[ad_1]

पुणे: कोणताही सुगावा हाती नसताना, केवळ एका शक्यतेवरून बेवारस मृतदेहाची ओळख पटवून त्याच्या कुटुंबीयांचा शोध घेण्याचे आव्हान कोंढवा पोलिसांनी यशस्वीपणे पेलले. बांधकाम साइटवर पाण्याच्या टाकीत सापडलेल्या मृतदेहाच्या ओळख पटेल, अशी एकही वस्तू पोलिसांना सापडली नव्हती. मात्र, ‘मृताकडे मोबाइल असेलच’ या शक्यतेवरून पोलिसांनी मोबाइलचा शोध घेतला आणि मोबाइलच्या कव्हरमध्ये सापडलेल्या एका फोटोकॉपीवरून पोलिस मृत व्यक्तीच्या कुटुंबीपर्यंत पोहोचले.

कोंढवा बुद्रुक येथील इस्कॉन मंदिराच्या जवळ एका बांधकाम साइटचे काम सुरू आहे. तेथे पाण्याची साठवणूक टाकी बांधण्यात आली आहे. एकेदिवशी त्या टाकीत पुरुषाचा मृतदेह आढळून आला. स्थानिक नागरिकांनी त्याची माहिती पोलिस नियंत्रण कक्षाला दिली. त्यानुसार, कोंढवा पोलिसांचे बीट मार्शल, कर्मचारी घटनास्थळी दाखल झाले. मृतदेह बाहेर काढून त्यांनी वरिष्ठ निरीक्षक संतोष सोनावणे यांना खबर दिली. मृतदेहाच्या अंगावरील कपड्यांची झडती घेतली असता, कोणतीही वस्तू किंवा ओळखपत्र आढळून आले नाही. पोलिसांनी मृतदेह ससून रुग्णालयात पाठवला.

Ram Mandir: मूर्ती, स्तंभ अन् बरंच काही; राम जन्मभूमीवर खोदकामात सापडले प्राचीन मंदिराचे अवशेष; फोटो पाहाच
मात्र, मृतदेहाची ओळख पटवणार कशी, असा प्रश्न पोलिसांना पडला होता. तंत्रज्ञानाच्या युगात साधारणपणे प्रत्येकाकडेच मोबाइल असतो. या व्यक्तीकडे देखील मोबाइल असू शकतो, असा तर्क पोलिस कर्मचाऱ्यांनी लावला. त्यानुसार त्यांनी मृतदेहाच्या मोबाइलचा शोध घेण्यास सुरुवात केली. त्यासाठी साठवणूक टाकीची सर्व पाणी उपसले आणि टाकीत मोबाइल शोधला.

मोबाइल सापडला देखील, पण पाण्यामुळे मोबाइल सुरू होत नव्हता. त्यामुळे मोबाइलमधून क्रमांक मिळवून संबंधिताच्या ओळखीच्या व्यक्तींशी संपर्क साधणेही शक्य झाले नाही. तपास इथेच थांबणार, असा विचार केला जात असतानाच पोलिस कर्मचाऱ्याला मोबाइलच्या ‘कव्हर’मध्ये एक मतदार कार्डची फोटोकॉपी सापडली. त्यावर ‘साईनाथ कुलाळ, पेढेवाडी, तालुका- अकोले,’ असे लिहिलेले होते. पोलिसांना मृताचे नाव कळाले होते. त्यानुसार सहायक निरीक्षक विकास बाबर यांच्या मार्गदर्शनाखाली कुटुंबीयांचा शोध घेण्याचा प्रयत्न सुरू केला.

४० हजार वर्षांपूर्वींचा इतिहास समोर, ३२ भित्तीचित्रं, दगडी शस्त्रं, पुरातत्व विभागाला खजिना सापडला
…असा लागला कुटुंबीयांचा शोध

कोंढवा पोलिस ठाण्यात कार्यरत एका पोलिस अंमलदाराची अकोले तालुक्यातील ओळख कामी आली. त्यांनी तेथील ‘वडाप’ चालकांच्या व्हॉट्सअप ग्रुपवर संबंधित व्यक्तीच्या मतदार कार्डचा फोटो पाठवून कोंढवा पोलिसांशी संपर्क साधण्याचे आवाहन करण्यात आले. व्हॉट्सअप प्रसारित केलेली माहिती वाचून संबंधिताच्या ओळखीतील एका व्यक्तीने पोलिसांशी संपर्क साधला आणि त्याने मृताच्या कुटुंबीयांची माहिती दिली. त्यानंतर त्याच व्यक्तीने कुटुंबीयांना घडलेल्या घटनेची माहिती देऊन कोंढवा पोलिसांकडे पाठविलेले. पोलिसांनी सर्व खातरजमा करून मृतदेह कुटुंबीयांच्या ताब्यात दिला.

काॅन्स्टेबलकडून ३ प्रवासी अन् एका पोलीसावर गोळीबार; जयपूर-मुंबई एक्सप्रेसमध्ये थरकाप उडवणारी घटना

[ad_2]

Source link

Leave a Reply

Your email address will not be published. Required fields are marked *