हिंगोली : हिंगोलीच्या औंढा तालुक्यातील निळोबा चिंचोली गावात ग्रामपंचायत निवडणुकीत झालेला पराभव जिव्हारी लागल्याने दोन गटात तुंबळ हाणामारीची घटना घडली आहे. ही हाणामारी होत असताना भांडण रोखण्याचा प्रयत्न करणाऱ्या एका पोलीस अधिकाऱ्यासह दोन पोलीस कर्मचाऱ्यांना देखील पराभूत उमेदवारांकडून लक्ष करण्यात आले. यात एका पोलीस अधिकाऱ्यासह दोन पोलीस कर्मचारी जखमी झाले आहेत. जखमी पोलीस अधिकारी कर्मचाऱ्यांवर औंढा येथील रुग्णालयात उपचार सुरू आहेत. सध्या या प्रकरणी पोलिसांनी चिंचोली गावातील ४० जणांविरोधात गुन्हे दाखल केल्याची माहिती दिली आहे. सध्या या गावात तणावपूर्ण शांतता आहे. एसआरपीएफ पोलिसांचा बंदोबस्त तैनात करण्यात आला आहे. शांतता राखण्याचे आवाहन पोलीस प्रशासनाने तेथील गावकऱ्यांना केले आहे.

औंढा नागनाथ तालुक्यातील चिंचोली निळोबा येथे थेट जनतेतून सरपंच पदाच्या निवडीची मतमोजणी होताच पहिली प्रतिक्रिया उमटली. निवडणुकीवरून दोन गटात मोठा राडा झाला. यावेळी पोलिसांवर झालेल्या दगडफेकीतील ३ पोलीस कर्मचारी व एक पोलीस अधिकारी जखमी झाले आहेत. याप्रकरणी ४० जणांवर सरकारी कामात अडथळा आणल्या प्रकरणी मंगळवारी पहाटेच्या सुमारास औंढा नागनाथ पोलीस ठाण्यात गुन्हा दाखल करण्यात आला आहे. पोलीस कर्मचारी रवी इंगोले यांच्या फिर्यादीवरून हा गुन्हा दाखल केला आहे.

चिंचोली निळोबा येथे ग्रामपंचायतीच्या ९ सदस्यांसाठी निवडणूक झाली. यामध्ये दोन गटांचे उमेदवार निवडणूक रिंगणात होते. सोमवारी औंढा तहसील कार्यालयात मोजणी झाली. यामध्ये रवंदळे गटाचे ५, तर गरड गटाची ४ सदस्य विजयी झाले. निवडणुकीत बहुमत एका गटाचे तर थेट निवडून सरपंच दुसऱ्या गटाचा झाल्याने घोषणाबाजीला सुरुवात झाली. दरम्यान या प्रकरणानंतर औंढा पोलिसांनी गावात बंदोबस्त वाढविला. पोलीस निरीक्षक विश्वनाथ झुंजारे या गावात जाऊन मिरवणूक काढू नये अशी सूचना दिली. त्यानंतरही दोन्ही गटांनी मिरवणूक काढली. त्यातून दोन गट समोरासमोर आल्यानंतर मोठा राडा झाला.

आधी चिठ्ठी लिहली नंतर उचलले टोकाचे पाऊल; ज्या मंदिरात पूजा करायचे तिथेच संपवले जीवन

या तणावादरम्यान मध्यस्थी करणारे पोलीस कर्मचारी रवी इंगोले, वसीम पठाण, राजकुमार कुटे हे जखमी झाले. त्यानंतर गावात वाढीव पोलीस बंदोबस्त तैनात करण्यात आला. मध्यस्थी करणाऱ्या पोलिसांवरच विजयी गटाने हल्ला चढवल्यामुळे गावात काही वेळ तणावाचे वातावरण निर्माण झाले होते. पोलिसांवर हल्ला केल्याप्रकरणी आज पहाटे ४० जणांविरोधात गुन्हा दाखल करण्यात आला आहे. यावेळी पोलीस अधीक्षकांनी शांतता राखण्याचे आवाहन केले आहे.

गावात पसरली एक अफवा अन् शेतकऱ्यांमध्ये दहशतीचे वातावरण; वनविभागही टेन्शनमध्ये!



Source link

Leave a Reply

Your email address will not be published.