[ad_1]

जालना : मराठा आरक्षणाच्या मागणीसाठी आमरण उपोषणाला बसलेल्या मनोज जरांगे पाटील यांच्या संघर्षावर लवकरच एक चित्रपट तयार होणार आहे. ‘संघर्षयोद्धा’ असे या चित्रपटाचे नाव ठरले असून छत्रपती शिवाजी महाराजांच्या साक्षीने खुद्द जरांगे पाटील यांच्या हस्ते सिनेमाच्या पोस्टरचे अनावरण करण्यात आले. जरांगेंचं उपोषण सुरु असलेल्या जालन्यातील अंतरवाली सराटी येथे पोस्टरचे अनावरण झाले.

संघर्ष योद्धा या चित्रपटाचे दिग्दर्शन शिवाजी दोलताडे हे करीत आहेत तर अभिनेते रोहन पाटील हे मुख्य भूमिकेत दिसणार आहेत. कन्यारत्न, धुमस, मजनू, मुसंडी, खळगं यासारख्या चित्रपटात रोहन झळकला आहे. बड्डे आहे भावाचा, जल्लोष साऱ्या गावाचा या चित्रपटामुळे रोहनची लोकप्रियता वाढली.

मनोज जरांगे यांनी मराठा समाजाला आरक्षण मिळून देण्यासाठी जो लढा उभारला आहे, तो सर्वांपर्यंत पोहोचण्यासाठी ‘संघर्षयोद्धा’ या चित्रपटाची निर्मिती करण्यात येत असल्याची माहिती आहे. सिनेमाचे चित्रीकरण येणाऱ्या डिसेंबर महिन्यात सुरू करण्यात येणार असून मार्च २०२४ पर्यंत हा चित्रपट प्रेक्षकांच्या भेटीला येणार आहे.

जरांगे पाटील तुमच्यासारख्या हिऱ्याचं आरोग्य धोक्यात आलं तर समाजाचं खूप नुकसान होईल, रोहित पवार यांची हात जोडून विनंती
या चित्रपटाच्या पोस्टरचे अनावरण आज जालन्यातल्या अंतरवाली सराटी येथे उपोषणकर्ते मनोज जरंगे यांच्या हस्ते करण्यात आले. यावेळी दिग्दर्शक शिवाजी दोलताडे यांनी सांगितले की, संघर्षयोद्धा सिनेमाचे चित्रिकरण सराटे गावातून सुरु होईल. जरांगेंच्या जन्मगावात आणि मुंबईतही शूटिंग होईल. जरांगेंचं १५ दिवसांचं उपोषण सर्वांना माहिती झालंय, पण जुना संघर्ष लोकांना माहिती नाही, असं दोलताडे म्हणाले.

शिंदे लबाड नाहीत, फडणवीस लुच्चेपणा करणार नाहीत, उपोषण थांबवा, संभाजी भिडेंची जरांगेंना विनंती
सिनेमासाठी रिसर्च सुरु केला असून त्यांचे बालमित्र, शेजारी यांच्याशी चर्चा करुन अधिकाधिक माहिती मिळवली जात आहे. लवकरच स्क्रिप्ट लिहून तयार होईल. सिनेमाचे पोस्टर पाहून त्यांना आनंद झाला. त्यांचा विश्वास बसला नाही. त्यांच्या चेहऱ्यावर स्माईल होती. त्यांनी सिनेमाला खूप शुभेच्छा दिल्या आणि सर्वतोपरी मदत करण्याचं आश्वासन दिलं, अशी माहिती दोलताडेंनी दिली.

जरांगेंचं उपोषण स्तुत्य आणि योग्य, शिवप्रतिष्ठान त्यांच्या पाठिशी; संभाजी भिंडेंनी घेतली मनोज जरांगेंची भेट



[ad_2]

Source link

Leave a Reply

Your email address will not be published. Required fields are marked *