कोलंबो : आशिया चषक २०२३ मधील पाकिस्तानचा प्रवास संपुष्टात आला आहे. जगातील सर्वोत्कृष्ट वेगवान गोलंदाजीचा अभिमान बाळगणाऱ्या पाकिस्तान संघाला सुपर फोरच्या शेवटच्या सामन्यात श्रीलंकेकडून (PAK vs SL) पराभव पत्करावा लागला. याआधी भारताकडूनही संघाचा पराभव झाला होता. अशाप्रकारे पाकिस्तानचा संघ आशिया कपमधून बाहेर पडला. श्रीलंकेने सामन्याच्या शेवटच्या चेंडूवर दोन धावा घेत लक्ष्य गाठले. पावसामुळे हा सामना ४२-४२ षटकांचा झाला. पाकिस्तानच्या हातून सामना कधी निसटला आणि या सामन्याचा टर्निंग पॉईंट काय ठरला; जाणून घ्या३७व्या षटकातील चुकीमुळे पाकिस्तानचा पराभवपाकिस्तान संघ सामन्याच्या शेवटच्या चेंडूवर हरला नसता, पण त्यांच्याच खेळाडूच्या धडाकेबाज कृतीमुळे संघ स्पर्धेतून बाहेर पडला. वास्तविक, ३७व्या षटकाच्या दुसऱ्या चेंडूवर चरिथ असलंका स्ट्राइकवर होता. त्याने शाहीन आफ्रिदीचा चेंडू पॉइंटवर खेळला. शादाब खान तिथे क्षेत्ररक्षण करत होता. बॅटिंग क्रीजपासून तो दूरही गेला नव्हता पण शादाबने चेंडू उचलला आणि फेकला. बॅकअपमध्ये एकही खेळाडू नव्हता आणि श्रीलंकेच्या फलंदाजांनी दोन धावा घेतल्या. शेवटी, दोन वेळा आशिया चषक विजेत्या पाकिस्तानला या दोन धावांची किंमत मोजावी लागली आणि त्यांना स्पर्धेतून बाहेर पडावे लागले.सामन्यात काय घडलं?पावसाने प्रभावित झालेल्या या सामन्यात पाकिस्तानने प्रथम फलंदाजी करताना ४२ षटकांत ७ गडी गमावून २५२ धावा केल्या. यष्टिरक्षक फलंदाज मोहम्मद रिझवानने ७३ चेंडूत ८६ धावांची नाबाद खेळी खेळली. डकवर्थ लुईसच्या नियमाप्रमाणे श्रीलंकेला ४२ षटकांत २५२ धावांचे लक्ष्य मिळाले. सामन्याच्या शेवटच्या चेंडूवर संघाने हे यश मिळवले. श्रीलंकेसाठी कुसल मेंडिसने ८७ चेंडूत ९१ धावांची खेळी केली. आता १७ सप्टेंबर रोजी श्रीलंकेचा सामना भारताशी जेतेपदासाठी होणार आहे. भारताने आशिया चषक ७ वेळा आणि श्रीलंकेने ६ वेळा जिंकला आहे. श्रीलंका हा या स्पर्धेचा गतविजेताही आहे.