म. टा. प्रतिनिधी, पुणे

चांदणी चौकातील वाहतूक कोंडी दूर करण्यासाठी जुना पूल अखेर दोन ऑक्टोबरला पाडण्यात येणार आहे. हा पूल पाडण्याचे नियोजन, त्यासाठी लागणारी यंत्रसामग्री, पूल पाडण्यासाठी लागणारा कालावधी, राडारोडा टाकण्याचे ठिकाण याबाबतचा सविस्तर अहवाल येत्या मंगळवारी (२७ सप्टेंबर) सादर करण्यात येणार आहे. त्यानंतर पूल पाडण्यासाठी घ्यावा लागणारा ब्लॉक, पर्यायी मार्ग आणि आसपासच्या परिसरातील नागरिकांची गैरसोय होऊ नये, यासाठीचे पुढील वेळापत्रक निश्चित करण्यात येईल. (the old bridge at chandni chowk in pune will finally be demolished on october 2 to ease traffic congestion)

विभागीय आयुक्त सौरभ राव यांच्या अध्यक्षतेखाली पुणे एकीकृत महानगर परिवहन प्राधिकरणाच्या (पुमटा) बैठकीत चांदणी चौक येथील पूल पाडण्याविषयी सविस्तर चर्चा झाली. या बैठकीला जिल्हाधिकारी डॉ. राजेश देशमुख, महापालिका आयुक्त विक्रमकुमार, पुणे महानगर प्रदेश विकास प्राधिकरणाचे (पीएमआरडीए) आयुक्त राहुल महिवाल, पोलिस अधीक्षक डॉ. अभिनव देशमुख तसेच राष्ट्रीय महामार्ग प्राधिकरणाचे अधिकारी उपस्थित होते.

क्लिक करा आणि वाचा- एनआयएची PFI वर सर्वात मोठी कारवाई, आंबेडकर म्हणाले, छापेमारी का केली? पुरावे द्या!

या बैठकीत हा पूल दोन ऑक्टोबरला पाडण्याचे नियोजन असल्याचे महामार्ग प्राधिकरणच्या अधिकाऱ्यांनी स्पष्ट केले. त्या दिवशी मुंबई-बेंगळुरू महामार्गावर ब्लॉक घ्यावा लागणार असून, पर्यायी मार्गांबाबतची सर्व माहिती प्रसिद्ध केली जाणार आहे.

क्लिक करा आणि वाचा- ठाकरे उभे राहतील तिथे दसरा मेळावा, शिवसेनेची तोफ धडाडली, शिंदेंना गुवाहाटीत मेळावा घेण्याचा सल्ला

दरम्यान, चांदणी चौकातील हा पूल ब्लास्टिंगद्वारे पाडल्यानंतर रस्त्यावर पडणारा राडारोडा हटविणे आणि रस्ता वाहतुकीसाठी योग्य करणे, ही कामे १२ तासांमध्ये पूर्ण करण्याचे नियोजन संबंधित यंत्रणांनी केल्याचे वृत्त यापूर्वीच प्रसारित झाले आहे. या कालावधीत महामार्गावरील जड वाहनांची वाहतूक थांबवली जाणार असल्याचेही जाहीर करण्यात आले होते. तसेच यापूर्वी पर्यायी मार्गांची व्यवस्था काय असेल याबाबतही सांगण्यात आले होते. मात्र, पर्यायी मार्गांबाबत सर्व माहिती येत्या काही दिवसांत प्रसिद्ध केली जाणार आहे.

क्लिक करा आणि वाचा- रुपी बँकेच्या ग्राहकांना मोठा दिलासा; हायकोर्टाच्या आदेशानं चक्रं फिरली; वाचा काय घडलं



Source link

Leave a Reply

Your email address will not be published.