मुंबई : काँग्रेस पक्षाचा पुढील अध्यक्ष कोण होणार, हे आता जवळपास निश्चित झाल्यात जमा आहे. राहुल गांधी यांनीच पक्षाचे अध्यक्षपद स्वीकारावे असा ठराव देभरातील सात राज्यांमधील काँग्रेस पक्षाने मंजूर केला आहे. आज मुंबईत झालेल्या प्रदेश काँग्रेस समितीच्या बैठकीत देखील राहुल गांधी यांनीच अध्यक्षपद स्वीकारावे असा ठराव करण्यात आला आहे. आतापर्यंत महाराष्ट्रासह एकूण ७ राज्यांमधील प्रदेश काँग्रसेने राहुल गांधी यांना पाठिंबा दिला आहे. दरम्यान, १७ ऑक्टोबर रोजी काँग्रेस अध्यक्षपदाची निवडणूक होत असून राहुल गांधी हेच अध्यक्ष होतील हे निश्चित मानले जात आहे. (rahul gandhi is almost certain to become the congress president)

पक्षाने अशा प्रकारचे प्रस्ताव सन २०१७ मध्ये पारित केले होते. त्यानंतर राहुल गांधी अध्यक्ष बनले होते. मात्र, पुढे लोकसभा निवडणुकीत पक्षाला पराभवाचा सामना करावा लागल्यानंतर राहुल गांधी यांनी अध्यक्षदाचा राजीनामा दिला होता. राजस्थान, गुजरात, तामिळनाडू, महाराष्ट्रासह एकूण ७ राज्यांनी राहुल गांधी यांनी अध्यक्ष बनावे यासाठी प्रस्ताव मंजूर केले आहेत.

शिवसेना आमदार नितीन देशमुखांविरुद्ध एसीबीकडे तक्रार; संतप्त आमदाराचा हा खडा सवाल
महाराष्ट्र प्रदेश काँग्रेस कमिटीच्या नवनिर्वाचित प्रदेश प्रतिनिधींची बैठक आज मुंबईत पार पडली. या बैठकीत दोन ठराव एकमताने मंजूर करण्यात आले. प्रदेशाध्यक्ष, प्रदेश पदाधिकारी, प्रदेश कोषाध्यक्ष, अखिल भारतीय काँग्रेस कमिटीचे प्रतिनिधी (AICC delegate ) यांच्या निवडीचे अधिकार काँग्रेस अध्यक्ष सोनिया गांधी यांना देण्याचा ठराव प्रदेशाध्यक्ष नाना पटोले यांनी मांडला. विधिमंडळ काँग्रेस पक्षाचे नेते माजी महसूलमंत्री बाळासाहेब थोरात यांनी या ठरावाला अनुमोदन दिले व सर्व प्रदेश प्रतिनिधींनी हा ठराव एकमताने मंजूर केला. तसेच या बैठकीत खासदार राहुल गांधी यांनी काँग्रेस अध्यक्षपदाची जबाबदारी स्वीकारावी अशी विनंती करणारा ठराव माजी मुख्यमंत्री अशोक चव्हाण यांनी मांडला. प्रदेश कार्याध्यक्ष व माजी मंत्री चंद्रकांत हंडोरे आणि नसीम खान यांनी या ठरावाला अनुमोदन दिले, हा ठरावही सर्व प्रतिनिधींनी एकमताने मंजूर केला.

प्रकाश आंबेडकर आणि उद्धव ठाकरे एकत्र येणार का?; शिवसेना खासदार अरविंद सावंत म्हणाले…
प्रदेश निवडणूक अधिकारी पल्लम राजू यांच्या अध्यक्षतेखाली महाराष्ट्र प्रदेश काँग्रेस कमिटीच्या नवनिर्वाचित प्रदेश प्रतिनिधींची बैठक यशवंतराव चव्हाण सभागृहात पार पडली. या बैठकीला काँग्रेसचे सर्व महत्वाचे नेते उपस्थित होते.

काँग्रेस पक्षांतर्गत निवडणुक प्रक्रिया कार्यक्रम सर्वांच्या सहकार्यांने व्यवस्थित पार पडला असून पक्ष संघटना बळकट करण्यासाठी याचा उपयोग होणार आहे असे प्रदेश निवडणूक अधिकारी व माजी केंद्रीय मंत्री पल्लम राजू यांनी सांगितले. राहुलजी गांधी यांनी कन्याकुमारीपासून भारत जोडो पदयात्रा सुरु केली आहे. या यात्रेत सहभागी होण्याचे आवाहनही पल्लम राजू यांनी यावेळी केले.

माझ्यासोबत फिरा, मी मुंबईत टॉयलेट दाखवितो; अरविंद सावंत यांचे अनुराग ठाकूर यांना प्रत्युत्तर
राहुल गांधी यांच्या नेतृत्वाखाली कन्याकुमारी ते काश्मीर सुरु असलेली भारत जोडो यात्रा ७ नोव्हेंबर रोजी महाराष्ट्रात येणार आहे, या यात्रेच्या तयारीबाबतही या बैठकीत चर्चा करण्यात आली.



Source link

Leave a Reply

Your email address will not be published.