नवी दिल्ली: पँटालून आणि बिग बाजार सारख्या किरकोळ व्यवसायांचे संस्थापक किशोर बियाणी यांनी कर्जबाजारी फ्यूचर रिटेल लिमिटेडच्या (एफआरएल) कार्यकारी अध्यक्ष आणि संचालक पदाचा राजीनामा दिला आहे. २३ जानेवारी २०२३ पासून त्यांच्या राजीनामा लागू होणार असल्याचे फ्युचर रिटेलने बुधवारी नियामक फाइलिंगमध्ये सांगितले. फ्युचर रिटेल लिमिटेडच्या रिझोल्यूशन प्रोफेशनलला २४ जानेवारी २०२३ रोजी ई-मेलद्वारे प्राप्त माहिती देण्यात आली.

अदानी-अंबानी आमने-सामने! किशोर बियाणीची कंपनी खरेदीसाठी चुरस, ११ इतरही अंतिम टप्प्यात

फ्युचर रिटेल कंपनी सध्या दिवाळखोरीच्या कारवाईला सामोरे जात आहे. फ्युचर रिटेलने शेअर बाजारांना दिलेल्या माहितीत म्हटले आहे की, कंपनीचे कार्यकारी अध्यक्ष आणि संचालक बियानी यांनी राजीनामा दिला आहे. यानंतर आता त्यांचा राजीनामा दिवाळखोरी आणि दिवाळखोरी संहिता अंतर्गत कमिटी ऑफ क्रेडिटर्स समोर ठेवला जाईल. फ्युचर रिटेल लिमिटेडला बँक ऑफ इंडियाकडून कर्ज चुकवल्याबद्दल दिवाळखोरीच्या कारवाईचा सामना करावा लागला. कर्जाचं ओझं जास्त झाल्यामुळे फ्युचर रिटेलच्या समस्या सुरु झाल्या. याशिवाय कोविड-१९ आणि लॉकडाऊनमुळे कंपनीच्या कामकाजावर परिणाम झाला, ज्याचा परिणाम कंपनीच्या विक्रीवर आणि निव्वळ संपत्तीवर झाला.

फ्युचर रिटेल ‘कंगाल’; NCLT ने सुरु केली दिवाळखोरीची प्रक्रिया

ऑगस्ट २०२० मध्ये समूहाने किरकोळ, घाऊक, लॉजिस्टिक्स आणि वेअरहाऊसिंग विभागांमध्ये कार्यरत १९ कंपन्यांची रिलायन्स रिटेल व्हेंचर्स लिमिटेडला विक्री करण्यासाठी २४ हजार ७१३ कोटी रुपयांचा करार केला.

गुंतवणूकदार हवालदिल! ३ रुपयावर घसरला शेअर, १० महिन्यांत १ लाखाचे झाले फक्त…

भारताचे रिटेल किंग
किशोर बियाणी यांना भारतात रिटेल किंग म्हणूनही ओळखले जाते. तसेच भारतातील आधुनिक किरकोळ क्षेत्राचे प्रणेते म्हणूनही त्यांची ओळख आहे. भावनिक निरोप देताना, किशोर बियाणी म्हणाले की, कंपनीला एका दुर्दैवी व्यावसायिक परिस्थितीचा परिणाम म्हणून CIRP (कॉर्पोरेट दिवाळखोरी रिझोल्यूशन प्रक्रिया) सामोरे जावे लागत आहे. कंपनी माझे सर्वकाही आहे आणि तिच्या वाढीसाठी मी सर्व काही केले, पण मला वास्तव स्वीकारावे लागेल आणि पुढे जावे लागेल.

६१ वर्षीय बियाणी यांनी कर्जदारांना देखील सहकार्य करण्याचे आश्वासन दिले आहे. “माझ्या राजीनाम्यानंतरही, मी माझ्या मर्यादित संसाधनांसह आणि कंपनीशी संबंधित कोणत्याही समस्येचे निराकरण करण्याच्या क्षमतेसह सर्व शक्य मदतीसाठी उपलब्ध आहे हे सांगण्याची गरज नाही.”



Source link

Leave a Reply

Your email address will not be published. Required fields are marked *