नवी दिल्ली :Samsung Galaxy A22 5G Price cut: लोकप्रिय स्मार्टफोन निर्माता कंपनी Samsung सातत्याने आपल्या डिव्हाइसच्या किंमतीत कपात करत आहे. कंपनीने आपल्या गॅलेक्सी वॉच ४ आणि Samsung Galaxy F23 5G च्या किंमतीनंतर आता आपला लोकप्रिय स्मार्टफोन Samsung Galaxy A22 5G च्या किंमतीत देखील कपात केली आहे. हा फोन गेल्यावर्षी जुलै महिन्यात लाँच झाला होता. तुम्ही जर स्वस्त ५जी स्मार्टफोन खरेदी करण्याचा विचार करत असाल तर Samsung Galaxy A22 5G हा चांगला पर्याय आहे. सॅमसंगचा हा फोन दोन स्टोरेज व्हेरिएंटमध्ये येतो. फोनच्या किंमतीत २ हजार रुपये कपात झाली आहे. सॅमसंगच्या या फोनच्या नवीन किंमतीविषयी जाणून घेऊया.

वाचा: एकापेक्षा एक भन्नाट फीचर्ससह बहुचर्चित iQOO 9T स्मार्टफोन अखेर भारतात लाँच, जाणून घ्या किंमत

Samsung Galaxy A22 ची नवीन किंमत

Samsung Galaxy A22 च्या ६ जीबी रॅम + १२८ जीबी स्टोरेज व्हेरिएंटची किंमत १९,९९९ रुपये आणि ८ जीबी रॅम + १२८ जीबी मॉडेलची किंमत २१,९९९ रुपये होती. परंतु, आता २ हजार रुपये कपातीनंतर तुम्ही ६ जीबी मॉडेलला १७,९९९ रुपये आणि ८ जीबी व्हेरिएंटला १९,९९९ रुपयात खरेदी करू शकता.

वाचा: सोशल मीडिया वापरताना करू नका ‘हे’ काम, अन्यथा खावी लागेल जेलची हवा

Samsung Galaxy A22 5G चे स्पेसिफिकेशन्स

Samsung Galaxy A22 5G स्मार्टफोनमध्ये ६.६ इंच फुल एचडी प्लस डिस्प्ले दिला असून, याचे रिझॉल्यूशन १०८०x२४०० पिक्सल आहे. स्पीड आणि मल्टीटास्किंगसाठी यात मीडियाटेक डायमेंसिटी ७०० ऑक्टा-कोर चिपसेटचा सपोर्ट मिळतो. हा फोन अँड्राइड ११ आधारित वन यूआयवर काम करतो. फोनमध्ये बॅक पॅनेलवर ट्रिपल रियर कॅमेरा सेटअप दिला आहे. यात ४८ मेगापिक्सलचा प्रायमरी कॅमेरा सेंसर, ५ मेगापिक्सल अल्ट्रा वाइड अँगल लेंस आणि २ मेगापिक्सलचा डेप्थ कॅमेरा सेंसर दिला आहे. तर सेल्फीसाठी ८ मेगापिक्सलचा फ्रंट कॅमेरा मिळतो. पॉवर बॅकअपसाठी १५ वॉट फास्ट चार्ज सपोर्टसह ५००० एमएएचची बॅटरी दिली आहे.

वाचा: तुमच्या लॅपटॉपची बॅटरी लवकर संपते? या सोप्या टिप्स येतील खूपच उपयोगी



Source link

Leave a Reply

Your email address will not be published.