नवी दिल्ली:WhatsApp Users :लोकप्रिय इन्स्टंट मेसेजिंग अॅप व्हॉट्सअॅप युजर्सना नवीन फीचर्स देण्यासाठी सतत विविध बदल करत आहे. अलीकडेच व्हॉट्सअॅपने सुरक्षेसोबतच अनेक फीचर्सही जारी केले असून व्हॉट्सअॅप आता अनेक नवीन फीचर्सवरही काम करत आहे. तुम्ही लवकरच हे फीचर्स पाहू शकणार आहात. व्हॉट्सअॅपवर लवकरच तारखेनुसार जुने मेसेज पाहण्याचा पर्याय मिळेल. WhatsApp च्या नवीन फीचर ट्रॅकिंग वेबसाइट WABetaInfo नुसार, WhatsApp ने या फीचरला सर्च मेसेज बाय डेट असे नाव दिले आहे.

वाचा: MMS Case: तुमच्या प्रायव्हेट मुमेंट्सवर हिडन कॅमेराची नजर तर नाही ? असे करा माहित, घ्या विशेष काळजी

स्वतःला मेसेज पाठवता येणार:

व्हॉट्सअॅपवर आता तुम्हाला लिंक केलेल्या डिव्हाइसवरून स्वतःला मेसेज पाठवण्याची सुविधा मिळणार आहे. या फीचरमध्ये तुम्ही लिंक केलेल्या डिव्हाइसेसमध्ये तुम्हाला मेसेज पाठवू शकाल. हे फीचर मल्टी-डिव्हाइस सपोर्ट म्हणून ऑफर केले जाईल. जे समान व्हॉट्सअॅप अकाउंट चार वेगवेगळ्या डिव्हाइसवर वापरण्याची परवानगी देईल. या वर्षाच्या सुरुवातीला व्हॉट्सअॅपने मल्टी-डिव्हाइस सपोर्ट फीचर जारी केले होते.

वाचा: ‘या’ साइट्सवरून स्वस्तात खरेदी करा Latest Smartphones, पाहताच क्षणी आवडतील असे डिझाईन-फीचर्स

पेन ड्राईव्हमध्ये चॅट बॅकअप:

व्हॉट्सअॅप आता चॅट बॅकअपसाठी लोकल ड्राइव्हची सुविधा देण्याची तयारी करत असून WABetaInfo ने या आगामी फीचरबद्दल माहिती दिली आहे. लीक रिपोर्टनुसार, व्हॉट्सअॅप युजर्स त्यांच्या चॅटचा Googleड्राइव्हवरून बॅकअप घेऊ शकतील आणि त्यांना पेन ड्राइव्ह किंवा लॅपटॉपमध्ये सेव्ह करू शकतील. या स्थानिक बॅकअपमध्ये फोटो, व्हिडिओ आणि इतर फाइल्स तसेच मजकूर मेसेजचा समावेश असू शकतो.

ऑनलाइन स्टेटस हाइड:

तुम्हाला लवकरच ऑनलाइन स्टेटस लपवण्याचा पर्याय मिळेल. या फीचरच्या मदतीने तुम्हाला तुमचे ऑनलाइन स्टेटस कोणाला दाखवायचे आहे आणि कोणाला नाही हे तुम्ही स्वतः ठरवू शकाल. व्हॉट्सअॅपच्या स्टेटस फीचर प्रमाणेच तुम्ही हे फीचर वापरू शकाल.

ग्रुप अॅडमिनचे पॉवर वाढेल:

व्हॉट्सअॅपच्या या नवीन फीचरमुळे ग्रुप अॅडमिनला ग्रुपमधून कोणताही व्हॉट्सअॅप मेसेज डिलीट करता येणार आहे. मात्र, व्हॉट्सअॅपने या फीचरबाबत फारशी माहिती दिलेली नाही. सध्या फक्त व्हॉट्सअॅप ग्रुप सदस्यच स्वत:चे मेसेज हटवू शकतात. व्हॉट्सअॅप लवकरच हे फीचर जारी करू शकते.

वाचा: Airtel-Jio-Vi चे ‘हे’ खास प्लान्स तुमचे टेन्शन कमी करणार, आता दर महिन्याला रिचार्ज करण्याची नाही गरज



Source link

Leave a Reply

Your email address will not be published.