दरम्यान सभेला सुरुवात होताच विरोधी संचालिका शौमिका महाडिक आपल्या सभासदांना घेऊन सभा मंडपात दाखल झाल्या.हातात महादेवराव महाडिक , धनंजय महाडिक आणि शौमिका महाडिक यांचे फोटो असलेले झेंडे पोस्टर्स घेऊन कार्यकर्त्यांनी घोषणाबाजी सुरू केली. यामुळे सतेज पाटील आणि हसन मुश्रीफ यांच्या कार्यकर्त्यांनी देखील जोरदार घोषणाबाजी सुरू केली. सभामंडपात दोन्ही गटाकडून जोरदार घोषणाबाजी सुरू होताच गोकुळचे अध्यक्ष अरुण डोंगळे यांनी सर्व विषय वाचण्यास सुरुवात केली.
गोकुळ अध्यक्ष अरुण डोंगळे यांनी वाचलेले सर्व ठराव सभेत एकमताने मंजूर करण्यात आले. तर सत्ताधारी गटाने आमचा माईक बंद ठेवून आमचा आवाज दाबण्याचा प्रयत्न केला असे म्हणत आमच्या प्रश्नांची जोपर्यंत मिळत नाही तोपर्यंत सभा संपवणार नाही म्हणणारे अध्यक्षांनी केवळ एक तासात सव्वा गुंडाळी असा आरोप संचालिका शौमिका महाडिक यांनी केला. मात्र या आरोपांना फेटाळून लावत अध्यक्ष अरुण डोंगळे यांनी या सभेत त्यांच्या विचारलेल्या सर्व प्रश्नांची उत्तरे आम्ही दिली तसेच ही सभा गोंधळात पार पडली, असे म्हणत सर्वसाधारण सभा ही सभासदांचे प्रश्न ऐकून घेण्यासाठी असते येथे कोणत्याही संचालिका ना बोलायच नसत असे म्हणत शौमिका महाडिक यांना बोलण्यास विरोध केला. एकंदरीतच गोकुळ दूध संघात सुरू असलेला कारभार, एकमेकांवर होणारे आरोप प्रत्यारोप आणि एकमेकांविरोधात होणारी घोषणाबाजी अशा वातावरणात यंदाची ही गोकुळची ६१ वी वार्षिक सर्वसाधारण सभा नेहमी प्रमाणे संपन्न झाली.