नवी दिल्ली: Samsung Galaxy F23 5G Price Cut: लोकप्रिय स्मार्टफोन निर्माता कंपनी सॅमसंगने काही दिवसांपूर्वीच आपल्या गॅलेक्सी वॉच ४ च्या किंमतीत मोठी कपात केली होती. आता कंपनीने यावर्षी मार्च महिन्यात लाँच झालेल्या Samsung Galaxy F23 5G ची किंमत कमी केली आहे. सॅमसंगच्या या फोन्सची किंमत तब्बल १,५०० रुपयांनी कमी झाली आहे. कंपनीने या फोनला दोन व्हेरिएंट्समध्ये सादर केले होते. दोन्ही मॉडेल्सच्या किंमती कमी करण्यात आल्या आहेत. दमदार फीचर्ससह येणाऱ्या Samsung Galaxy F23 5G च्या नवीन किंमतीविषयी जाणून घेऊया.

वाचा: ४जी कनेक्टिव्हिटीसह येणारे ‘हे’ आहेत सर्वात स्वस्त फोन्स, किंमत १,४९९ रुपयांपासून सुरू

Samsung Galaxy F23 5G ची नवीन किंमत

Samsung ने Galaxy F23 5G च्या ४ जीबी रॅम + १२८ जीबी स्टोरेज व्हेरिएंटला १७,४९९ रुपये आणि ६ जीबी रॅम + १२८ जीबी स्टोरेज व्हेरिएंटला १८,४९९ रुपये किंमतीत सादर केले होते. आता कंपनीने या फोन्सची किंमत १,५०० कमी केली आहे. नवीन किंमतीनुसार फोनच्या ४ जीबी मॉडेलसाठी १५,९९९ रुपये आणि ६ जीबी मॉडेलसाठी १६,९९९ रुपये खर्च करावे लागतील. नवीन किंमतीसह फोन फ्लिपकार्ट आणि कंपनीच्या अधिकृत वेबसाइटवर उपलब्ध आहे.

वाचा: Amazon वर लवकरच सुरू होतोय खास सेल, अवघ्या ६९ रुपये सुरुवाती किंमतीत मिळतील उपयोगी वस्तू

Samsung Galaxy F23 5G चे स्पेसिफिकेशन

Samsung Galaxy F23 5G मध्ये ६.६ इंच फुल-एचडी प्लस टीएफटी डिस्प्ले दिला असून, याचा रिफ्रेश रेट १२० हर्ट्ज आहे. यात स्पीड व मल्टीटास्किंगसाठी स्नॅपड्रॅगन ७५०जी ऑक्टा-कोर चिपसेटचा सपोर्ट मिळतो. हा ५जी फोन अँड्राइड १२ वर काम करतो. फोनच्या बॅक पॅनेलवर ट्रिपल रियर कॅमेरा सेटअप दिला आहे. यात ५० मेगापिक्सलचा प्रायमरी कॅमेरा सेंसर, ८ मेगापिक्सलटा अल्ट्रा-वाइड अँगल कॅमेरा आणि २ मेगापिक्सल मॅक्रो कॅमेरा सेंसर दिला आहे. तर सेल्फीसाठी ८ मेगापिक्सलचा फ्रंट कॅमेरा मिळतो. डिव्हाइसमध्ये २५ वॉट फास्ट चार्ज सपोर्टसह ५००० एमएएचची बॅटरी दिली आहे. तर कनेक्टिव्हिटीसाठी ५जी, यूएसबी टाइप-सी, एनएफसी आणि ३.५ एमएम हेडफोन जॅक मिळतो. हँडसेटमध्ये फिंगरप्रिंट सेंसर आणि फेस अनलॉक सपोर्ट दिला आहे.

वाचा: WhatsApp वर न्यूड कॉल करणारी लोकं कोण? तुम्हीही अडकू शकता जाळ्यात



Source link

Leave a Reply

Your email address will not be published.