मुंबई: दक्षिण भारतात लोकप्रिय असणारी अभिनेत्री दीपा शनिवारी मृतावस्थेत (South Indian Actress Found Dead) आढळून आल्याचे धक्कादायक वृत्त समोर आले. ती तिच्या घरामध्ये पंख्याला लटकलेल्या अवस्थेत आढळली. दीपा ही अभिनेत्री पॉलीन जेसिका म्हणूनही ओळखली जाते. वयाच्या अवघ्या २९ व्या वर्षी अभिनेत्रीने अखेरचा श्वास घेतल्याने सर्वत्र हळहळ व्यक्त केली जात आहे. दरम्यान अभिनेत्रीने आत्महत्या केल्याचा संशय पोलिसांनी व्यक्त केला आहे. चेन्नईतील विरुगम्बक्कम येथील राहत्या घरी गळफास घेतलेल्या अवस्थेत तिचा मृतदेह आढळला होता.

हे वाचा-‘ब्रह्मास्त्र’मध्ये काम करायला तयार नव्हते नागार्जुन? या एका अटीवर झाले तयार

मीडिया रिपोर्टनुसार, दीपा गेल्या काही दिवसांपासून एकटीच राहत होती. तिच्या कुटुंबीयांनी तिला या घटनेआधी फोन करण्याचा प्रयत्न केला होता, पण तिने कॉल उचचला नाही. त्यावेळी काहीतरी संशयास्पद घडले असावे, असे त्यांना वाटले. त्यावेळी त्यांनी तिच्या एका मैत्रिणीला तिची चौकशी करण्यासाठी पाठवले असता अभिनेत्री पंख्याला लटकलेल्या अवस्थेत आढळून आल होती. सरकारी रुग्णालयात अभिनेत्रीच्या मृतदेहाचे पोस्टमार्टम केले जात आहे. पोलिसांनी गुन्हा दाखल केला असून याप्रकरणी अधिक तपास सुरू आहे. दरम्यान विविध मीडिया रिपोर्टनुसार असे समोर आले आहे की, प्रेमभंग झाल्याने अभिनेत्रीने हे टोकाचे पाऊल उचलले.

हे वाचा-मला RSS मध्ये घ्या म्हणतोय KRK! मोहन भागवत आणि फडणवीसांंकडे केली मागणी

रिपोर्ट्सनुसार असेही समोर आले आहे की तिच्या घरातून समोर आलेल्या एका नोटमध्ये तिने कुणाचेही नाव लिहिलेले नाही. पण असेही बोलले जात आहे की, ती एका व्यक्तीच्या प्रेमात आकंठ बुडाली होती. मात्र तिला या नात्यामधील तणाव सहन होत नव्हता. सोशल मीडियावरही तिने अनेकदा कोणाचही नाव न घेता प्रेमासंबंधीचे मेसेज पोस्ट केले होते. ती मानसिक तणावाचाही सामना करत होती. कॉलिवूड सिनेमातील ही अभिनेत्री ‘Vaidhaa’ या सिनेमाचा भाग होती.



Source link

Leave a Reply

Your email address will not be published.