जन्मलेल्या बाळासह माता सुखरूप
  • निर्भया पथकाची उल्लेखनीय कामगिरी
मुंबई : भांडुप पोलीस ठाणे अंतर्गत येणाऱ्या सुभाष नगर म्हाडा कॉलनी येथून भांडुप पोलीस ठाण्याच्या निर्भया पथकास एक कॉल आला या कॉलमध्ये महिलेची घरात प्रसूती होत असून तातडीची मदत हवी असल्याची माहिती देण्यात आली. ही माहिती मिळताच भांडुप पोलीस निर्भया पथक सदर महिलेच्या घरी पोहोचले. गरोदर महिलेच्या पतीनेच कॉल केल्याची माहिती पोलिसांना मिळाली.

घटनास्थळी पोलीस दाखल झाल्यानंतर पोलिसांच्या निदर्शनात आले महिलेची प्रसूती घरातच होत आहे. क्षणाचाही विलंब न करता निर्भया पथकातील महिला पोलीस शिपाई कोरे यांनी परिस्थितीचे गांभीर्य पाहून त्या महिलेची प्रसूतीसाठी मदत केली व बाळाची नाळ स्वतः कट केली आणि महिला व तिच्या तान्ह्या बाळाची सुखरूप प्रसूती केली. त्यानंतर निर्भया पथकाने महिला व तान्ह्या बाळाला हॉस्पिटलमध्ये दाखल केले. डॉक्टरांनी दोघांना तपासून सुखरूप असल्याचे सांगितले व पोलिसांनी दाखवलेल्या प्रसंगावधान आणि केलेल्या तत्पर मदतीसाठी निर्भया पथकाचे अभिनंदन केले.

टी 20 वर्ल्डकप साठी काहीही! द्रविडच्या एका शब्दावर BCCIने घेतला मोठा निर्णय
त्याचप्रमाणे भांडुप निर्भया पथकातील सर्व पोलिसांनी प्रसंगावधान आणि धाडस दाखवून महिला व तिच्या पतीला धीर देत निडरपणे आपलं कर्तव्य बजवल्याबद्दल सर्वत्र स्तरावरुन मुंबई पोलीस निर्भया पथकांचे अभिनंदन करण्यात येत आहे. त्याचप्रमाणे भांडूप पोलीस ठाण्याचे वरिष्ठ पोलीस निरीक्षक नितीन उन्हवणे यांनी देखील निर्भया पथकाचे अभिनंदन करत असेच कर्तव्य भविष्यात बजावून मुंबई पोलिसांची मान जनतेमध्ये अशीच उंचवावी अशा शुभेच्छा देखील दिल्या.

पंतप्रधान मोदींनी रतन टाटांकडे दिली मोठ्ठी जबाबदारी; ‘विश्वासा’चं पद सोपवलं

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.



Source link

Leave a Reply

Your email address will not be published.