इस्लामाबाद: पाकिस्तानचे लष्करप्रमुख जनरल कमर जावेद बाजवा २९ नोव्हेंबरला निवृत्त होत आहेत. २०१६ मध्ये नियुक्ती झाल्यानंतर त्यांनी सहा वर्ष पाकिस्तान लष्कराची धुरा सांभाळली. त्यांच्या दोन कार्यकाळात पाकिस्तानचे चीन आणि अमेरिकेसोबतचे संबंध सुधारले. देशांतर्गत अनेक कामगिरीनंतर बाजवा आता निवृत्त होणार असताना एका तपास अहवालामुळे ते वादाच्या भोवऱ्यात सापडले आहेत.

सहा वर्षांच्या कार्यकाळात कुटुंब अब्जाधीश

‘फॅक्ट फोकस’ या पाकिस्तानी वेबसाइटने दावा केला आहे की, जनरल बाजवा यांच्या सहा वर्षांच्या कार्यकाळात त्यांचे कुटुंबीय अनेक पटींनी श्रीमंत झाले आहेत. यातील एक नाव म्हणजे लष्करप्रमुखांची सून महनूर साबीर, जी बाजवा यांच्या घरची सून होण्याच्या नऊ दिवसांपूर्वी अचानक अब्जाधीश झाली. या अहवालाने पाकिस्तानात खळबळ माजली आहे.

फॅक्ट फोकसच्या अहवालानुसार, लाहोरस्थित महनूर साबीर पाकिस्तानी लष्कर प्रमुखाची सून होण्याच्या नऊ दिवस आधी अब्जाधीश बनली. बाजवा यांच्या मुलाशी २ नोव्हेंबर २०१८ रोजी तिचं लग्न झाले. याच्या ९ दिवसांपूर्वी गुजरांवाला येथील आठ डीएचए भूखंड २३ ऑक्टोबर २०१८ रोजी तिच्या नावावर बॅक-डेट करण्यात आले होते. हे तेव्हाच शक्य आहे जेव्हा एखाद्याकडे DHA च्या अधिग्रहित जमिनीची मालकी असेल. २०१८ मध्ये ती २०१५ च्या कॉन्स्टिट्यूशन वन ग्रँड हयात अपार्टमेंटची मालकीण बनली.

हेही वाचा-Shraddha Walkar Case Big Update: श्रद्धा वालकर प्रकरणी मोठी अपडेट, आफताबची कोर्टात कबुली, म्हणाला – जे झालं ते रागाच्या भरात

सूनेची संपत्ती शून्यावरून १ अब्ज रुपयांपर्यंत वाढली

असा दावा करण्यात आला आहे की, ऑक्टोबर २०१८ च्या शेवटच्या आठवड्यात तिची घोषित मालमत्तेच्या संपत्तीचं मूल्य शून्य होतं. २ नोव्हेंबर २०१८ रोजी त्यांच्या लग्नाच्या एक आठवडा आधी ते मूल्य १ अब्ज रुपयांपेक्षा जास्त झाले. मात्र, महनूर साबीरने २०१८ मध्ये एफबीआरला या मालमत्तांची माहिती दिली होती. या मालमत्ता २०१४, २०१५ आणि २०१६ मध्ये खरेदी करण्यात आल्याचे कागदपत्रांमध्ये नमूद करण्यात आले आहे. बाजवा यांची पाकिस्तानच्या लष्करप्रमुखपदी नियुक्ती झाल्यापासून नोव्हेंबर २०१६ पूर्वी प्रत्येक मालमत्ता खरेदी करण्यात आली होती हे दाखवण्यासाठी या घोषणा करण्यात आल्या होत्या.

बाजवा यांची सून किती श्रीमंत?

वेबसाईटनुसार, माहनूरकडे ३४ कोटी रुपयांची शेतजमीन, डीएचए लाहोरच्या फेज ७ सेक्टर सीमध्ये ४९ कोटी रुपयांचे सात व्यावसायिक भूखंड, ७ कोटी रुपयांचे ग्रँड हयात इस्लामाबाद अपार्टमेंट, ७.२ कोटी रुपयांचे डीएचए गुजरांवाला येथे आठ भूखंड आहेत. एका कंपनीचे १५ लाख रुपयांचे १५००० शेअर्स आहेत. नोव्हेंबर २०१९ मध्ये, महनूर हे Taxx पेट्रोलियम पाकिस्तान या तेल कंपनीची व्यवस्थापकही झाली. या कंपनीचे मुख्यालय दुबई येथे आहे.

हेही वाचा-IND VS NZ: न्यूझीलंडविरुद्ध दणदणीत विजय, तरी हार्दिकवर चाहत्यांचा संताप, जाणून घ्या नेमकं काय घडलं?

महनूरच्या वडिलांनी परदेशात मालमत्ता खरेदी केली

या कंपनीने २०१८ मध्ये सुरू झाल्यानंतर काही महिन्यांतच संपूर्ण पाकिस्तानमध्ये आपले पाय पसरवले होते. लष्करप्रमुख म्हणून सहा वर्षांच्या कारकिर्दीत, बाजवा यांच्या कुटुंबाने महनूरचे वडील साबीर ‘मिठू’ हमीद यांच्यासोबत लाहोरमध्ये अनेक व्यवसायही सुरू केले. यादरम्यान हमीदने पाकिस्तानबाहेर पैसे ट्रान्सफर केले आणि परदेशातही मालमत्ता खरेदी केली. सहा वर्षांत बाजवा यांची पत्नी आयशाही अब्जाधीश झाली आहे. त्यांनी गुलबर्ग ग्रीन्स इस्लामाबाद आणि कराची येथे मोठे फार्महाऊस, लाहोरमध्ये अनेक भूखंड, डीएचए योजनेत व्यावसायिक भूखंड आणि प्लाझा खरेदी केले आहेत.

वाद टाळण्यासाठी मोठा निर्णय; बाळासाहेबांच्या स्मृतीदिनाच्या एक दिवस आधीच शिंदे गटाकडून भव्य कार्यक्रम





Source link

Leave a Reply

Your email address will not be published. Required fields are marked *