Authored by टीम मटा ऑनलाइन | Edited by प्रशांत पाटील | महाराष्ट्र टाइम्स.कॉम | Updated: Sep 21, 2022, 7:29 PM

Parbhani Crime News : परभणीमधील पूर्णा तालुक्यातील पिंपरी येथे एका वृद्ध महिलेच्या डोक्यात विटा घालून निर्दयीपणे हत्या करण्यात आली आहे. २४ तासांमध्ये हत्येची ही दुसरी घटना आहे. त्यामुळे परभणी हादरलं आहे.

 

Parbhani Crime News
परभणी पुन्हा हादरलं! आधी तरुणीला संपवलं, आता वृद्धेचा जीव घेतला; नागरिक दहशतीखाली

हायलाइट्स:

  • वृद्ध महिलेच्या डोक्यात विटा घालून हत्या
  • शहरात २४ तासात हत्येची दुसरी घटना
  • परभणीमधील पूर्णा तालुक्यातील घटना
परभणी : परभणीच्या पूर्णा तालुक्यातील पिंपरी येथे एका ६९ वर्षीय महिलेच्या डोक्यामध्ये विटा घालून अज्ञात व्यक्तीने हत्या केल्याची धक्कादायक घटना घडली आहे. २४ तासांमध्ये परभणीमध्ये हत्येची ही दुसरी घटना असल्याने परभणी हादरलं आहे. सलग दोन दिवस दोन हत्या झाल्याने परभणी जिल्ह्यातील कायदा व सुव्यवस्थेचा प्रश्न निर्माण झाला आहे. सुलोचना शंकरराव सोनटक्के असं हत्या झालेल्या महिलेचं नाव आहे. या प्रकरणाचा अधिक तपास पोलीस करत आहेत.

पूर्णा शहरातील तडीपार मैदानावर एका तरुणीच्या डोक्यात दगड घालून हत्या केल्याच्या घटनेला २४ उलटले नसतानाच पूर्णा तालुक्यातील पिंपरी येथे मंगळवारी मुलीकडून घरी परतलेल्या सुलोचनाबाई सोनटक्के या घरामध्ये रात्री झोपले होते. दरम्यान, मध्यरात्री अज्ञात इसमाने कोणत्यातरी कारणासाठी त्यांच्या डोक्यामध्ये विटा घालून त्यांची हत्या केल्याची घटना घडली आहे. सुलोचनाबाई यांची हत्या झाल्याचं शेजाऱ्यांनी पाहिल्यानंतर या प्रकरणाची माहिती शेजाऱ्यांनी पोलिसांना दिली.

रोहित शर्माने लाइव्ह सामन्यात केला स्टीव्हन स्मिथला इशारा, व्हिडिओ पाहाल तर हसतच राहाल…
पोलिसांना घटनेची माहिती मिळताच घटनास्थळी उपविभागीय पोलीस अधिकारी ब्रह्मदेव गावडे, सहाय्यक पोलीस निरीक्षक शिवप्रकाश मुळे यांच्यासह पोलीस कर्मचाऱ्यांनी घटनास्थळी धाव घेऊन पंचनामा केला आहे. तर मृतदेह उत्तरीय तपासणीसाठी रुग्णालयात पाठवण्यात आला आहे. आरोपीचा शोध घेण्यासाठी पोलिसांचे पथक रवाना करण्यात आलं आहे. हत्येचे कारण अद्याप समजू शकलेले नाही. दरम्यान, २४ तासांमध्ये परभणीत दोन हत्येच्या घटना घडल्या असल्याने कायदा व सुव्यवस्थेचा प्रश्न निर्माण झाला आहे.

शिवसैनिकांच्या घरवापसीचा शुभारंभ ठाण्यातूनच, ठाकरेंचा महाराष्ट्र दौऱ्यावर निघण्यापूर्वी शिंदेंना पहिला दणका

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.



Source link

Leave a Reply

Your email address will not be published.