Shivsena Dasra Melava: राज्यात मागील काही दिवसांपासून दसरा मेळाव्यावरुन मोठा वादंग सुरू होता. एकनाथ शिंदेंनी शिवसेनेविरोधात ऐतिहासिक बंड केल्यानंतर शिवसेना आणि शिंदे गट असा वाद सुरू झाला. इतकंच नाही, तर शिंदे गटाने शिवसेना ही आपलीच असल्याचंही म्हटलं. शिवसेना नक्की कोणाची हा वाद सुरू असतानाच दसरा मेळाव्याच्या जागेवरुन उद्धव ठाकरे आणि शिंदे गट आमने-सामने आले होते. मागील कित्येक वर्षांपासून दसऱ्याच्या दिवशी शिवतिर्थावर दसरा मेळावा घेण्याची शिवसेनेची परंपरा आहे. बाळासाहेबांपासून सुरू असलेली परंपरा उद्धव ठाकरेंनीही सुरू ठेवत आजपर्यंत यात कधीही खंड पडला नाही. दसरा मेळाव्याला लाखोंच्या संख्येने शिवसैनिक शिवाजी पार्कवर बाळासाहेबचं भाषण ऐकण्यासाठी एकत्र येत होते. केवळ चार अपवाद वगळता दरवर्षी दसरा मेळावा आजपर्यंत पार पडला आहे.

दसरा मेळाव्यासाठी महापालिकेने फेटाळला होता अर्ज

एकनाथ शिंदेंनी बंडखोरी करत शिवसेनेसह संपूर्ण राज्यातील राजकारणालाच मोठा धक्का दिला. दसरा काही दिवसांवर आला असताना दसरा मेळाव्याच्या जागेवरुन वाद सुरू झाला होता. शिंदे गटाने शिवसेना आपलीच असल्याचं म्हणत शिवाजी पार्कवर दसरा मेळावा घेण्यासाठी मुंबई महापालिकेकडे अर्ज केला होता. त्याचवेळी उद्धव ठाकरेंनीही शिवतिर्थावर दसरा मेळावा घेण्यासाठी अर्ज केला होता. शिंदे आणि उद्धव ठाकरे गटाने दसरा मेळाव्यासाठी शिवाजी पार्कची जागा मिळावी यासाठी अर्ज केला होता, पण या दोन्ही गटाचा अर्ज महापालिकेने फटाळला होता.

दसरा मेळाव्याची परंपरा खंडित होता होता राहिली…

महापालिकेने शिंदे आणि उद्धव ठाकरे दोघांनाही परवागनी नाकारल्याने हे प्रकरण कोर्टात गेलं होतं. कोर्टाने आपल्या निर्णयात शिंदे गटाला शिवतिर्थावर दसरा मेळावा घेण्यास परवानगी नाकाराली आणि उद्धव ठाकरेंना शिवाजी पार्कवरच मेळावा घेण्याची परवानगी दिली. दादरमध्ये १९६७ मध्ये शिवसेनेची स्थापना झाली होती. त्यानंतर लगेच दुसऱ्या वर्षापासून बाळासाहेबांनी दसरा मेळाव्याची सुरुवात केली. जवळपास ५६ वर्षांपासून शिवसेनेच्या दसरा मेळाव्याची परंपरा सुरू आहे. याआधी चार वेळा दसरा मेळावा काही कारणांनी होऊ शकला नव्हता.हेही वाचा – शिवाजी पार्कवर आव्वाज शिवसेनेचाच, ठाकरेंच्या दसरा मेळाव्याला हायकोर्टाची परवानगी!

आतापर्यंत चार वेळाच दसरा मेळावा होऊ शकला नव्हता

शिवसेनेची स्थापना झाल्यापासून जवळपास ५६ वर्षांपर्यंत केवळ चार वेळा शिवतिर्थावरील दसरा मेळावा होऊ शकला नाही. त्यानंतर यंदा शिवसेनेतील अभूतपूर्व बंडानंतर, तसंच महापालिकेने शिवाजी पार्कची जागा दसरा मेळाव्यासाठी नाकारल्यानंतर पाचव्यांदा शिवसेनेचा दसरा मेळावा (Shivsena Dasara Melava Shivaji Park) खंडित होता होता राहिला. दसरा मेळाव्याची परंपरा सुरू झाल्यापासून पहिल्यांदा २००६ मध्ये मुंबईत झालेल्या मुसळधार पावसामुळे शिवतिर्थावर दसरा मेळावा होऊ शकला नव्हता. पहिल्यांदाच हे घडलं होतं.

विधानसभा निवडणुकीची आचारसंहिता

दसरा मेळावा आणि शिवसेना हे समिकरणचं आहे. २००६ नंतर २००९ मध्ये दुसऱ्यांदा दसरा मेळावा होऊ शकला नव्हता. २००९ मध्ये विधानसभा निवडणुकीची आचारसंहिता लागू झाल्याने शिवतिर्थावर दसरा मेळावा झाला नव्हता. त्यानंतर २०१४ मध्येही विधानसभेच्या निवडणुकीदरम्यान आचारसंहिता लागल्याने तिसऱ्यांदा दसरा मेळावा होऊ शकला नव्हता. शिवसेनेचा दसरा मेळावा आजपर्यंत शिवाजी पार्कवरच झाला आहे. मेळाव्याच्या जागेत आजवर कधीही बदल झालेला नाही. यंदा या जागेवरुन वाद सुरू होता, पण अखेर कोर्टाच्या परवानगीनंतर यंदाही मेळावा शिवाजी पार्कवरच होणार आहे. हेही वाचा – Dasra Melava: शिंदे गटाने डाव टाकलाच होता, पण एक गेम फसला अन् फासा पलटला, लढाई ठाकरेंनी जिंकली!

व्हिडिओ कॉन्फरन्सिंगद्वारे केलेलं दसरा मेळाव्याचं भाषण

दोन वेळा निवडणूक आचारसंहिता आणि एकदा पावसामुळे अशा तीन वेळा दसरा मेळावा होऊ शकला नव्हता. त्यानंतर २०१२ मध्ये दसरा मेळावा थेट शिवाजी पार्कवर होऊ शकला नव्हता, पण बाळासाहेबांनी २०१२ मध्ये दसऱ्याच्या दिवशी भाषण केलं होतं. बाळासाहेब ठाकरे यांची तब्येत ठीक नसल्याने त्यांनी व्हिडिओ कॉन्फरन्सिंगद्वारे दसरा मेळाव्यात भाषण केलं होतं. ५६ वर्षात अशा केवळ चार वेळा काही कारणांनी दसरा मेळावा शिवाजी पार्कवर झाला नव्हता.



Source link

Leave a Reply

Your email address will not be published.