विशाखापट्टणम: भारत आणि ऑस्ट्रेलिया यांच्यातील दुसरा वनडे सामना आज (१९ मार्च) खेळवला जात आहे. सामन्यात भारतावर पावसाचे संकट कायम आहे. पण सध्या सूर्य चांगलाच डोक्यावर आला असून सामना काहीच वेळात सुरु होणार आहे. हा दुसरा वनडे सामना विशाखापट्टणम येथे खेळवला जात आहे. आता या दुसऱ्या वनडे सामन्याची नाणेफेक झाली असून ऑस्ट्रेलिया संघाने नाणेफेक जिंकली आहे. या संघाने प्रथम नाणेफेक जिंकत प्रथम गोलंदाजी करण्याचा निर्णय घेतला आहे.
या सामन्यात भारताचा नियमित कर्णधार रोहित शर्मा संघात परतला आहे. त्यामुळे रोहित शर्मा संघात परतल्याने एका खेळाडूला संघातून बाहेर जावे लागले आहे. ईशान किशनच्या जागी सलामीवीर म्हणून रोहित शर्मा संघात आला आहे. तसेच फिरकीचा विचार करता शार्दुल ठाकूरच्या जागी अक्षर पटेलला संधी देण्यात आली आहे. पण सूर्यकुमार यादवसाठीही हा सामना मोठी परीक्षा घेऊन येणार आहे. आतापर्यंत, सूर्या वनडे क्रिकेटमध्ये अपयशी ठरला आहे, तर पहिल्या एकदिवसीय सामन्यात तो गोल्डन डकचा बळी ठरला. दुसऱ्या वनडे सामन्यात अंतिम अकरा खेळाडूंच्या संघाकडे सर्वांचे लासखा लागले होते.
ईशान किशनला पहिल्या वनडेमध्ये सलामीची संधी मिळाली. पण त्याला मोठी खेळी साकारता आली नाही. सामन्याच्या दुसऱ्या षटकातच तो LBW आऊट झाला. तर सूर्यकुमार यादव मैदानात येताच आपले खातेही न उघडता हाहाःकार करणाऱ्या स्टार्कच्या गोलंदाजीवर शून्यावर LBW आऊट होत पॅव्हेलियनमध्ये परतला.
भारत: रोहित शर्मा (कर्णधार), शुभमन गिल, विराट कोहली, सूर्यकुमार यादव, केएल राहुल (यष्टीरक्षक), हार्दिक पांड्या, रवींद्र जडेजा, अक्षर पटेल, कुलदीप यादव, मोहम्मद सिराज, मोहम्मद शमी
ऑस्ट्रेलिया: ट्रॅव्हिस हेड, मिचेल मार्श, स्टीव्हन स्मिथ (कर्णधार), मार्नस लॅबुशेन, अॅलेक्स केरी (यष्टीरक्षक), कॅमेरॉन ग्रीन, मार्कस स्टॉइनिस, शॉन अॅबॉट, नॅथन एलिस, मिचेल स्टार्क, अॅडम झाम्पा
