परभणी: पूर्णा शहरातील तडीपार मैदानावर एका मुस्लिम महिलेचा मृतदेह आढळून आला होता. या खुनाचा उलगडा करण्यात पोलिसांना यश आले असून एक महिन्यापूर्वी विवाह झालेल्या महिलेला पतीने वादातून संपवल्याचे धक्कादायक कारण समोर आले आहे. या घटनेतील आरोपीला पूर्णा पोलिसांनी हैदराबाद येथून ताब्यात घेतलं आहे. अरबाज खान पठाण असे ताब्यात घेतलेल्या आरोपीचे नाव आहे.

पूर्णा शहरातील रेल्वेस्थानकाजवळील एका मैदानावर मंगळवारी २० सप्टेंबर रोजी सकाळी रक्ताच्या थारोळ्यात पडलेल्या एका महिलेचा मृतदेह आढळल्याने मोठी खळबळ उडाली होती. पोलिसांनीही घटनास्थळी धाव घेवून मृतदेह ताब्यात घेतला. सदर महिलेचा अज्ञात व्यक्तीने डोक्यात दगड घालून निर्घृणपणे खून केला असावा, असा अंदाज वर्तवित पोलिसांनी तातडीने त्या महिलेची ओळख पटविण्याचा प्रयत्न सुरु केला होता. ही महिला मुस्लिम समाजातील असावी, असे स्पष्ट झाले होते.

हेही वाचा –मध्यरात्री रेल्वे स्थानकावर घेऊन फिरला, मग मैदानात नेऊन महिलेला संपवलं, परभणीत थरार

पूर्णा पोलिसांनी महिलेची ओळख पटवण्यासाठी पूर्णा रेल्वेस्थानक परिसरातील सीसीटीव्ही फुटेज तपासले तेव्हा सोमवारी मध्यरात्री पूर्णा रेल्वेस्थानकावरील ओव्हरब्रिज आणि प्लॅटफॉर्मवर त्या महिलेसह एक तरुण जात असतानाचे फुटेज प्राप्त झाले. पोलिसांनी त्या फुटेजच्या आधारे आरोपीचा चेहरा निष्पन्न करुन त्या आधारे पूर्ण पोलिसांनी आरोपीचा शोध घेतला. आरोपीला हैदराबादेतून ताब्यात घेतलं आहे.

हेही वाचा – फ्लॅटमधून दुर्गंधी येते, पोलिसांना फोन, दार उघडताच समोरील चित्र पाहून पोलीस हादरले

आरोपीचा आणि मृत महिलेचा एक महिन्याभरापूर्वी विवाह झाला असल्याचे पोलीस तपासातून समोर आले आहे. तर, आरोपीने किरकोळ कारणावरुन महिलेच्या डोक्यामध्ये दगड घालून खून केल्याचं देखील निष्पन्न झाले आहे. पूर्णा पोलिसांनी आरोपीला अखेर बेड्या ठोकल्या आहेत.

हेही वाचा – प्लॉटच्या व्यवहारात आईचा अडसर; पोटच्या पोरानं आईला संपवलं, परभणीतील हत्येचं गूढ उकललं

औरंगाबादेत एटीएसची मोठी कारवाई, टेरर फंडिंग प्रकरणी चौकशी होणार



Source link

Leave a Reply

Your email address will not be published.