रोहितने धावांचा डोंगर उभारत आशिया कपमध्ये अविस्मरणीय कामगिरी केली आहे. रोहित शर्मा हा आता आशिया कप स्पर्धेत आठ हजार धावा करणारा एकमेव खेळाडू ठरला आहे. आतापर्यंत आशिया चषक स्पर्धेत कोणत्याही खेळाडूला आठ हजार धावांचा पल्ला गाठता आला नव्हता. पण रोहितने श्रीलंकेच्या सामन्यात अर्धशतक झळकावले आणि त्याने आशिया चषक स्पर्धेत ८ हजार धावांचा पल्ला गाठला आहे. त्याचबरोबर या अर्धशतकासह रोहितने अजून एक विक्रम रचला आहे. रोहितचे हे आशिया चषक स्पर्धेतील १० वे अर्धशतक ठरले आहे. आतापर्यंत आशिया चषक स्पर्धेत सर्वाधिक अर्धशतकांचा विक्रम हा भारताचा महान फलंदाज सचिन तेंडुलकरच्या नावावर होता. सचिनने आशिया चषक स्पर्धेत आतापर्यंत आठ अर्धशतकं झळकावली होती. पण रोहितच्या नावावर आता १० अर्धशतकी खेळी झाल्या आहे. दोन दिवसांत रोहितने दोन अर्धशतकं झळकावली. त्यामुळे आता रोहितने सचिनला मागे टकत आशिया चषक स्पर्धेत सर्वाधिक अर्धशतकांचा विक्रम आपल्या नावावर केला आहे.
रोहित शर्माने दोन दिवसांत दोन अर्धशतकं झळकावली. या दोन अर्धशतकांच्या जोरावर रोहितने आशिया कप स्पर्धेत इतिहास रचला आहे.